საქართველოს ეროვნული ბანკის ყოფილი პრეზიდენტი გიორგი ქადაგიძე პანდემიის დროს არჩევნებთან დაკავშირებით საერთაშორისო გამოცდილების შესახებ სოციალურ ქსელში პოსტს აქვეყნებს.
როგორც ქადაგიძე წერს, მსოფლიოს 25-მა ქვეყნამ მოსახლეობის უსაფრთხოებისა და არჩევნების შედეგების მაღალი ლეგიტიმაციის მიზნით, არჩევნები 1-დან 4 თვემდე გადადო.
„საერთაშორისო გამოცდილების სერიიდან.
როცა ეპიდემიის პიკი არჩევნებს დაემთხვა, მოსახლეობის უსაფრთხოების და არჩევნების შედეგების მაღალი ლეგიტიმაციის მიზნით, რამდენიმე (4-10) კვირით გადაიდო:
არგენტინის, ავსტრაალიის, ავსტრიის, ბანგლადეშის, ბოსნიის, ბოცვანის, ბრაზილიის, კანადის, ჩილეს, კოლუმბიის, ჩეხეთის, გერმანიის, ჰონკონგის, იტალიას, შოტლანდიის და ურუგვაის მუნიციპალური არჩევნები. ბოლივიის, ახალი ზელანდიის, ჩრდილოეთ მაკედონიის, კვირპროსი, პოლონეთის, სერბეთის, შრილანკას საპარლამენტო და საპრეზიდენტო არჩევნები“, - წერს გიორგი ქადაგიძე.
ცნობისთვის, 2020 წლის საქართველოს საპარლამენტო არჩევნები 31 ოქტომბერსაა დანიშნული. ქვეყანაში კორონავირუსის შემთხვევბი დღითიდღე იზრდება. არჩევნების გადადებასთან დაკავშირებით, სამთავრობო გუნდს განცხადება არ გაუკეთებია.
