23 აპრილს სავსემთვარეობა გველოდება წინ და ეს პროცესები ხშირად დაძაბულობას თუ კონფლიქტებს უკავშირდება.
თუ როგორ უნდა მოვიქცეთ უახლოესი დღეების მანძილზე და რა ტენდენციები უნდა გაითვალისწინონ სხვადასხვა სტიქიის წარმომადგენლებმა - ამის შესახებ ასტროლოგი ქეთი ვაწაძე „დილა მშვიდობისა საქართველოს“ ეთერში საუბრობს.
„მზე ვერძის ნიშნიდან გადავიდა კუროს ნიშანში, ეს არის ჰარმონიის, კეთილდღეობის ნიშანი. კვირის პირველი ნახევარი სირთულესთანაა კავშირში, რადგან სავსემთვარეობაა, ამ დროს სამყაროში მოზღვავებულადაა ენერგია, ემოციები.
სავსემთვარეობა ხდება მორიელის ნიშანში, წინა პლანზე მოდის მორიელის თემები, მოზღვავებული სექსუალური ენერგია, შეიძლება ბევრი არასწორი ქმედება ჩაიდინოს, მათ შორის შეიძლება იყოს აგრესია, ძალადობა, ამიტომ განსაკუთრებული ყურადღება გვმართებს სამშაბათ საღამოს.
სავსემთვარეობა კი დილის 14:48 წუთზე ხდება.
ვინარჩუნებთ სიმშვიდეს, დიპლომატიურობას, კონფლიქტურ სიტუაციებში არ ჩავებათ“- აღნიშნავს ქეთი ვაწაძე.
აგრეთვე დაგაინტერესებთ: