მუსიკოსი გიორგი სუხიტაშვილი ახლგაზრდა ჯაზმენს, ბასგიტარისტ მიშა ჯაფარიძეს ემშვიდობება. გიორგი მიშასთან ერთად გატარებულ დროს, მეგობრობასა და თანამშრომლობას იხსენებს. სუხიტაშვილი მუსიკოსს შეუცვლელ პროფესიონალს და მეგობარს უწოდებს.
გიორგი სუხიტაშვილის პოსტს უცვლელად გთავაზობთ:
„რა უნდა გამეგო ისეთი რომ გული ასე გამხეთქოდა? ვინ უნდა წასულიყო ამ ქვეყნიდან რომ მეთქვა ჩემი გულის ნაწილი წაიღო-თქო, ვინ მეიმედებოდა ბოლო წლების მანძილზე ყველაზე მეტად?! ვინ იყო ჩემი გამორჩეული ბიჭი! ჩემი ძმა, ჩემი მიშო! ჩემი ნიჭისა და ადამიანობის ზეიმი, შრომის, პატიოსნების, წესრიგის, საიმედოობისა და უბრალოების მაგალითი. ვის დავეყრდნო ახლა, ვის ვთხოვო დახმარება, ვინ შემიცვლის შენ თავს ჩემო დაუმსახურებლად წასულო ბიჭო, რას ვახალო თავი! იმაზე მეტად რა მატკენს ახლა რაც შენი სიკვდილით დავზარალდი და გავნადგურდი?
ამ გვერდის გამომწერებო. ჩემო მეგობრებო. წლების წინ ბენდს რომ ვაკეთებდი მუსიკოსებს ვეძებდი, მიშომ დამირეკა, მე ბასისტი ვარო, შევხვდი მაშინ სულ კონტრაბასზე უკრავდა, მერე ერთად ბევრი რამე ვისწავლეთ ბევრს მეკითხებოდა, მაჩვენებდა ახალ მიგნებებს ბასგიტარაზედ, ახალ ჟღერადობებს, რიფებს, ღრუბელივით იყო, ყველაფერს ისრუტავდა, ეს ბიჭი თითქმის ყველგან ჩემს ზურგს ამაგრებდა სრული ამ სიტყვის მნიშვნელობით! არასოდეს დედას გეფიცებით არასოდეს არაფერი არ შეშლია! იმედი არასოდეს გაუცრუებია სულ მეიმედებოდა ჩემი მიშო, სულ მირეკავდა პატარა ბავშვივით, ყველაფერს მეკითხებოდა. როგორი დაუზარელი იყო, როგორი ცოცხალი მშრომელი.
მიშო! ახლა რა ეშველება შენს ოჯახს, რა?! რა გვეშველება ჩვენ უშენოდ?!
დამირეკა მანქანა უნდა ვიყიდოო, სულ სპორტული მანქანები ჩამომითვალა, მე ძალიან შემეშინდა რადგან არ მომეწონა ეს ახირება, არასოდეს არ ჰყოლია სწრაფი მანქანა, სულ პრიუსები ჰყავდა. მამის გარდაცვალება ძნელად გადაიტანა და მეგონა გადაუვლიდა ეს აკვიატება. ხო და ჩემი მიშო ამ მანქანამ იმსხვერპლა. ვერ ვიჯერებ ვერც ვიაზრებ? წლების მანძილზე როდესაც ბენდის შეკრებას ვიწყებდი პირველი ჩემს მიშოსთან ვრეკავდი, მიშო თუ მყავდა მთებს გადავდგამდი! მიშო თუ იყო დედას ვუტირებდი ისეთ რამეებს გავაკეთებდი. ხვალ რომ დამჭირდეს ბენდი რას ვიზამ? არაფერს მიშო აღარ მყავს ჩემი უნიჭიერესი ბიჭი! მიშო, მიყვარხარ!!!
ვიცი ვეღარ შეგაჩერებ, მშვიდობით...“, - წერს გიორგი სუხიტაშვილი.
ცნობისთვის მიშა ჯაფარიძე, 31 აგვისტოს ავტოსაგზაო შემთხვევის დროს დაიღუპა.
აგრეთვე დაგაინტერესებთ:
🔵„ვერ ვხვდები ვის აწყობს და რაში სჭირდება ეს სიტუაცია?" - რას წერს ლევან რატიანი
🔵„ამ ჭაობიდან მარკ ცუკერბერგმა უნდა იხსნას პლანეტა“ - რას წერს რეანიმატოლოგი
