მომღერალმა თამრიკო ჭოხონელიძემ გასულ წელს მეუღლესთან, გია როინიშვილთან წლების წინ გაწყევტილი ურთიერთობა აღადგინა. მათ შესახებ ბევრი ჭორაობდა და კულუარულ წყაროებში ამბობდნენ, რომ დაშორების მიზეზი ღალატი იყო.
„ალბათ, მიტევება ყველაზე დიდი კეთილშობილებაა“ - თქვა თამრიკო ჭოხონელიძემ და მეუღლეს შეურიგდა. ახლა ისინი კვლავ ერთად არიან.
„ჩვენი გზები გაიყო. მერე კი თავისთავად მოხდა, რომ რაღაც პერიოდის მერე მე დავიბრუნე ჩემი თავი. ზუსტად ის ადამიანი ვარ, როგორიც ხალხმა შემიყვარა. სხვანაირად ვერ ვიცხოვრებდი. მივხვდი, რომ ჩემში ქალი დაბრუნდა. არ ვიცი, გიამ რა დაინახა. რადგან ჩემში ეს ყველაფერი დაბრუნდა, მომეცა ასპარეზი, რომ სწორად გადამეხარშა ბევრი რამ. მივხვდი, რომ ეს ადამიანი ჩემთვის არ არის ჩვეულებრივი და რიგითი ადამიანი და ეს თავისთავად მოხდა, ნელ-ნელა დავუბრუნდით ერთმანეთს. იმ ხალხის გასაგონად მინდა ვთქვა და გავაწბილო, ვინც ამ სისულელეს ფიქრობს და სხვათა შორის წერს, ასე როგორ უნდა დაპარატავდე, რომ ამას პოლიტიკას მიაწერდე. რა შუაშია პოლიტიკა საერთოდ? სირცხვილია. ალბათ, გული დასწყდებათ იმაზე, მაგრამ ვიტყვი, რომ მე და გია ბევრად ადრე დავუბრუნდით ერთმანეთს, ვიდრე პოლიტიკური შეხედულებებით დავახლოვდებოდით”- ამბობს თამრიკო ჭოხონელიძე ერთ-ერთ ინტერვიუში.
დღეს წყვილი ბედნიერად განაგრძობს ცხოვრებას, შვილებთან და შვილიშვილთან ერთად.
ოჯახისთვის ეს წელი კიდევ ერთი რამით განსხვავდებოდა გასული წლებისგან - თამრიკოს და მარიამს წელს არ უგალობია.
მისი თქმით, დისკრიმინაციის წინააღმდეგ მიმართული განცხადებების გამო „დასაჯეს“ და „სამაგიერო გადაუხადეს“.
„ეს არის ძალიან დიდი პატივი, რომ უწმინდესმა ჩემთვის და მარიამისთვის სპციალურად შექმნა საგალობელი . ძალიან ბევრი ეცადა, რომ მე არ შემესრულებინა საგალობელი შობა დღეს. ახლა უკვე შემიძლია თამამად ვთქვა, რომ წლები გავა და ხალხი ერთმანეთს ჩემი ნამღერით მიულოცავს შობას, ვინც არ უნდა ეცადოს ამას ვერავითარ შემთხვევაში ვერ აღმოფხვრიან. იმიტომ კი არა, რომ თამრიკომ იმღერა, არამედ იმიტომ, რომ საგალობელია ძალიან კარგი“- ამბობს თამრიკო ჭოხონელიძე „რეპორტ ჯი“-სთან.
თამრიკო ჭოხონელიძეს report.ge-ის გადამღები ჯგუფი ესტუმრა. მომღერალმა მათთან საუბრისას წარსული გაიხსენა, ახალი წლის ოჯახურ ტრადიციებზეც ესაუბრა და სახლი დაათვალიერებინა.
🔘აგრეთვე დაგაინტერესებთ:
ღალატის გამო დანგრეული ოჯახები
წარუმატებელი ქორწინება, მარტოხელა დედობა და ცნობილი ოჯახის შვილობა - ცოტა რამ მარიამ როინიშვილზე
ვინ არის ელენე ხოშტარიას ქმარი - ცოტა რამ პოლიტიკოსის პირადზე
მოჭრილი თავი, დასახიჩრებული ცხედარი, დამწვარი ბავშვი - საქართველოში მომხდარი სატანისტური მკვლელობები
