სოციალურ ქსელში არასამთავრობო ორგანიზაცია „საფარის“ ხელმძღვანელი ბაია პატარაია სტატუსს აქვეყნებს და პატიმარ ქალზე წერს, რომელიც მეოთხე წელია, შვილების ცემის ბრალდებით, პატიმრობაში იმყოფება.
„მეგობრებო, საინტერესო და სასიხარულო ამბით გიბრუნდებით. არ ვიცი, რამდენად გახსოვთ ინგა კაპანაძის საქმე და მოკლედ მოგიყვებით ამ გრძელ და ურთულეს საქმეს: ეს არის ქალი, რომელიც შვილების ცემის ბრალდებით მეოთხე წელია უსამართლოდ გამოკეტილია ციხეში. მოძალადე ქმრის ზეწოლის შედეგად შვილებმა დედის წინააღმდეგ მისცეს ჩვენება. პროკურორმა ქუმოშვილმა კი გულგრილად აწარმოა საქმე და მიუხედავად იმისა, რომ ფსიქოლოგიური ექსპერტიზა ამტკიცებდა, რომ დედას ბავშვები მოძალადედ არ აღიქვამდნენ, სისტემამ ბოლომდე საკუთარი პროკურორი დაიცავა და არა უდანაშაულო ადამაინი.
ჩვენ ინგას სასარგებლოდ საქმეში მოგვიანებით ჩავერთეთ და დავამტკიცეთ, რომ მოძალადე იყო მამა(!); ვიპოვნეთ ნეიტრალური მოწმე, რომელმაც ნახა თუ როგორ აიძულებდა მამა ბავშვებს ცრუ ჩვენების მიცემას. დღეს ეს მამა ძალადობის გამო დაკავებულია, მაგრამ ინგაც არავის გაუთავისუფლებია. მინდობით აღზრდაში გადაყვანილმა ბავშვებმა სიმართლე თქვეს, დედასთან ციხეშიც დადიან და იხვეწებიან მის გამოშვებას.
შარშან პენიტენციურს ვთხოვეთ ინგასთვის ელექტრონული სამაჯურით შინაპატიმრობით შეეცვალა სასჯელი, უარი გვითხრეს. სამივე ინსტანციაში გვედავა სახელმწიფო და სამივე ინსტანციაში მოვუგეთ საქმე.
მინდა გამოვარჩიო უზენაესი სასამართლოს მოსამართლე ქეთევან ცინცაძე, რომელიც ბავშვებს სახლში ესტუმრა და 27 დღეში მიიღო გადაწყვეტილება, რადგან გულთან ახლოს მიიტანა ეს საქმე. ჩვენ კი ბოლომდე ვიბრძოლებთ, რომ ინგას უდანაშაულობა დავამტკიცოთ. სახელმწიფოს კი, რომელმაც ერთი პროკურორის არაკომპეტენტურობის და გულგრილობის გამო, უდანაშუალო ადამიანი ციხეში გამოამწყვდია, ძვირის გადახდა მოუწევს დღეს თუ არა ხვალ, აქ თუ არა სტრასბურგში.
ინგა მალე სახლში იქნება
პ.ს. ამ საქმეზე საფარის უამრავი თანამშრომელი მუშაობს, მაგრამ განსაკუთრებული მადლობა Eliso Rukhadze, რომელმაც არასდროს მიატოვა ინგა.
პ.პ.ს. ამის მოსაყოლად შემოვიხედე და ისევ ვემინჯნები ფეისბუკს და ისევ გიტოვებთ“- წერს პატარაია.
აგრეთვე დაგაინტერესებთ 👇
🔵 ვინ არიან და რას საქმიანობენ კახა კალაძის უფროსი დები - ფოტოები
🔵 VIDEO: „ჩემი სტუდენტის დედა მოვხსენი დღეს აპარატიდან" - ლევან რატიანი
🔵 VIDEO: „ასეთი უბედურება დამემართა და დავიღუპე...“ - ტრაგედია გრიშა ონიანის ოჯახში
