„2024 წლის მთავარი სიმბოლო - მწვანე ხის დრაკონი არაერთ ადამიანს წარმატებასა და აღიარებას ჰპირდება და სწორედ 10 თებერვალს, შაბათს შემოდის დრაკონის წელიწადი ოფიციალურად“, - ამის შესახებ ასტროლოგმა მიხეილ ცაგარელმა „იმედის დილის“ ეთერში განაცხადა.
ცაგარელის თქმით, მნიშვნელოვანია, რომ ამ კვირაში გვაქვს მე-13 ახალმთვარეობა.
მიმდინარე კვირის ტენდენციებს რაც შეეხება, ასტროლოგის თქმით, უმჯობესია 10 თებერვალს დადებითი განწყობით შემხვდეთ, რადგან მთელ წელს ასე გაატარებთ.
„მიმდინარე კვირა გავყოთ ორ ნაწილად. 9 თებერვლამდე კარგი პერიოდია, მოლაპარაკებებისთვის და სხვადასხვა პროექტის განხორციელების კუთხით, მაგრამ არის სამი პროვოკაციული დღე - პარასკევი, შაბათი, კვირა - ნეგატიური დღეებია და ეს სამი დღე გავიაროთ ფრთხილად და მშვიდ ვითარებაში, იმატებს ფარული ჭორები, წყალქვეშა დინებები, მაგრამ გთხოვთ, 7-ჯერ გაზომეთ ერთხელ გაჭერით.
ხვალ, 6 თებერვალს რა ხდება კიდე ცის კაბადონზე? პლანეტა მერკური გადადის 25 თებერვლამდე მერწყულის ზოდიაქოში, ანუ გონება გახდება მახვილი და იდეების განხორციელება გახდება მარტივი“,- აცხადებს ასტროლოგი.
აგრეთვე დაგაინტერესებთ:
⭕🎥 ტოჩინოშინმა სპორტული კარიერა დაასრულა - ემოციური კადრები თმის მოჭრის ცერემონიალიდან
⭕„უმრავლესობას მაინც მე ვგონივარ“ - ნანიკო ხაზარაძე დედის ფოტოს აქვეყნებს
