„ყოვლისშემძლე დუდუ“ ასე გაიცნო ალეკო ბეგალიშვილი საზოგადოების უმეტესობამ სერიალიდან „ჩემი ცოლის დაქალები“.
მიუხედავად იმისა, რომ მისი კარიერა თეატრში დაიწყო და არაერთი როლი აქვს განსახიერებული, მსახიობი ფართო საზოგადოებამ სწორედ სერიალიდან გაიცნო.
მსახიობების ოჯახში გაიზარდა, მაგრამ ძმებისგან განსხვავებით, რომლებიც მშობლების კვალს მიჰყვნენ მსახიობობა, თურმე არც არასოდეს უნდოდა. თუმცა „გავლენამ“ თავისი როლი ითამაშა და მერე გენმაც იმძლავრა. მუსიკოსობაზე მეოცნებე ბიჭი ნიჭიერ მსახიობად იქცა. შორეულ მოგონებებში დარჩა ჯგუფი, სადაც უკრავდა და სიმღერები, რომლებიც წლების წინ იწერებოდა.
დღეს სწორედ „ყოველისშემძლე დუდუზე“ იგივე ალეკო ბეგალიშვილზე მოგიყვებათ.
პროფესია
ცოტამ იცის, რომ ის ბენდთან ერთად უკრავს და მღერის, იწვევენ ბარებში. მსახიობის დამატებითი შემოსავალი სწორედ ბარებსა და კაფეებში სიმღერაა.
„ბენდში ვუკრავთ იმ დღიდან, რაც თეატრში ვართ. უბრალოდ ბოლო პერიოდში ინტერნეტში დავდეთ ვიდეო, რომელმაც ბევრი მოწონება დაიმსახურა. ამის შემდეგ ტელევიზიაში, რადიოში მიგვიწვიეს, ყურადღება მოგვაქციეს. საღამოობით კაფეებსა და ბარებში ვუკრავთ. დამატებით ერთ-ორ კაპიკს ვშოულობთ, თორემ ხელფასებით დიდად განებივრებულები არ ვართ. თუ პოპულარული ჯგუფი არ ხარ, კაფეებსა და ბარებში ცოტას გიხდიან. როგორც კი პოპულარული გახდები, მერე ყველა გექაჩება, მანამდე კი არავის უნდიხარ.
ეს დუდუც ასეა. თეატრში სპექტაკლი არ არის, როლს არ ვასრულებდე, მაგრამ ქუჩაში რომ გავდიოდი, კაციშვილი ზედ არ მიყურებდა. დუდუ გამოჩნდა და მაშინ გავხდი მაგარი“- ამბობს მსახიობი ერთ-ერთ ინტერვიუში.
პირადი
მსახიობს პირად თემაზე ლაპარაკი არ უყვარს, თუმცა ცნობილია, რომ ჰყავს მეუღლე და ორი შვილი. 17 წლის მარიამი და 15 წლის დათო.
„ჯერ პატარები არიან, მაგრამ გოგო პანკობისკენ იხრება, თავი გადაიპარსა, ბიჭს ჯექსონი მოსწონს და რაღაც ასეთი ტიპები არიან, ცოტა მოგიჟო. ჯერ თვითონაც არ იციან, რა უნდათ... იმედია, მალე გაერკვევიან...“- ამბობს ალეკო ბეგალიშვილი.
„ჩემი ცოლის დაქალები“
„კასტინგზე უნდა მოხვიდეო, ეკამ მითხრა, “ჩემი ცოლის დაქალები" რომ გავიგე, აუ, არ მინდა-მეთქი, ეკას ვუთხარი. ჩემთან სახლში ყველა უყურებს. მერე რომ შევხედე, ცუდი არ ყოფილა", - ამბობს მსახიობი ერთ-ერთ ინტერვიუში.
დუდუს გამოჩენა ეკრანზე ყოველთვის განსაკუთრებულ ინტერესს იწვევდა, ის მეგობარს, ქალბატონ მაკას (მსახიობი ნინო კასრაძე), რომელიც ადრე თურმე მოსწონდა, გასაჭირში გვერდით ედგა. დუდუ მაკას ერთადერთი იმედი და დასაყრდენი ძალა იყო. ისიც ამართლებს მის იმედებს, ყოვლისშემძლე მამაკაცია და ლამის „სუპერმენიც", ყველანაირ რთულ პრობლემას მაშინვე უგვარებს.
მიუხედავად იმისა, რომ თავისი გმირისგან ძალიან განსხვავდება, შეძლო იმდენად ბუნებრივი ყოფილიყო, ეკრანზე გამოჩენისთანავე მაყურებლის საყვარელ გმირად იქცა.
„ქალიშვილი დამცინის, სპაიდერმენი ხარო. დუდუს აირონ მენის კოსტიუმი ჩააცვეს. შიშველ ქალს ჩემი ორი თავი ჰქონდა აქეთ-იქით და დუდუებიო, ეწერა. კაიფობენ ეგეთ რამეზე. მოკლედ, მოწყენილ ტიპს გასართობი პონტი რომ გაეჩითება, ერს დუდუს სახით ეგ გაეჩითა“- ამბობს ალეკო ბეგალიშვილი.
ტრაგედია
„სამი წელი დეპრესიული ვიყავი, რადგანაც ახლო მეგობარი დავკარგე“- ამბობს მსახიობი ერთ-ერთ ინტერვიუში.
„1989 წელს ჯარში წავედი, რომ დავბრუნდი, მეორე კურსზე დამსვეს და მაგ პერიოდში მე და ჩემი ორი მეგობარი ავარიაში მოვყევით. ერთ-ერთი დაიღუპა, დიდი ტრაგედია მოხდა. მერე სამი წელი დეპრესიული ვიყავი, რადგანაც ახლო მეგობარი დავკარგე, მდგომარეობიდან გამოსვლა მიჭირდა. მაგრამ წლები რომ გავიდა, მივხვდი, რომ გლოვას აზრი არ ჰქონდა, უარესი იყო… მოკლედ, ამის გამო დიდი პაუზა მქონდა… მერე მინიატიურების თეატრში მოვხვდი, სამხატვრო ხელმძღვანელი მაშინ მამუკა კიკალეიშვილი იყო…“- იხსენებს მსახიობი.
მსახიობს გარდაცვლილი ჰყავს მამა:
„მერვე წელი დაიწყო, რაც მამაჩემი აღარ არის. მთელი ცხოვრება თავის საყვარელ საქმეს ემსახურებოდა. სცენაზე უამრავი როლი განასახიერა. კინოში მთავრი როლებით დიდად არ იყო განებივრებული, მაგრამ ქართულ კინოს მის მიერ დასამახსოვრებელი სახეები ნამდვილად შემორჩა…“- იხსენებს მსახიობი.
🔘აგრეთვე წაიკითხეთ:
„ჯვარზე გაკრული“ ხატია ბუნიათიშვილი, დაწუნებული სიმღერები და სხვა სკანდალური ამბები პიანისტზე
მაკა ზამბახიძის ქმრები - მომღერლის გემოვნების ევოლუცია
ფარულავას ყველა კაცი - მათი ნაწილი შესაძლოა, თვითონაც არ ახსოვს
