დღეს, 25 ნოემბერს საქართველოში, კერძოდ ბათუმში კორონავირუსით ექიმი გარდაიცვალა. ჯამში ქვეყანაში ვირუსით გარდაცვლილია 1085 ადამიანი.
კორონავირუსთან მებრძოლი ექიმი, სოფო ბერიძე კოლეგის გარდაცვალებასთან დაკავშირებით, Stop-Cov აჭარას ჯგუფში ემოციურ სტატუსს აქვეყნებს:
„დიდი მსხვერპლის გაღება გვიწვეს!
კიდევ ერთი, პირველივე დღიდან პანდემიასთან გმირულად მებრძოლი ექიმი დავკარგეთ!
მადონა ტაკიძე - სიცოცხლით სავსე, ენერგიული და კეთილშობილი ქალბატონი დღეს ბათუმის საერთაშორისო ჰოსპიტალში გარდაიცვალა.
ჯგუფი მწუხარებას გამოთქვამს და იზიარებს ოჯახის წევრებისა და კოლეგების ტკივილს“, - წერს ბერიძე.
