„აფეთქებები მზეზე, მაგნიტური ქარიშხლები, ადამიანის ხელით შექმნილი ნეგატიური სიტუაციები“ - ასტროლოგი ნინა ხომერიკი აპრილის მოსალოდნელ ასპექტებზე

„აპრილის თვის დიდი კვადრატი!

გვიახლოვდება რთული პერიოდი, ვარსკვლავურ ცაზე იკვრება დესტრუქციული კონფიგურაცია, რომელსაც დიდი კვადრატი ეწოდება. მისი აქტიურობა პიკს მიაღწევს 20-დან 30 აპრილის ჩათვლით და მის შექმნაში მონაწილეობას მიიღებენ: სიკვდილისა და მიცვალებულთა ქვესკნელის (ჯოჯოხეთის) უზენაესი ღმერთი - პლუტონი (Aides), ომების ღმერთი - მარსი (Ares), მზე - რომელიც არის კაცობრიობის სიცოცხლის წყარო და დემონური ძალების მომტანი, დაცემული ანგელოზი - შავი მთვარე. რამდენიმე კვირით ადრე, სანამ მოხდება ამ ასპექტის ზუსტი შეერთება, ადამიანებში იმატებს ცხოვრების მუქ ფერებში წარმოსახვის უნარი, მზადება ქარიშხლისათვის, აგრესიული განწყობა და ქრონიკულად დაღლილობის შეგრძნება, რომელსაც დიდი რაოდენობის დესტრუქციული ენერგიები და უარყოფითი ამბები გამოიწვევს, მუდამ იქნება ამ სიტუაციის დასრულების მოლოდონი, თუმცა უშედეგოდ..

დიდი კვადრატი შეიქმნება სატურნისა და ჩრდილოეთის კარმული კვანძის შეერთების ფონზე, სადაც პირველი არის წარსულის, ხოლო მეორე მომავლის მცველი და მათი შეხვედრა ბადებს მყოფადის შიშს, აგრეთვე კატაკლიზმების სერიის ან მსოფლიოს გლობალური კოლაფსის მოლოდინს.

ზოგადად, 2025 წელი დატვირთულია ბევრი ასტროლოგიური მოვლენით, რომელიც დღეს, სამყაროში ჩნდება მინიშნებებისა და სიმბოლოების სახით და ყველა მათგანზე შეიძლება ითქვას, რომ მომავლის საწინდარია. ასტროლოგიური კუთხით, ა/წ მარტიდან ივნისის ბოლომდე, დაიწყება მზადება მომავალი ომებისა და დიდი გლობალური პრობლემებისათვის ნიადაგის შესამზადებლად, რომლის წინაშეც კაცობრიობა 2029 წელს დადგება. დიდი კვადრატის ფორმირება 20-დან - 27 აპრილამდე მოხდება, რა პერიოდშიც, ძალიან ძლიერი იქნება მისი ენერგია, ხოლო 30 რიცხვიდან დაიწყებს შესუსტებას, დაშლას და ზუსტად ამ დროს, მნიშვნელოვანია იზრუნოთ უსაფრთხოებაზე. მაგალითისათვის, შეგვიძლია გავიხსენოთ ახალი წლის (+/-) გარშემო მსოფლიოში მიმდინარე მოვლენები და მღელვარება, მაშინ მხოლოდ მარსისა და პლუტონის ოპოზიციას გავდიოდით, ახლა კი ამ ასპექტს ემატება, მზის და შავი მთვარის დაპირისპირებაც. აპრილის 20-დან 30 რიცხვამდე უნდა მოერიდოთ ისეთ ადგილებს, სადაც არსებობს დივერსიების მოწყობის, ან სტიქიური უბედურებების წარმოქმნის პოტენციური შესაძლებლობა. ამ დიდი ჯვრის კონფიგურაციას, მოაქვს ჰაერის დაბინძურება, როგორც პირდაპირი, ასევე გადატანითი მნიშვნელობით, ანუ, საინფორმაციო სივრცის დაბინძურება. შავი მთვარე დადგება ჰაერის ზოდიაქოს ნიშანში მყოფ პლუტონსა და ცეცხლოვან სტიქიაში მდგომ მარსს შორის, რაც იმას გულისხმობს, რომ ჰაერის დაბინძურება მოხდება, მძიმე ფიზიკურ-ქიმიური ნივთიერებებისა და ნაერთების წვის, ან აორთქლების შედეგად, ეს შეიძლება იყოს ვულკანური ამოფრქვევა, აფეთქება ან მაღალი კონცენტრაციის ტოქსინებისაგან შექმნილი ღრუბელი. პლუტონი, შავი მთვარე და მარსი უპირისპირდებიან მზეს, რაც მზეზე გამოიწვევს მასშტაბურ აფეთქებებს და ძლიერ მაგნიტურ ქარიშხლებს. 2025 წელს, შესაძლებელია მოხდეს ისეთი მოვლენა, რომელსაც დაერქმევა „გიგანტური“, ეს შეიძლება იყოს შტორმი, მზეზე აფეთქება, ვულკანი, მიწისძვრა, მაგნიტური ქარიშხალი ან სმოგი, ანუ შავი სქელი ნისლი.

დიდი კვადრატის პერიოდში, მზე იდგება კუროს ზოდიაქოს ნიშანში, ხოლო შავი მთვარე მორიელში, მსოფლიო რუკისათვის არის ფინანსურ-ეკონიმიკური ღერძი, ზუსტად აქ ჩაირთვება დაპირისპირება, ანუ გაიხსნება სავაჭრო-ეკონომიკური ფრონტი, დაიწყება სერიოზული დისბალანსი, ვალუტის კურსის მკვეთრი ცვლილებები და არეულობები საფონდო ბირჟაზე, რაც სავარაუდოდ, დროთა განმავლობაში, 2028 ან 2029 წლებში მოიტანს აკრძალვებს გარკვეულ პროდუქციებზე და ვეღარ შევძლებთ ჩვეულ ადგილებში მათ შეძენას. ამ დიდი კვადრატის პერიოდში, ლილიტი გააკეთებს შეერთებას ვარსკვლავ „პრინცეპ“-თან ანუ იგივე „პრინცთან“, რომელიც ასოცირდება საიდუმლო პირთან და შეიძლება ჩაითვალოს ოფიციალური ლიდერის მმართველად, ამიტომ, მოსალოდნელია გაჟღერდეს სკანდალური ისტორიები იმ პირებზე, ვინც მმართავს და დგას ხელისუფლების უკან, ეს არის რუხი კარდინალების დრო და განსაკუთრებით აქტუალური იქნება ეს თემები იმ ქვეყნებში, ვისთვისაც მნიშვნელოვანია 2-დან 4 ოქტომბრის ჩათვლით თარიღები, ანუ ეს თარიღები უნდა ემთხვეოდეს მათ ნაციონალურ დღესასწაულებს, ვინაიდან შავი მთვარისა და მზის შეერთების ციკლის ათვლა, 2024 წლის ოქტომბრის დაბნელებიდან დაიწყო და ახლა გავივლით მის კულმინაციას.

თითოეული ადამიანისათვის დგება ისეთი დრო, როდესაც გარე განვითარებული მოვლენები, ბადებს შინაგან წინააღმდეგობებს, ერთმანეთისაგან განსხვავდება ჩვენი სურვილები და მოქმედებები, გვინდა ვიცხოვროთ, მაგრამ შიშები ხელ-ფეხს გვიკრავს და ეს ასპექტი გვაჩვენებს, რომ დადგა დრო გავაღვიძოთ ჩვენი შინაგანი სინათლე, მზე და შინაგანი ლომი, ვინაიდან პლანეტა მარსი, რომელიც არის ძალის გააქტიურების სიმბოლო, დგას ლომის ზოდიაქოს ნიშანში. ეს დრო ითხოვს ჩვენგან გავაღვიძოთ ჩვენი ღირსება, მოწყალება, შინაგანი ძალა, დავიბრუნოთ ჩვენი შინაგანი სისუფთავე და ვიპოვოთ საკუთარ თავში ძალა, რომ ვიყოთ ის, რაც ვართ, ხოლო ნეპტუნისა და სატურნის შეერთება ჩრდილოეთის კვანძთან, აუცილებელს ხდის ვიყოთ გულწრფელნი, როგორც მინიმუმ საკუთარ თავთან მაინც, დაარქვით ყველაფერს თავისი სახელი და არ დაემალოთ სიმართლეს.

მარსი ლომში, გვისახავს ამოცანას ვიყოთ გულუხვნი, და უხვად დავაჯილდოოთ გარემოცვა შინაგანი სინათლითა და სითბოთი. 18 აპრილიდან მარსი გადადის ლომის ზოდიაქოს ნიშანში და წმინდა წერილში ნათქვამია, რომ ყველა, ვინც გაიგებს ლომის ღრიალს, უნდა შეცვალოს თავისი გზის მიმართულება, ამ შემთხვევაში, ლომის ღრიალი ასოცირდება მომავალ ცვლილებებთან. ლეგენდის მიხედვით, ეზოტერიკულ ასტროლოგიაში, ეს ჯვარი, რომელიც შედგება ამ ზოდიაქოს ნიშნებისაგან, არის იმ ჯვრის სიმბოლო, რომელზედაც გააკრეს იესო ქრისტე, ანუ შინაარსობრივად, განასახიერებს იმ შიშებს და ცდუნებებს, რომლის მატარებელიც არის თითოეული ეს ზოდიაქოს ნიშანი, რომელნიც ლურსმანივით გვაჭედებენ ვნებების ჯვარზე, ლურსმნები ასოცირდება შიშებთან, მანკიერ მხარეებთან, თვალთმაქცობასთან და ცოდვებთან, რომელიც სიცოცხლეშივე უფრო მჭიდროდ გვაკრავს ჯვარზე და ძალიან სიმბოლურია, რომ ეს ჯვარი იკვრება მაშინ, როდესაც სამყარო ზეიმობს აღდგომის ბრწყინვალე დღესასწაულს და ეს გვახსენებს, რომ თვალთმაქცური სამართლიანობა, მხოლოდ ამძიმებს შინაგან მანკიერებებს და ზეცა გვაძლევს შანსს გავაცოცხლოთ ჩვენი სულის სინათლე და ბზინვარება. სწორედ აღდგომის ბრწყინვალე დღესასწაულზე, გამოიყოფა სიცოცხლის კოლოსალური ენერგია, წინააღმდეგ შემთხვევაში, ცოცხლებს მკვდრების შეშურდებათ.

მორიელის ზოდიაქოს ნიშანი, სადაც დგას შავი მთვარე, არის მარსისა და პლუტონის სამფლობელო, რომლებიც ახლა ქმნიან ერთმანეთთან ოპოზიციას, ეს არის Aides სამეფოსაკენ მიმავალი კარიბჭე, რადგან სხეულის გასხივოსნება ხდება კატარზისის გზით და სულის განწმენდა სინანულის ცრემლებით. ეს კვადრატი გვაყენებს ამოცანის წინაშე, ვიპოვოთ ჩვენი ადგილი, საკუთარი თავისუფლების გაგებით, კეთილშობილური ძალების აღორძინების გზით, რომელიც ასაჩუქრებს და არ ართმევს სხვებს, ანიჭებს სულს სიდიადეს და ანთებს შინაგან ცეცხლს, რაც თავის მხრივ გვინათებს ჩვენს გასავლელ გზას და მაშინ აღარ გვჭირდება სხვა ორიენტირი, რადგან გვაქვს ნათელი მომავლის გზა, ამ ყველაფრის გასაღები კი დევს ლომის ზოდიაქოს ნიშანში, რომელიც არის სამი ძირითადი თემის სიმბოლო ჩვენს ცხოვრებაში: ბავშვები, პირადი სიყვარული და სიყვარული საკუთარი საქმის მიმართ და სამივე თემას აერთიანებს ერთი შინაარსი - სიყვარული შვილების, პარტნიორისა და საქმის მიმართ, რადგან, ასეთ დროს, ჩვენ უანგაროდ გავცემთ საკუთარ სინათლეს, გულს, სულს და ზუსტად იმ თვისებებს, როგორიც არის: სიყვარული, თავისუფლება, გულწრფელობა, მოწყალება, საკუთარი და სხვისი პატივისცემა, შეუძლია დაგვიცვას იმ ქარიშხლისაგან, რომელიც მოემართება ჩვენკენ 2029 წელს.

რომ შევაჯამოთ და ჩამოვაყალიბოთ რას უნდა ველოდოთ დიდი კვადრატის პერიოდში: ჰაერისა და ეთერის დაბინძურებას, აფეთქებები მზეზე, მაგნიტური ქარიშხლები, ადამიანის ხელით შექმნილი ნეგატიური სიტუაციები, ერიდეთ ისეთ პოტენციურ ადგილებს, სადაც არსებობს მძიმე ფიზიკურ-ქიმიური ნივთიერებებისა და ნაერთების წვის, ან აორთქლების შედეგად გამოწვეული ავარიების ალბათობა, ხალხმრავლობას, ზოგადად 20-დან 30 აპრილის ჩათვლით პერიოდს ეწოდება „ძალაუფლების დერეფანი“ და ლეგენდის მიხედვით, ამ თარიღებში დაბადებული ადამიანები, განკუთვნილი არიან ძალაუფლებასა და სხვების მართვას, იმ შემთხვევაშიც კი თუ ადამიანს არ აქვს ძალაუფლება, მაშინ სხვა გზით აღწევს აღიარებას, ავტორიტეტს, დაფასებას და მის აზრს ითვალისწინებენ. დიდი ცვლილებები მოხდება იმ ქვეყნების ისტორიაში, ვისი სახელმწიფო, ნაციონალური, კულტურული ან რელიგიური დღესასწაულებიც ემთხვევა 2-დან 4 ოქტომბრის თარიღებს (ამ თარიღებთან და ქვეყნებთან დაკავშირებით დეტალური ინფორმაცია მაქვს „ლილიტი მორიელში“ სტატუსში.)

დიდ კვადრატს განსაკუთრებული გავლენა ექნება იმ ადამიანებზე, ვინც დაბადებულნი არიან:

22-დან 25 იანვრის ჩათვლით;
16-დან 19 მარტის ჩათვლით;
21-დან 25 აპრილის ჩათვლით;
24-დან 27 ივლისის ჩათვლით;
18-დან 21 სექტემბრის ჩათვლით;
25-დან 29 ოქტომბრის ჩათვლით;

გაუფრთხილდით საკუთარ თავს, გისურვებთ მშვიდობას!“, - წერს ნინა ხომერიკი.

ასევე დაგაინტერესებთ:

🎥 როგორ შევარჩიოთ კაბა ჩვენი სხეულის ფორმებია მიხედვით? - 2025 წლის საქორწილო კაბების ტენდენციები

🎥 „ჩიტი, ბუდე...“ - რა კადრებს აქვეყნებს ნუკი კოშკელიშვილი

🎥 „ბავშვები უამრავ სიბინძურეს ვინტერნეტში, შეიძლება მოუნდეთ გადახტომა, თავის მოკვლა...“ - რას ამბობს ნუცა შანშიაშვილი