ახალმთვარეობა მორიელში: რა უნდა დავტოვოთ წარსულში და როგორ მოვემზადოთ შინაგანი რესტარტისთვის - თამარ ხოსროშვილის ასტროპროგნოზი

„🌑 ახალმთვარეობა მორიელში ♏ - რას ვტოვებთ წარსულში?

9 ნოემბერს, თბილისის დროით 11:03 საათზე, ახალმთვარეობაა მორიელის ზოდიაქოს 16°53′-ზე. მორიელის ახალმთვარეობა შინაგანი ცვლილებების, რეგენერაციის, ძველის დასრულებისა და ახალი დასაწყისის სიმბოლოა. ეს კარგი დროა, შევაჯამოთ ბოლო ორი თვის მოვლენები და დავფიქრდეთ იმ საკითხებზე, რომელთა ხელახლა გადახედვაც პლანეტების რეტროგრადული მოძრაობის პერიოდში მოგვიწია.

რა დაბრუნდა ჩვენს ცხოვრებაში ხელახლა გადასაფასებლად? რა შეიცვალა ჩვენს ურთიერთობებში, სურვილებსა და გადაწყვეტილებებში? რა ვისწავლეთ ამ გამოცდილებიდან?

13 ნოემბერს მერკური, ხოლო 14 ნოემბერს ვენერა დირექტულ მოძრაობაზე გადადიან. ამით თანდათან სრულდება გადაფასების პერიოდი და იწყება ახალი ეტაპი. ამავდროულად, ახალმთვარეობა კვადრატულ ასპექტს ქმნის მარსისა და იუპიტერის შეერთებასთან ლომის ზოდიაქოში, რამაც შესაძლოა გააძლიეროს გაღიზიანება, იმპულსურობა და კონფლიქტური სიტუაციები. ამიტომ მნიშვნელოვანია, ვაკონტროლოთ ემოციები, მოვერიდოთ ნაჩქარევ რეაქციებს და არ მივიღოთ გადაწყვეტილებები ბრაზის გავლენით.

🌑♏️🦂მორიელის ენერგია ამ ლუნაციაზე გვაძლევს შანსს რეალურად დავხუროთ საკითხები გადაფასების გზით და მოვემზადოთ რესტარტისთვის. ზოგჯერ ახალი დასაწყისისთვის ყველაზე მნიშვნელოვანი ნაბიჯი არა ახლის ძიება, არამედ იმის გაშვებაა, რამაც ჩვენს ცხოვრებაში თავისი როლი უკვე შეასრულა“, - წერს თამარ ხოსროშვილი.

⭕ ასევე დაგაინტერესებთ:

⭕ როგორი ამინდია მოსალოდნელი 9 ნოემბერს საქართველოში

🎥 ფალოსი თითის სანაცვლოდ - ივანე კუზანოვი წარმატებით დასრულებულ ოპერაციის დეტალებზე

🎥 „სიყვარულის ისტორია სკოლიდან დაიწყო, პირველივე კლასიდან ერთად ვიყავით“ - ივანე კუზანოვი მეუღლესა და ოჯახზე