2025 წლის 21 ოქტომბერს სასწორის ნიშანში ახალი მთვარეა. როგორც ასტროლოგები ამბობენ, ეს ჰარმონიისა და სიძლიერის ნამდვილი გამოცდაა. სამყაროს ჩვენთვის მნიშვნელოვანი, თუმცა რთული, შეტყობინებები აქვს მომზადებული, რომლებიც ყველაფერს თავის ადგილზე დააყენებს.
აღსანიშნავია, რომ სასწორი ბალანსისა და წონასწორობის ნიშანია. ამიტომ, ახალი მთვარის ფაზა მნიშვნელოვან პერიოდს მოგვიტანს, რომლის დროსაც საბოლოოდ შევძლებთ, შვებით ამოვისუნთქოთ და ჩვენი ცხოვრების მრავალ სფეროში წესრიგი დავამყაროთ.
ამავდროულად, ბევრი ჩვენგანი სრულიად ახალ და განსხვავებულ შესაძლებლობებს მიიღებს. მაგალითად, შეიძლება, კარიერულ ცვლილებებზე იფიქროთ ან პირად ცხოვრებაში სიახლეები შეგხვდეთ.
შესანიშნავი პერიოდია იმისათვის, რომ საკუთარ ემოციებსა და გრძნობებს კიდევ ერთხელ ჩაუღრმავდეთ და რეალურ სურვილებზე იფიქროთ. არსებულ მიღწევებს გადახედოთ და სამომავლო გეგმებიც დასახოთ.
ძალიან კარგი დროა კომუნიკაციისა და გადაუჭრელი საკითხების განხილვისთვის. 21 ოქტომბრიდან დაწყებული პერიოდი ხელს შეუწყობს კონფლიქტების მოგვარებას და შეთანხმებების მიღწევას, მათ შორის მათთან, ვისთანაც კონფლიქტები უბრალოდ შეურიგებელი ჩანდა. ზოგადად, ეს ასტროლოგიური ასპექტი შესანიშნავია დიალოგისთვის, თვალსაზრისების დაბალანსებისა და დავების გადასაჭრელად. აუცილებელია, იყოთ ღია და გულწრფელი როგორც საკუთარ თავთან, ასევე სხვებთანაც.
მთავარი ამოცანაა, რომ მომატებული ემოციური ფონის გამო, იმპულსური გადაწყვეტილებები არ მიიღოთ.
ზოდიაქოს ამ 4 ნიშანზე კი 21 ოქტომბრის ახალი მთვარე განსაკუთრებულ გავლენას მოახდენს:
ვერძი
ახალი მთვარე პარტნიორთან, საყვარელ ადამიანთან არსებულ პრობლემებს გაააქტიურებს და გაჩვენებთ, რომ არის საკითხები, რომლებიც საბოლოოდ, სამართლიანად უნდა გადაჭრათ და აღარ გადადოთ. შეინარჩუნეთ სიმშვიდე. მხოლოდ კომუნიკაციითა და პრობლემაზე საუბრით შეძლებთ დაბრკოლების გადალახვას.
კირჩხიბი
ახალი მთვარე სახლის, ქონებრივი საკითხებისა და ახლობლებთან ურთიერთობის თემას ააქტიურებს. თქვენც მოგიწევთ, მიმდინარე კვირაში ქონებრივი საკითხები, უთანხმოებები მოლაპარაკებების გზით მოაგვაროთ და ურთიერთობის განვითარების ახალ ეტაპზე იფიქროთ.
თხის რქა
კარიერა, სამსახური და მენეჯმენტი - ყველაზე აქტუალური თემები იქნება. შესაძლოა, ენერგიის ნაკლებობა იგრძნოთ და ერთ ეტაპზე მოტივაციაც კი დაკარგოთ. თუმცა, მნიშვნელოვანია, რომ არ დანებდეთ. ეს პერიოდი თქვენი ძალისა და უნარების გამოცდა იქნება და თუ იმპულსურ გადაწყვეტილებებს თავიდან აირიდებთ, სასურველ შედეგსაც მიაღწევთ.
სასწორი
ახალი მთვარე საკუთარ პრიორიტეტებზე კიდევ ერთხელ დაგაფიქრებთ. ეს შესანიშნავი პერიოდია იმისათვის, რომ სამომავლო გეგმები შეადგინოთ და საბოლოოდ განსაზღვროთ, რისი გაკეთება გსურთ. შეეცადეთ, არსებულ ხარვეზებსა და პრობლემებს არ გაექცეთ და საკუთარ თავთან გულწრფელი იყოთ. ეს მიდგომა სამომავლო პერსპექტივასაც გაჩვენებთ.
ასევე დაგაინტერესებთ:
⭕„ბრწყინავ, ანათებ“ - თათია თექთურმანიძის დახვეწილი ლუქი და აღფრთოვანებული გამომწერები
წყარო: www.beaumonde.ge
