ცნობილი შოუმენი და პოპულარული ტელესახე ვასიკო ოდიშვილი, ადრე თუ კულინარიული მიღწევებით და ლოტოს გათამაშებით ახარებდა მაყურებელს, ახლა მან ამპლუა შეიცვალა და სატირულ-პოლიტიკურ ამბები მიჰყავს.
ამ სტატიაში სწორედ ვასიკო ოდიშვილის პირადზე გიამბობთ, როგორი პიროვნებაა კადრს მიღმა ვასიკო.
პროფესია
ამონარიდი ჟურნალ „თბილისელების“ არქივიდან:
– ვასიკო, რა გზა გაიარეთ, სანამ პოპულარული ტელესახე გახდებოდით?
– მიზნად არასოდეს დამისახავს, პოპულარული მსახიობი ვყოფილიყავი. უბრალოდ, მინდოდა მეკეთებინა ჩემი საქმე. ტელევიზია ჩემი საქმე საერთოდ არ არის. ჩემი საქმე თეატრია. მაგრამ, რადგან იქაც შემიძლია და აქაც, ამიტომ ორივეგან ვარ. ისე, ვაღიარებ, რომ ტელევიზიამ უფრო მეტად მომიტანა პოპულარობა. იცით, ალბათ, რომ თეატრში იმდენ ფულს ვერ იშოვი, იმით იარსებო, თორემ სიამოვნებით ვიცხოვრებდი თეატრით და ამით დავკმაყოფილდებოდი.
ყურადღების ცენტრში ყოფნა ყველა მსახიობს უყვარს, პოპულარობა მსახიობის მიზანიც უნდა იყოს. პრინციპში, უნდა გითხრა, რომ მიჩვევა იცისო, ტყუილია. მსახიობების 99 პროცენტი კადრში ცუდია. ბევრი ნიჭიერი ადამიანი მინახავს, კადრში რომ ვერ ჯდება. მე გამიმართლა და შემიძლია ამის კეთება.
-კადრს მიღმა როგორი პიროვნებაა ვასიკო ოდიშვილი?
– აბსოლუტურად ჩვეულებრივი, რეალისტი ვარ. ვცდილობ, არ ვიყო მოწყენილი და თუ მაინც ასეა, იმდენს ვახერხებ, სხვას არ გადავდო ცუდი განწყობა. იუმორთან კი ვმეგობრობ, მაგრამ როგორ გამომდის, ეს ჩემს ახლობლებს უნდა ჰკითხოთ. ისე, საკმაოდ კომუნიკაბელური ვარ. უარყოფითი თვისებებიდან იმას გამოვარჩევ, რომ ფეთქებადი ხასიათი მაქვს. სამაგიეროდ, მალე მავიწყდება ყველაფერი. გულში დიდხანს არ ვიცი ბოღმის ჩარჩენა. ჩემი აუხდენელი ოცნებაა ის, რომ მინდოდა, მფრინავი გამოვსულიყავი და არ გამომივიდა, ძალიან მიყვარს მანქანები და ოჯახის წევრები. ზოგჯერ მინდა, სამოგზაუროდ წასვლაც, მაგრამ ამდენი ფული, სამწუხაროდ, არ მაქვს.
სიყვარული
ვასიკოს მეუღლე ტელეკომპანია „მაესტროს“ ერთ-ერთი დამფუძნებელი ეკა აკობია, წყვილი გაცნობიდან მესამე დღეს დაქორწინდა.
მათ ყველა ბობოქარ წყვილს ეძახის. ბევრჯერ უჩხუბიათ, მაგრამ მათ ჩხუბი მალევე შერიგებით დასრულებულა. ეკა ფიქრობს, რომ ასეთი ბობოქარი ცხოვრება უფრო საინტერესოა და დარწმუნებულია, რომ ის და ვასიკო ერთად დაბერდებიან.
ბალერინობა
„როგორც მიყვებიან, ფეხი ავიდგი თუ არა, მაშინვე თითის წვერებზე დავიწყე სიარული და ვტრიალებდი. ხუთი წლის ასაკში მიმიყვანეს ხელოვნების სკოლის საბალეტო ჯგუფში. ეს სკოლა საირმის ქუჩაზე მდებარეობდა. იმ პერიოდში უამრავ სპექტაკლს ვდგამდით, ჩემი ბავშვობის საუკეთესო წლებია. შემდეგ ჩემმა პედაგოგმა ირინა სტუპინამ ურჩია ჩემს მშობლებს, ქორეოგრაფიულ სასწავლებელში გადავეყვანეთ და ასეც მოხდა. მეოთხე კლასიდან ქორეოგრაფიულ სასწავლებელში გადამიყვანეს და იმ პერიოდიდან სერიოზულად დავკავდი ბალეტით.
ბალეტით ვიძინებდი და ვიღვიძებდი. ჩემი ოთახის კედლები ცნობილი ბალერინების ფოტოებით იყო სავსე. ძალიან მინდოდა, ბალერინა გამოვსულიყავი. მაგრამ ყველაფერი იცვლება და რაღაც ეტაპზე მივხვდი, რომ მინდოდა, ჟურნალისტიკში მეცადა ბედი. უფრო სწორად, მაშინ ასე ჩამოყალიბებული არ ვიყავი და არ ვიცოდი ზუსტად რა მინდოდა. უბრალოდ, წერა მიყვარდა. ვწერდი ლექსებს, ზღაპრებს, ვაკეთებდი ჩანახატებს. ექვსი წლიდან ვწერდი დღიურებს, რომლებიც დღემდე შენახული მაქვს.
ძალიან სასაცილოა ექვსი წლის ასაკში დაწერილი ჩემი დღიურები. მოკლედ, კალამს დავუმეგობრდი და ამ პერიოდში ვიფიქრე, რომ აღარ ღირდა ქორეოგრაფიულ სასწავლებელში სწავლა. თუ გადაწყვეტილი გაქვს, ბალერინა იყო, მაშინ თითქმის მთელი ცხოვრება ამას უნდა მიუძღვნა. ძალიან შრომატევადი და რთული პროფესიაა. ამიტომ ბოლო კლასებში ჩვეულებრივ საჯარო სკოლაში გადავედი. ქორეოგრაფიულმა სასწავლებელმა მომცა ის, რასაც სხვა საჯარო სკოლაში ვერასოდეს მივიღებდი. ამ სკოლაში ყველაფერი იყო, რაც ბავშვს განვითარებისთის სჭირდება. ბევრს ეგონა, რომ ქორეოგრაფიულში სხვა საგნებს კარგად ვერ ასწავლიდნენ, მაგრამ ასე ნამდვილად არ იყო.“
ვასიკო და ინგა
ჟურნალისტი და ტელეწამყვანი ინგა გრიგოლია სოციალურ ქსელში ვასიკო ოდიშვილის ერთ-ერთ გადაცემას გამოეხმაურა და „ვასმედიის" წამყვანს „ტვ პირველის" ნაცვლად, საკუთარი არხის მიკროფონზე „ღადაობას" ურჩევს, რომელიც მისი აზრით, არც ერთ „იმედის" თანამშრომელს არ უყვარს:
„საბრალო, ეს რა დღეში ჩაუგდია „იმედის“ მონობას, თავის შეფებზე რომ იღადაოს, გადაეცით და იმედის“ მიკროფონზე, რომელიც, დარწმუნებული ვარ, არც ერთ თანამშრომელს არ უყვარს (მე მართლა ვგიჟდები ჩემი ტელევიზიის მიკროფონზე). რა რთულია მონის ხვედრი ამ ქვეყანაში, არადა, ოდესღაც ღადაობდა ეს ქლიავი" - დაწერა ინგა გრიგოლიამ „ფეისბუქის" პირად გვერდზე. შეგახსენებთ, რომ გრიგოლიას გაღიზიანება ტელეკომპანია „იმედის“ ეთერში იუმორისტულ გადაცემაში გასულმა ვიდეომ გამოიწვია, სადაც მან არხის მიკროფონს აკოცა.
🔘აგრეთვე წაიკითხეთ:
„ვაკაჭისაც დავშორდი და ილო ბეროშვილის საყვარლის სტატუსიც მომეხსნა“ - ცოტა რამ ბაბი კირკიტაძეზე
