10 სექტემბერი კოსმოსური დეკორაციების გრანდიოზულ ცვლილებასა და ენერგიების კარდინალურ გარდაქმნას მოიტანს. ერთბაშად რამდენიმე მნიშვნელოვანი ასტროლოგიური მოვლენა ემთხვევა, რაც დღის განწყობასა და მოვლენების მსვლელობაზე პირდაპირ იმოქმედებს.
მთვარე ქალწულის ნიშანში 9 სექტემბრის 22:36 საათიდან 12 სექტემბრის 02:51 საათამდე იმყოფება. ეს პრაქტიკულობის, სიმშვიდისა და ანალიტიკური აზროვნების პერიოდია.
რა გამოდის ყველაზე კარგად, რუტინული საქმეების კეთება, სივრცის დალაგება, დოკუმენტებისა და ანგარიშების მოწესრიგება, ჯანმრთელობაზე ზრუნვა.
რას უნდა ერიდოთ, ზედმეტ პრეტენზიულობას, კრიტიკას (როგორც საკუთარი თავის, ისე სხვების მიმართ) და წვრილმანებზე ჩაციკვლას.
ორგანიზმი მგრძნობიარეა საკვების ხარისხის მიმართ, ამიტომ სასარგებლოა ორგანიზმის გაწმენდა და პროფილაქტიკა. იდეალური დღეა გენერალური დასუფთავებისთვის.
დღის მთავარი ასტროლოგიური მოვლენები
დილის დაძაბულობა, მთვარისა და ურანის კონფლიქტი: დღის პირველ ნახევარში შესაძლებელია გეგმების მოულოდნელი ცვლილება, ტექნიკური ხარვეზები ან გაუთვალისწინებელი შეტყობინებები. ნუ ეცდებით ყველაფრის გაკონტროლებას, იყავით მოქნილი და მშვიდად შეხვდით სიურპრიზებს.
საღამოს ენერგიის დაცემა, ახალმთვარეობის მოლოდინი: საღამოსკენ მთვარე მზეს უახლოვდება და იწყება მზადება ახალმთვარეობისთვის. ენერგიის დონე საგრძნობლად დაიწევს, რის გამოც არ არის რეკომენდებული ახალი საქმეების წამოწყება ან დიდი ძალისხმევის გაღება. თუ აპათია ან სევდა მოგერიათ, ნუ იქნებით მკაცრი საკუთარი თავის მიმართ, პარასკევიდან, ახალმთვარეობის ენერგიებთან ერთად, განწყობილება სრულიად შეიცვლება.
ვენერას და მერკურის ინგრესია, ნიშნების შეცვლა:
ვენერა სასწორის ბოლო გრადუსზე ჰარმონიულ ასპექტს ქმნის ჩრდილოეთ მთვარის კვანძთან, რაც ბედისწერით შეხვედრებსა და კარმულ იღბალს მოიტანს, რის შემდეგაც ვარსკვლავი ვნებიან და ღრმა მორიელში გადადის.
მერკური გადადის დიპლომატიურ სასწორში, რაც ჩვენს აზრებსა და მეტყველებას დახვეწილობას, დამაჯერებლობასა და ჰარმონიისკენ სწრაფვას შესძენს.
ურანის რეტროგრადული სვლა, დღის მთავარი მოვლენა:
ურანი ტყუპების მე-6 გრადუსზე იწყებს უკუსვლას. 2027 წლის თებერვლამდე პლანეტა აიძულებს სამყაროს, გადააფასოს საინფორმაციო ტექნოლოგიები, უარი თქვას ცრუ ინოვაციებზე და იპოვოს შინაგანი დამოუკიდებლობა. ეს პერიოდი ხელახლა წამოსწევს იმ სიტუაციებს, რომლებიც 2026 წლის აპრილიდან მოყოლებული უკვე გადაგხდათ.
