3 ნოემბერს გურჯაანის სოფელ ვაზისუბანში დიდი ტრაგედია დატრიალდა. 14 წლის სალომე მთვარელიშვილი, რომელიც დასთან ერთად მოპედით სეირნობდა, სწრაფად მომავალი ავტომობილი დაეჯახა და მოზარდი ადგილზე დაიღუპა. მისი არასრულწლოვანი და კი მძიმედ დაშავდა.
სალომე გურჯაანის წმინდა გიორგის სახელობის ტაძრის წინამძღვრის, გრიგოლ მთვარელიშვილის, შვილია. მღვდელს მისი მრევლი მომხდარი ტრაგედიის გამო თანაგრძნობას უცხადებს.
„ჩემი მამაო ყველაზე მეტს ლოცულობდა ჩემთვის, ლოცულობდა და ლოცულობდა, და მეც გადავრჩი. ყოველთვის ვიცოდი, რომ სადღაც ჩემთვის ყველაზე მეტს ლოცულობდა, ოღონდ არასდროს არ მირეკავდა არასდროს არ ვურეკავდი.
მამაოს შვილი გარდაიცვალა, სალომე ანგელოზად წავიდა ცაში, და არ ვიცი, რა ვქნა, ვერაფერს ვერ ვგრძნობ, ვიყინები.
მამაო, რომელიც ყველაზე მეტს ლოცულობდა ჩემთვის. ძალიან მიყვარხართ, და არ ვიცი რა გავაკეთო”, – წერს სოციალურ ქსელში სოფო ფირანიშვილი.
ცნობისთვის ავტომობილს კახეთის პოლიციის დეპარტამენტის თელავის რაიონული სამმართველოს უბნის ინსპექტორ-გამომძიებელი მართავდა.
