21 ივნისს მზე ტყუპებს დატოვებს და კირჩხიბის ნიშანში გადავა. წინ ზაფხულის ბუნიობა, ანუ ყველაზე გრძელი დღე და ძლიერი ენერგეტიკული მომენტი გველოდება.
რას ვაკეთებთ ზაფხულის ბუნიობის პერიოდში? - აღნიშნულ თემაზე სოციალურ ქსელში ასტროლოგი ანა ჯალაღონია საუბრობს და საზოგადოებას რჩევებს უზიარებს:
„✨20 ივნისს ქირონი გადადის კუროს ნიშანში, რაც გვიბიძგებს დავფიქრდეთ საკუთარ ფასეულობებზე, ფინანსურ სტაბილურობასა და შინაგან უსაფრთხოებაზე.
ვისაც რუკაში ქირონის მობრუნება გაქვთ, რომელიც დაახლოებით 50-51 წლის ასაკში ხდება და გვაიძულებს, დავუბრუნდეთ იმ თემებს, რომლებიც წლების განმავლობაში გვტკიოდა ან დაუმთავრებელი გვქონდა.
☀️ 21 ივნისს მზე ტოვებს ტყუპების ნიშანს და გადადის კირჩხიბში — დგება ზაფხულის ბუნიობა. წლის ყველაზე გრძელი დღე და ერთ-ერთი ყველაზე ძლიერი ენერგეტიკული მომენტი.
ბუნიობა არის სინათლის, განახლებისა და ახალი ცხოვრებისეული ეტაპის სიმბოლო.
რას ვაკეთებთ ზაფხულის ბუნიობის პერიოდში?
✨ ჩამოწერეთ თქვენი სურვილები აწმყო დროში: მე ვიზიდავ სიყვარულს და ჰარმონიას. ჩემს ცხოვრებაში შემოდის სიუხვე და კეთილდღეობა. მე ვიღებ სწორ გადაწყვეტილებებს. მე ვარ ბედნიერი, მშვიდი და თავდაჯერებული.
✨ მადლობა გადაუხადეთ საკუთარ თავსა და სამყაროს.
✨ გაატარეთ დრო ბუნებაში ან მზის შუქზე.
✨ გაუშვით ძველი წყენა და ადგილი დაუთმეთ ახალ შესაძლებლობებს“, - წერს ანნა ჯალაღონია.
ასევე დაგაინტერესებთ:
⭕„გვიანი სურათები ჩემი ბრჭყვიალა დაბადების დღიდან✨“ - ეკო ფანგანი
