სექსი ავტომობილში - ტყუილად ფიქრობთ, რომ ეს მოუხერხებელია!
1. ეს საოცარი თავგადასავალია
ხშირად სექსოლოგები რუტინული სექსისგან დაღლილ წყვილებს ურჩევენ, სექსუალური აქტი ავტომობილში სცადონ. ეს თითქოს მარტივი ან, ერთი შეხედვით, არასერიოზული სიახლე სიამოვნების მიღებას უფრო ამძაფრებს.
2. მარტივად მოდის ფანტაზიები
თანამედროვე ავტომობილები აღჭურვილია (დიახ, ნუ გეცინებათ) ბევრი ისეთი სასარგებლო წვრილმანით, რომელიც სექსისთვის აუცილებელია. მაგალითად, BDSM-ის (დომინირება და მორჩილება, სადიზმი და მაზოხიზმი) სრული აქსესუარებით უსაფრთხოების ღვედის სახით.
3. წინასწარი სამზადისი
სექსი ავტომობილში შესაძლოა, იყოს სპონტანურიც და დაგეგმილიც, ხოლო ეს უკანასკნელი სულაც არ გულისხმობს, რომ სექსის ხარისხი გაფუჭდება. შეარჩიეთ ისეთი ტანსაცმელი და ფეხსაცმელი, რომელსაც მარტივად ჩაიცმევთ და გაიხდით.
4. მოძებნეთ ადგილი პარკირებისთვის
მოძრაობაში პრელუდია, შესაძლოა, სასიამოვნოა, თუმცა, გაითვალისწინეთ - სახიფათოც. ამიტომ, შეეცადეთ, ავტომობილის პარკირებისთვის უსაფრთხო და განმარტოებული ადგილი შეარჩიოთ. ალბათ, არ მოგეწონებათ, თუკი სექსუალური აქტის დროს გამვლელები ავტომობილში „შემოგივარდებიან“ ან პოლიცია დაგადგებათ თავზე.
5. გადააფარეთ ყველაფერს
არა, იმას კი არ ვგულისხმობ, რომ ავტომობილში ფარდები ჩამოაფაროთ. უბრალოდ, სავარძლებს გადააფარეთ პლედი, პირსახოცი ან მაისური. არა მხოლოდ იმიტომ, რომ ტყავის სავარძელს არ მიეწებოთ, არამედ იმიტომაც, რომ სავარძლებზე დატვირთული „ვარჯიშის“ შემდეგ ნაკვალევი არ დარჩეს.
6. აირჩიეთ პოზა
ალბათ, დამეთანხმებით, რომ ჩაკეტილ სივრცეში ყველა პოზა ერთნაირად მოსახერხებელი ვერ იქნება. სპეციალისტები გვირჩევენ, დავიწყოთ მარტივი, ჩვეული, მაგალითად, მისიონერული პოზით, რისთვისაც გამოდგება როგორც წინა, ასევე, უკანა სავარძელიც. ავტომობილის უკანა სავარძელზე საკმაოდ მოსახერხებელია კოვზის პოზა, თუკი ხელებით, წინა სავარძლის საზურგეს ჩაეჭიდებით.
7. არ გაჩერდეთ
სექსი ავტომობილში ხანგრძლივი სექსუალური აქტისთვის არ არის გათვალისწინებული. სივიწროვემ შესაძლოა, სხეულის დაბუჟება გამოიწვიოს, ან უბრალოდ მოგბეზრდეთ დიდხანს ჩაკეტილ სივრცეში ყოფნა. ნურც იმას გამორიცხავთ, რომ შემთხვევითმა გამვლელმა ჩაგიაროთ, თუნდაც, უღრან ტყეში. ამიტომ, ოდნავ იჩქარეთ სიამოვნების მიღება.
8. შემდეგ კი - სახლში
უფრო სწორად, სახლში კი არა, აბაზანაში. სექსი ავტომობილში შესანიშნავია საღამოს დასასრულებლად და არა ეროტიკული საღამოსთვის მოსამზადებლად, სადაც შესაძლოა, ჰიგიენის წესებზე ზრუნვამ და პრეტენზიებმა სექსის სურვილი აბსოლუტურად გაგიქროთ.
