რუსთაველის თეატრის ახალგაზრდა მსახიობს ია სუხიტაშვილს პირად ცხოვრების შესახებ საუბარი არ უყვარს. თუმცა საზოგადოება, მისი შემოქმედბეის მიღმა არსებული ცხოვრებითაც ინტერესდება.
იას ოჯახი ორჯერ დაენგრა. ის ახლა მესამე ქორწინებაში იმყოფება. ორი შვილი ჰყავს და თავს ბედნიერად გრძნობს. ყოფილებთან მეგობრობა არ შეუძლია და არც ისინი იჩენენ ინიციატივას.
დღეს მოგიყვებით ამბებს, ია სუხიტაშილის ყოფილ და ახლანდელ ურთიერთობებზე. მაშ ასე:
ია სუხიტაშვილის პირველი ქმარი მსახიობი კახა ახვლედიანი იყო. წყვილს საერთო შვილი, ლუკა ჰყავს. კახა და ია დაშორების შემდეგ მეგობრებად ვერ დარჩნენ, თუმცა ცივილური ურთიერთობა შეინარჩუნეს.
„ყოფილ მეუღლესთან, ია სუხიტაშვილთან არანაირი კონტაქტი არ მაქვს. ლუკა ხშირად არის იას დედასთან და დეიდასთან. იას დეიდას შვილი არ ჰყავს და ლუკას ძალიან დიდ ყურადღებას აქცევს. ლუკასაც ძალიან უყვარს. როცა მისი ნახვა მინდა, ნინო დეიდას ვურეკავ და მას გამოჰყავს ხოლმე ჩემთან შესახვედრად. იასთან არანაირი ურთიერთობა არ მაქვს. არ მომწონს, როდესაც ყოფილი მეუღლეები მეგობრებად რჩებიან და არც მჯერა ამ მეგობრობის. ჩვენ ერთმანეთისგან არანაირი წყენა არ დაგვრჩენია. არც გვიჩხუბია. ძალიან ცივილიზებულად დავშორდით, მაგრამ ჩემი ძალიან ახლო მეგობარი ყოფილი ცოლი ვერასდროს გახდება“, - ამბობდა კახა ერთ-ერთ ინტაერვიუში.
კახას თავი ცუდ მამად მიაჩნდა, ფიქრობდა რომ შვილს საკმარის დროს ვერ უთმობდა. ამის შესახებ საჯაროდ ინტერვიუშიც საობრობდა ხოლმე.
„ვიცი, რომ ცუდი მამა ვარ. ამ ცხოვრებაში ყველაფერს აქვს თავისი მიზეზი. ცუდი მამობის მიზეზი კი ჩემია და ჩემშია. სხვათა შორის, მეც უმამოდ გავიზარდე. თუმცა ლუკას ჰყავს მამინაცვალი, რომელიც ძალიან კარგი ადამიანია და დარწმუნებული ვარ, თუ დასჭირდება ლუკას კარგ რამეებს დაარიგებს“, - ამბობდა კახა ახვლედიანი.
მიშა მესხი ია სუხიტაშვილის მეორე მეუღლე იყო. მათ საერთო შვილი არ ჰყოლიათ. ისინი ერთმანეთს სკანდალებისა და აურზაურის გარეშე დაშორდენენ.
„მე როცა რაღაცას ვამთავრებ, ნიშნავს, რომ ვამთავრებ! მერე ეს ცივილიზებული ურთიერთობები და რაღაცები არ შემიძლია…“ - ამბობდა მიშა მესხთან განქორწინების შემდეგ ია სუხიტაშვილი.
ის მსახიობ მამაკაცებს დეპრესიულ ტიპაჟებს უწოდებდა და ამბობდა, რომ მსახიობ კაცზე აღარასდროს იქორწინებდა.
„დავიფიცე, ხელოვანი, მსახიობი ქმარი არასდროს აღარ მეყოლება.– არ შემიძლია, არაფრით არ შემიძლია. ქალი კიდევ იბადები დედად, შეიძლება ვერასდროს ვერ გახდე, მაგრამ ეს ინსტინქტი დევს შენში. კაცი მსახიობი არის დეპრესიული ელემენტი. ყველაზე მარტივად ვარდებიან დეპრესიაში, ზედმეტად განიცდიან ყველაფერს, არაფრით არ შემიძლია! ორჯერ შევქმენი მსახიობ მამაკაცთან ოჯახი, დიდი მადლობა, აღარ მინდა, გადამილოცია ეს ესტაფეტა სხვებისთვის, ჩემთან დამთავრებულია!“ - ამბობდა ია.
ალექსანდრე შარშიძე ია სუხიტაშვილის მესამე ქმარია. ის პროფესიით ინჟინერ-მშენებელია. წყვილს საერთო შვილი ირაკლი ჰყავს.
მართალია, იას არ უყვარს პირად ცხოვრებაზე საუბარი, მაგრამ საკუთარი შვილის ფოტოებს სოციალურ ქსელში ხშირად აქვეყნებს.
აგრეთვე დაგაინტერესებთ:
