ჟურნალისტი თაკო მელიქიშვილი, რომელიც ბოლო პერიოდში ასტროლოგიით აქტიურად დაინტერესდა და შესაბამისი განათლებაც მიიღო, სოციალურ ქსელში ასტროლოგიურ თემებზე პოსტებსა და ვიდეოებს პერიოდულად უზიარებს საზოგადოებას.
ამჯერად მელიქიშვილი სტატუსს აქვეყნებს და 8 აგვისტოს კარმული დღის შესახებ წერს და საზოგადოებას საჭირო ინფორმაციას უზიარებს.
მისი თქმით, ეს არის დღე როცა სამყარო გვაძლევს შესაძლებლობას გავლენა მოვახდინოთ საკუთარ ბედზე.
„08.08 — კარმული ძალის და გარდაქმნის დღე
08.08 — ეს ორმაგი რვიანის ენერგიაა.
დღე, როცა სამყარო გვაძლევს შესაძლებლობას გავლენა მოვახდინოთ საკუთარ ბედზე.
8 — ეს არის ძალის, ავტორიტეტის, მატერიალური წარმატებისა და სულიერსა და მატერიალურს შორის ბალანსის რიცხვი.
მობრუნებული რვიანი უსასრულობის ნიშანს ჰგავს (∞) — უსასრულო ენერგიისა და კარმის ციკლი.
ეს არის მიზეზისა და შედეგის კანონის დღე:
რასაც გასცემ — იმავე ენერგიით დაგიბრუნდება. 08.08 — კარმული გზაჯვარედინია.
დღეს განსაკუთრებით მნიშვნელოვანია შეცდომების გაცნობიერება, პასუხისმგებლობის მიღება და მომავლის მტკიცე საძირკვლის შექმნა.
რისი გაკეთება ღირს დღეს?
• დაასრულე დაუსრულებელი საქმეები
• აპატიე ძველი წყენები და გაუშვი წარსული
• ივარჯიშე მედიტაციაში, ვიზუალიზაციაში, აფირმაციებში
• ჩამოწერე კონკრეტული მიზნები — განსაკუთრებით კარიერასთან, ფინანსებთან და პირად ძალასთან დაკავშირებული
• ივარჯიშე შემოქმედებითად — ლომის ენერგია თავის გამოხატვას ითხოვს
• გადაუხადე მადლობა იმ ყველაფერს, რაც უკვე გაქვს
რისი თავიდან აცილებაა რეკომენდებული:
• კონფლიქტები და მკვეთრი სიტყვები — დღეს ნათქვამს ძლიერი კარმული კვალი რჩება
• ფინანსური ავანტიურები და გაუაზრებელი ხარჯები
• ახალი საქმეების დაწყება გეგმის გარეშე
• წუწუნი და ნეგატივში ჩავარდნა — ეს ყველაფერი გაორმაგდება
პირდაპირი პრაქტიკა: „ვუშვებ ძველს — ვქმნი ახალს“
1. ნაწილი — „ვუშვებ“
ფურცლის ზედა ნაწილში დაწერე:
„დღეს, 08.08, მადლიერებით ვუშვებ ყველაფერს, რაც დასრულდა ჩემს ცხოვრებაში.“
შემდეგ ჩამოწერე თავისუფალ ფორმაში:
• ადამიანები ან ურთიერთობები, რომლებიც ზრდაში გბლოკავენ
• შეზღუდვები და მრწამსები („არ ვარ ღირსი“, „მაინც ვერ გამომივა“ და ა.შ.)
• შიშები, წყენები, სინანული
• სიტუაციები ან პროექტები, რომლებსაც უკვე დროა წარსულს ჩავაბაროთ
ყოველი ჩანაწერის შემდეგ დაამატე:
„მადლობა და ვუშვებ.“
2. ნაწილი — „ვქმნი ახალს“
ახალ ფურცელზე (ან იმავე გვერდის მეორე მხარეს) დაწერე:
„ვირჩევ, ჩემს ცხოვრებაში შემოვუშვა…“
შემდეგ ჩამოწერე ზუსტად 8 სურვილი ან მიზანი — ვიბრაციებში რომ შევიდე რვიანის ენერგიასთან.
დაწერე ახლანდელი დროის ფორმით, თითქოს ეს უკვე ასრულდა:
• „ვცხოვრობ ჰარმონიაში საკუთარ თავთან.“
• „ჩემი საქმე მაძლევს სიხარულსაც და შემოსავალსაც.“
• „ვიმყოფები ძლიერ, სავსე და მზრუნველ ურთიერთობაში.“
3. დაასრულე პრაქტიკა ასე:• ფურცელი „ვუშვებ“ — შეგიძლია დაწვა და ფერფლი ჰაერში გააფანტო ან მდინარეს გაატანო• ფურცელი „ვქმნი“ — ჩადე ლამაზ კონვერტში ან დღიურში და დროდადრო გადახედე“, - წერს თაკო მელიქიშვილი.
