2025 წლის 11 ივნისს, თბილისის დროით დილის 11:44 საათზე სავსემთვარეობაა. ამ მთვარის ფაზას ეწოდება (Strawberry Moon), რაც დაკავშირებულია ამერიკული ტრადიციით, როდესაც ივნისში ველური მარწყვი მწიფდება.
აღნიშნულ ასტროლოგიურ მოვლენაზე ასტროლოგი უჩა სიხარულიძე რეკომენდაციებს გვიზიარებს.
„ახლა ვართ პიკში.
დღეს არის სავსემთვარეობა — იმპულსური და მოულოდნელობებით სავსე დღე, რომელიც შინაგან სიმართლესა და გარე ფაქტებს შორის კონფლიქტს წარმოაჩენს. მზე ტყუპებში გვეპატიჟება კითხვების დასმისკენ, კომუნიკაციისა და მენტალური აქტივობისკენ, მაშინ როდესაც მთვარე მშვილდოსანში ტკბება შინაგანი რწმენითა და ფართო ხედვით.
ეს ოპოზიცია — გონებასა და სულიერებას შორის დაპირისპირებაა.
მთვარეს მარსთან სტრიმი აქვს, რაც ნიშნავს, რომ ემოციები ადვილად გადაიქცევა ქმედებად. შესაძლოა უეცარი აფეთქებები, სპონტანური გადაწყვეტილებები, ემოციური გამბედაობა. თუმცა, მზე სექსტილშია მარსთან, რაც გვეხმარება ამ მოქმედებებს მიმართულება მივცეთ — თუ შინაგან დაძაბულობას ჭკვიანურად გამოვიყენებთ, შედეგი კონსტრუქციული იქნება.
სელენა — სინათლის წერტილი რუკაში — ორივე მნათობს პოზიტიურ ასპექტში ეხმარება. ეს მიანიშნებს, რომ სულიერი ინსტინქტები, გულის ხმა, იცავს და მართავს გზას. თუნდაც გარედან ქაოსი სუფევდეს, შინაგანად შეგვიძლია სიწმინდე შევინარჩუნოთ.
თუმცა კარმული კვანძების კვადრატი მიგვითითებს მნიშვნელოვან გზაჯვარედინზე.
ეს არ არის უბრალოდ ემოციური პიკი — ესაა კარმული არჩევანი.
ძველი შაბლონებისგან გათავისუფლების მომენტი, რომელიც შესაძლოა ცოტა მტკივნეულიც იყოს, რადგან გასაშვებია ის, რაც არ არის სულიერად გამართლებული.
ამ დღისთვის რჩევა:
თავი აარიდეთ იმპულსურ მოქმედებებს, განსაკუთრებით მაშინ, თუ ისინი ეფუძნება მხოლოდ ემოციას და არა გააზრებულ გადაწყვეტილებას.
დააკვირდით სიტყვებს — როგორ საუბრობთ და როგორ გესაუბრებიან. მზე ტყუპებში კარნახობს, რომ კომუნიკაცია შესაძლოა გახდეს ჭეშმარიტების ან სიცრუის იარაღი.
ფართო ხედვის შენარჩუნება აუცილებელია. მთვარე მშვილდოსანში გვეხმარება, რომ ერთი სურათის ნაცვლად მთელი პანორამა დავინახოთ.
არ ეწინააღმდეგოთ ცვლილებებს, რომლებსაც კარმული კვანძები გთავაზობენ. ისინი მტკივნეულად მოდიან, მაგრამ განვითარებისკენ გვიბიძგებენ.
ეს სავსემთვარეობა არ არის მხოლოდ ემოციური. ესაა შანსი, გადახედო შენს რწმენებს, კომუნიკაციის სტილს, და გაათავისუფლო სივრცე მომავალი კარმული განვითარებისათვის“,- წერს ასტროლოგი.
