„აღარ შეარყევს ფინანსურ სფეროს, გადაერთვება მსოფლმხედველობის, ემიგრაციის, რელიგიის და განათლების სფეროებზე...“ - დეკემბრის ასტროლოგიური პროგნოზი

„დეკემბრის ენერგეტიკულ-ასტროლოგიური პროგნოზი:

მეგობრებო, დეკემბერი არა მხოლოდ წლის ბოლო თვეა, არამედ ის ერთგვარი ხიდია 2026 წლისკენ.

ეს დეკემბერი იწვევს ახალ ვიბრაციებზე გადაწყობას, სტიქიის შეცვლას და შინაგანი შეგრძნებების გარდაქმნას.

მორიელის, წყლის სეზონის შემდეგ, როცა, ტრანსფორმაციული პროცესი მიმდინარეობდა ემოციურ დონეზე, სიღრმისეულად და ფარულად, დეკემბერი გვიბრუნებს ცეცხლოვან ენერგიას, როცა ხდება დაფარულის გამოვლენა, ანუ ემოციები მიმართულია გამოვლენისკენ.

თუ აქამდე პლანეტების უმეტესობა იყო წყლის ნიშნებში, ახლა უკვე თვის პირველივე დღეებიდან მზე, ვენერა და მარსი გადავლენ ენერგიულ, ნათელ, ოპტიმისტურ მშვილდოსანში.

12 დეკემბერს მათ შეუერთდება უკვე დირექტიული მერკურიც, რომელიც შემოიტანს ახალ იდეებს, ახალ კონტაქტებს, ხელშეკრულებებს, შესაძლებლობებს და ა.შ. დეკემბერში ჩვენ გავაღებთ კარებს სიახლისკენ, თავს ვიგრძნობთ სოციუმის ნაწილად, ვიმოგზაურებთ, ავიმაღლებთ ცოდნას და ცნობიერებას, ურთიერთობები იქნება პოზიტიური და ზოგადად, შევიგრძნობთ სივრცეს, თავისუფლებას. ეს იქნება შთაგონების, აქტიურობის და სინათლისკენ სწრაფვის დრო, რაც მშვილდოსნის სეზონისთვისაა დამახასიათებელი.

21 დეკემბრიდან კი მზე დატოვებს ამ ნიშანს და ცეცხლის სტიქიას შეცვლის მიწის სტიქია თხის რქის ზოდიაქოში გადასვლით. განსაკუთრებით სასიკეთო იქნება ვენერას გავლენა დეკემბერში.

ვენერა – ბედნიერების პლანეტაა, ის პასუხს აგებს ურთიერთობებზე და ჩვენს გრძნობებზე. მისი გავლენით თვეში აქტიურდება რომანტიკისა და სოციალური ცხოვრების თემა. უკვე 5 დეკემბრიდან ვენერა იწყებს მზესთან შეერთებას და იწყება ნათელი ემოციების, ლამაზი შეხვედრების, ახალი ნაცნობობის, სიმპათიის დაბრუნების, შემოქმედებისა და მიმზიდველობის გაძლიერების მთელი ეპოქა...

ვენერას გავლენით თვის ბოლომდე უფრო ღია ვიქნებით საზოგადოების, ადამიანების, სილამაზის, ხელოვნების, საჩუქრების, დღესასწაულებისა და ყველაფრის მიმართ, რაც ცხოვრებას სასიამოვნოს ხდის, თუმცა მნიშვნელოვანია გავითვალისწინოთ, რომ თვის პირველ ნახევარში მშვილდოსანში მყოფი ვენერა-მზე-მარსის კავშირი დაძაბულ ასპექტს ქმნის მთვარის კარმულ კვანძებთან. ეს ნიშნავს არა მხოლოდ რომანტიკული და ფინანსების სფეროს გააქტიურებას, არამედ ბევრი ჩვენგანისთვის კარმულ გზაჯვარედინს – ნებისმიერი გადაწყვეტილება ურთიერთობებსა და ფინანსებში გრძელვადიან შედეგებს მოგვიტანს.

ურთიერთობებში დეკემბრის პირველ ნახევარში შეიძლება გამწვავდეს პირადი საზღვრების დაცვისა და თავისუფლების თემები; ბევრი კავშირი ან ახალ დონეზე გადავა, ან დასრულდება. ფინანსურ სფეროში კი გააქტიურდება ფასეულობებთან, ვალებთან და ვალდებულებებთან დაკავშირებული თემები. ამ თემების გააქტიურება ერთგვარი სტიმული გახდება შემოსავლის წყაროს შეცვლისთვის.

კარმულ კვანძებთან დაკავშირებული დაძაბული ასპექტები დეკემბრის პირველ ნახევარს აქცევს პერიოდად, როცა აუტანელი ხდება უსამართლობა, რეაგირება კი საკმაოდ მწვავე ფორმებს მიიღებს, რაც გახდება მომავალი წლის მოვლენების განვითარების გარდამტეხი წერტილი.

ნოემბრის ბოლოს სრულდება მერკურის რეტროგრადული პერიოდი. შესაბამისად, დეკემბერში საქმეები გაცილებით მსუბუქად განვითარდება: ნაკლები შეცდომები, ნაკლები შეფერხებები, შეთანხმება, დოკუმენტების გაფორმება და სამუშაოების დასრულება. ბევრი ჩვენგანი შეძლებს თავისუფლად ამოსუნთქვას და ნამდვილად ვიგრძნობთ წინსვლას. უკვე თვის დასაწყისშივე აინთება მწვანე შუქი ნებისმიერი ახალი წამოწყებისთვის, ტექნიკის და ავტომობილის შეძენისთვის.

დირექტიული მერკური დეკემბერში მოიტანს სიცხადეს, მკაფიო აზროვნებასა და გადაწყვეტილებების სიმტკიცეს. ამიტომ ნებისმიერი წინ გადადგმული ნაბიჯი უფრო საიმედო, პერსპექტიული და შედეგიანი იქნება.

რეტროგრადულობას ნოემბრის ბოლოს არა მხოლოდ მერკური დაასრულებს, არამედ სატურნიც, დეკემბერში კი – ნეპტუნიც. ანუ პლანეტების დიდი ნაწილი უკვე დირექტიულ მოძრაობას დაიწყებს, რაც, რა თქმა უნდა, დამუხრუჭებულ ენერგიას აამოძრავებს და დააჩქარებს მოვლენათა დინამიკას.

ბევრი პროცესი, რომელიც ოქტომბერ-ნოემბერში იყო შენელებული, მიიღებს ახალ იმპულსს, როგორც ჩვენს პირად ცხოვრებაში, ისე გლობალურ, მსოფლიო დონეზე. ჩვენ აშკარად ვიგრძნობთ ტემპის ცვლილებას.

დეკემბერში კიდევ ერთი მნიშვნელოვანი ტრანზიტიც გველის:

20 დეკემბერს, მშვილდოსანში ახალმთვარეობის დღეს, ლილიტი დატოვებს მორიელის ნიშანს და გადავა მშვილდოსანში. ბოლო დროს სწორედ ლილიტმა მორიელში მოგვიტანა უამრავი ემოციური შტორმი: ფინანსური პრობლემები, ნდობის კრიზისები, მწვავე ავადმყოფობები, ეჭვიანობა, საბანკო სისტემების ხარვეზები, ფსიქოლოგიური არასტაბილურობა და რყევები.

ლილიტი მორიელში ძალიან ძლიერია. მშვილდოსანში გადასვლისთანავე მისი გავლენა შესუსტდება.

ბოლო „აფეთქება“ ფინანსურ და ემოციურ სფეროებში შეიძლება მოხდეს 10–11 დეკემბერს.

ამ დღეებში ლილიტი ძლიერად გააქტიურდება ურანთან ზუსტი ოპოზიციითა და მერკურთან შეერთებით. 10 დეკემბერს კი მთვარე შექმნის დაძაბულ ასპექტებს და წარმოიქმნება „ტაუ-კვადრატის“ კონფიგურაცია, რომელმაც შეიძლება შევადაროთ კარმულ დეტონატორს.

ზოგადად, 8-11 დეკემბრის პერიოდი იქნება დეკემბრის თვის ენერგეტიკულად ყველაზე რთული მონაკვეთი.

მოსალოდნელია ფინანსებთან და საბანკო საქმეებთან დაკავშირებული სირთულეები სწორედ ამ პერიოდში შეიძლება მოხდეს ყველაზე ხმაურიანი სკანდალები.

პირად დონეზე შეიძლება მოულოდნელად აალდეს კონფლიქტები, ჩხუბი, მწვავე გარჩევები. შეიძლება დასრულდეს ძველი ურთიერთობები და თანამშრომლობა. ზოგიერთმა შეიძლება მოულოდნელად მიიღოს სამსახურის დატოვების, დაშორების ან ემიგრაციაში წასვლის გადაწყვეტილება.

ზოგიერთებმა შეიძლება ერთბაშად ამოთქვან ყველაფერი, რასაც წლებია ითმენდნენ, გამოავლინონ ბრაზი და აგრესია, დაწვან ხიდები, რაზედაც მოგვიანებით ინანებენ.

ამიტომ, ამ პერიოდში მაქსიმალური სიფრთხილეა საჭირო – ერთმა სიტყვამ, ერთმა ქმედებამ, ერთმა ემოციურმა იმპულსმა შეიძლება შეცვალოს მთელი ცხოვრების გზის ტრაექტორია.

ლილიტი მერკურთან შეერთებაში იქნება - ეს წარმოუდგენლად ძლიერი კავშირია. მერკური პასუხს აგებს ჩვენს გონებასა და მეტყველებაზე. ლილიტთან ერთად ის ანიჭებს ენას „დანის სიბასრეს“ - გონება იზიდავს დრამას, ხდება ფაქტების დამახინჯება, მანიპულაცია, თვითმოტყუება.

გაფრთხილდით, ეს თვის პიკური კრიზისული მომენტია. ამ პერიოდში განსაკუთრებული სიფრთხილეა საჭირო ტექნიკასთან, ტრანსპორტთან და საოჯახო ნივთებთან მიმართებაში - ყველაფერი შეიძლება არასტაბილურად მუშაობდეს და მწყობრიდან გამოვიდეს, მაგრამ ეს ენერგია შეგვიძლია გამოვიყენოთ ჩვენთვის სასიკეთოდ.

თუ დიდი ხანია გჭირდებათ მიჯაჭვულობებისგან თავის დაღწევა, ტოქსიკური ურთიერთობის დასრულება, რაიმე დამოკიდებულებისგან გათავისუფლება, 8-11 დეკემბერი ამისთვის იდეალური პერიოდია.

წლის ბოლოსთვის ლილიტი უკვე აღარ შეარყევს ჩვენს ფინანსურ სფეროს, აღარ დაძაბავს ფსიქიკას, არამედ გადაერთვება მსოფლმხედველობის, ემიგრაციის, რელიგიის და განათლების სფეროებზე. ამ თემებით ის 9 თვე იქნება დაკავებული.

გაითვალისწინეთ: მომავალ თვეებში მან შეიძლება გააძლიეროს სარისკო თავგადასავლებისკენ ლტოლვა, გაზარდოს ფანატიზმისა და იდეოლოგიური ზეწოლის რისკი. მაგრამ პოზიტიურად – ლილიტი მშვილდოსანში გააღვიძებს სიმართლის ძიების სურვილს, საკუთარი გზის არჩევის სურვილს, რათა აღარ ვიცხოვროთ სხვის მიერ თავსმოხვეული იდეოლოგიით და რწმენით.

დეკემბრის მეორე ნახევარში მეტად ვიგრძნობთ არა ცეცხლის, არამედ მიწის სტიქიის გავლენას.

15 დეკემბერს მარსი გადავა თხის რქის ნიშანში, ხოლო 21 დეკემბერს, ზამთრის მზედგომის დღეს, მას მზეც შეუერთდება. ამ გადასვლით იწყება თხის რქის სეზონი სეზონი.

ზამთრის მზედგომა ყოველთვის შინაგან აღორძინებას სიმბოლიზირებს. წლის ყველაზე გრძელი ღამის დროს ხდება ახალი მზის, ანუ ახალი სინათლის დაბადება. ესაა ჩვენი მიზნების დასახვის, განზრახვების გაწმენდის დრო. ესაა ახალი შინაგანი ციკლის დაბადების პერიოდი.

მზის თხის რქის ნიშანში გადასვლასთან ერთად ჩვენ უფრო პრაქტიკულები ვხდებით. ვწყვეტთ ოცნებას და ვიწყებთ მოძრაობას, ვწყვეტთ ყოყმანს და ვიწყებთ მოქმედებას. თხის რქის სეზონი, ეს არის სტრუქტურირების, პასუხისმგებლობისა და სიმწიფის დრო – როცა ვწყვეტთ ზედაპირულ აქტივობას და ვიწყებთ ცხოვრების ნამდვილ, ფუნდამენტური საყრდენების აგებას.

მას ახასიათებს შინაგანი მობილიზაცია, კონცენტრაცია, დაგეგმვის უნარი და ისეთი ნაბიჯები, რომლებიც გრძელვადიანი პერსპექტივით გვაძლევს შედეგს. ამ პერიოდში უფრო სერიოზულები, პრაქტიკულები და მკაცრები ვხდებით საკუთარი თავისა და შედეგების მიმართ.

გვიჩნდება სურვილი შევაჯამოთ, დავალაგოთ პრიორიტეტები, გავამაგროთ პოზიციები, გავიაზროთ სტრატეგია და დავისახოთ რეალისტური, მაგრამ ამბიციური მიზნები.

თხის რქის სეზონი გვასწავლის დისციპლინას და იმას, რომ მხოლოდ ნამდვილად სანდო ფუნდამენტს დავეყრდნოთ. ეს ის დროა, როცა ნაკლებს ვლაპარაკობთ და გაცილებით მეტს ვაკეთებთ. მიწის სტიქია - ესაა სტრუქტურა, შრომა, მატერიალური შედეგი, პასუხისმგებლობა.

25 დეკემბრიდან მიწის სტიქია კიდევ უფრო გაძლიერდება, რადგან თხის რქის ნიშანში გადავა ვენერაც. აქ ჩამოყალიბდება ვენერას, მზისა და მარსის ძლიერი შეერთება, რომელიც უკვე ჰარმონიაში ასპექტებს შექმნის მთვარის კარმულ კვანძებთან.

ეს ნიშნავს, რომ წლის ბოლოს ჩვენი დასახული მიზნები გასაოცარ შედეგებს მოიტანს. ყველაფერი, რასაც კონკრეტულად დავგეგმავთ, ნაბიჯ-ნაბიჯ გავწერთ, ძალიან ძლიერ პოტენციალს შეიძენს.

დეკემბრის ბოლო დღეები ჩვენთვის დიდი პორტალივით იქნება, რომელიც დაგვეხმარება შევაბიჯოთ ახალ რეალობაში.

29 და 30 დეკემბერს კონფლიქტური ენერგია იქმნება სატურნსა და მერკურს შორის. ეს კონფლიქტი შეიძლება გამოვლინდეს ფრენების გადადებით, გზებზე პრობლემებით, დოკუმენტებში შეცდომებით, გადამზიდი კომპანიების შეფერხებით...

ამიტომ ახალი წლის საჩუქრების ყიდვა არ გადადოთ დეკემბრის ბოლოსთვის. მეგობრებო, აი, ასეთი დატვირთული და საინტერესო იქნება დეკემბრის თვე, რომელიც მნიშვნელოვანი ხიდია წარსულსა და მომავალს შორის: ჯერ ანთებს მშვილდოსნის ცეცხლს, გვანთებს შთაგონებით, აქტიურობით და სურვილებისკენ გადადგმული ნაბიჯებით, შემდეგ კი თხის რქის ენერგიით გვეხმარება ნების გამოვლენაში, მიზნების განმტკიცებაში, რათა ახალ ციკლში, შევაბიჯოთ თამამად, თავდაჯერებულად და მტკიცედ.

ეს თვე გვაჩუქებს როგორც დღესასწაულის ნათელ მომენტებს, ისე სერიოზულ გზაჯვარედინებს, მოულოდნელ გაცნობიერებებს და მტკიცე გადაწყვეტილებებს.

რაც მთავარია - ის შეაჯამებს მთელ განვლილ წელიწადს, რბილად დახურავს ძველ პროგრამებს და ჩვენს წინაშე გადაშლის ახალ, სუფთა გვერდს, რომელიც ჩვენ უნდა შევავსოთ ახალი სურვილებით, მიზნებით, განზრახვებით და ძლიერი ნებით.

გისურვებთ, წლის ბოლო დღეებმა მოგიტანოთ სითბო, ჰარმონია საკუთარ თავთან და განცდა, რომ ყველაფერს ამ ცხოვრებაში თავისი დრო, ადგილი და არსი აქვს.

გისურვებთ მშვიდობას, სინათლეს, სიბრძნეს, შთაგონებას, ჯანმრთელობას და ჭეშმარიტი სურვილების ახდენას“, - წერია გავრცელებულ ინფორმაციაში. 

ასევე დაგაინტერესებთ:

⭕„არც ამ ადამიანების მიმართ გვაქვს ბრაზი, გიორგის ყველა გულშემატკივარი ერთნაირად უყვარხართ!“ - რას წერს გი­ორ­გი შერ­მა­დი­ნის ცოლი

🎥 „ყოველ დილით უნდა ვსვა ერთი პაწაწინა წამალი, უწყინარი და უნდა მახსენდებოდეს ამ წამლით - დიდება ქრისტეს, უფალს უყვარხარ!“ - გიორგი გილიგაშვილის ინტერვიუ

⭕ანუკი არეშიძე ახალ კადრებს აქვეყნებს - დიზაინერი მოკლე ოქროსფერ კაბაში პოზირებს