17 თებერვალს ცაზე ახალი მთვარე დაიბადება, რაც ასტროლოგიურად ყოველთვის ახალი ფურცლის გადაშლის, დაგეგმვისა და „სურვილების დათესვის“ სიმბოლოა. თუ გსურთ, რომ მომდევნო ერთი თვის განმავლობაში იღბალმა თქვენს სასარგებლოდ იმუშაოს, მნიშვნელოვანია პირველივე საათების სწორად გამოყენება.
გთავაზობთ რიტუალებსა და რჩევებს, რომლებიც დაგეხმარებათ სამყაროს თქვენი ჩანაფიქრი გააგებინოთ:
1. „სურვილების სია“ – დაწერეთ ფურცელზე
ახალმთვარეობის პირველ საათებში ენერგია ყველაზე კონცენტრირებულია. აიღეთ ლამაზი ბლოკნოტი და ჩამოწერეთ თქვენი მიზნები.
მთავარი წესი: დაწერეთ ისე, თითქოს ეს უკვე ხდება. მაგალითად: „მე ვარ წარმატებული ჩემს ახალ პროექტში“ ან „ჩემი ჯანმრთელობა და განწყობა ყოველდღე უმჯობესდება“.
2. ვიზუალიზაციის ძალა
გამოყავით 10-15 წუთი სიმშვიდეში. დახუჭეთ თვალები და დეტალურად წარმოიდგინეთ ის ემოცია, რასაც იგრძნობთ სურვილის ასრულებისას. ახალმთვარეობისას ემოციური მუხტი საუკეთესო „საწვავია“ თქვენი მიზნებისთვის.
3. გათავისუფლდით ძველისგან
ახალი ენერგია ვერ შემოვა იქ, სადაც ადგილი დაკავებულია. სანამ სურვილებს ჩაიფიქრებთ, სიმბოლურად გადაყარეთ ერთი გამოუსადეგარი ნივთი ან წაშალეთ ზედმეტი ფოტოები ტელეფონიდან. ეს სამყაროსთვის ნიშანია, რომ მზად ხართ სიახლეებისთვის.
4. სანთლის რიტუალი
თუ სახლში ხართ, აანთეთ თეთრი ან ოქროსფერი სანთელი. ცეცხლი გამწმენდი და ენერგიის გამაძლიერებელი სიმბოლოა. უყურეთ ალს და გონებაში კიდევ ერთხელ გაიმეორეთ თქვენი მთავარი სათქმელი.
5. მოერიდეთ ნეგატივს
ახალმთვარეობის პირველ საათებში ეცადეთ არ იჩხუბოთ და არ დაიტვირთოთ მძიმე ინფორმაციით. ეს დრო მხოლოდ თქვენს შინაგან სამყაროსა და პოზიტიურ მოლოდინებს დაუთმეთ.
⭕ ასევე დაგაინტერესებთ:
⭕როგორ აღნიშნავენ ახალ წელს ჩინეთში და რისი გაკეთება არ შეიძლება კატეგორიულად?
🎥 „ეს არის პატიოსანი კაცი, ჩააბარა ტესტი“ - ნანუკა გულუა სახალისო ვიდეოს აქვეყნებს
წყარო: trend.ge
