„დიდი ალბათობაა, რომ პირად ცხოვრებაში ცვლილებები დაიწყოს...“ - 20 იანვრის ასტროლოგიური პროგნოზი

„ჰოროსკოპი 20 იანვრისთვის

მთვარის დღე — 2 / 3

მთვარის ფაზა — მზარდი მთვარე მერწყულში

ვერძი

დღეს საკუთარ თავში დარწმუნებული ხარ და შეგიძლია, დაგეგმო ყველაზე რთული ან არასასიამოვნო საქმეებიც. რასაც არ უნდა მოჰკიდო ხელი, ყველაფერი წარმატებით დასრულდება. ვარსკვლავები გპირდებიან უჩვეულო შეხვედრებსა და ახალ ნაცნობობას. ეცადე დაამყარო კონტაქტი და ისწავლო რაღაც ახალი.

კურო

დიდი ალბათობაა, რომ პირად ცხოვრებაში ცვლილებები დაიწყოს. მოერგე ახლობლების განწყობას, ჩაერთე მათ ცხოვრებაში. სასარგებლოა იდეებისა და გეგმების გაზიარება, საერთო საქმის მოფიქრება. შეინარჩუნე კარგი განწყობა.

ტყუპები

წარმატებული და სიხარულით სავსე დღეა. დღეს გაჩნდება ახალი შესაძლებლობები და შთაგონება მნიშვნელოვანი საქმეებისთვის. შენი მომხიბვლელობა ყურადღებას მიიქცევს — ადამიანები მოგისმენენ და შენს რჩევებს გაითვალისწინებენ. სიყვარულში ყველაფერი იდეალურად ეწყობა.

კირჩხიბი

შეიძლება, გაჩნდეს ძვირადღირებული ნივთის შეძენის საჭიროება. იყავი ფრთხილად — არსებობს მოტყუების ან ყალბი ნივთის შეძენის რისკი. ეცადე მეტი დრო გაატარო პოზიტიურ ადამიანებთან და მოერიდო მარტოობასა და პესიმისტურ ფიქრებს.

ლომი

ბოლო დღეების დაძაბულობა უკან რჩება. დღეს მშვიდი და წარმატებული პერიოდია. მოსალოდნელია სასიამოვნო სიურპრიზები და საინტერესო შეთავაზებები — მათზე უარი არ თქვა. სადავო საკითხებში გამოიჩინე სიმტკიცე და დაიცავი შენი პოზიცია.

ქალწული

რაც მეტს იურთიერთებ და გაიცნობ ახალ ადამიანებს, მით მეტი შანსია საინტერესო შეთავაზების მიღების. შესაძლოა, გაიხსნას მოგებიანი შესაძლებლობები. იუმორი და პოზიტივი შენს ირგვლივ ადამიანებს მოგიზიდავს. არ მოახდინო ზეწოლა სხვებზე — გაითვალისწინე მათი აზრი.

სასწორი

დაგროვილი დაღლილობა თავს შეგახსენებს. ვარსკვლავები გირჩევენ დროებით შეაჩერო სამუშაო საქმეები და დღე მშვიდად გაატარო. კომუნიკაციაში შესაძლოა, გაუგებრობები გაჩნდეს ახლობლებთანაც კი. განმარტოება დაგეხმარება შინაგანი ბალანსის აღდგენაში.

მორიელი

ახალი ნაცნობებისგან დღეს მიიღებ მნიშვნელოვან ინფორმაციას და ახალ გამოცდილებას. ნუ შეგეშინდება კომუნიკაციის. ვინმე შთაგაგონებს ამბიციურ იდეებზე. საღამოს მოსალოდნელია სასიამოვნო სიურპრიზი.

მშვილდოსანი

დღე აქტიურად გაატარე — მეტი შეხვედრა, საუბარი და საინტერესო ადგილების მონახულება. თუმცა ყველაფერს ბრმად ნუ დაიჯერებ — ვიღაც შეიძლება შეგიყვანოს შეცდომაში. კარგია სახლის საქმეებზე ყურადღების მიქცევა, მცირე გადანაცვლება ან ინტერიერის განახლება.

თხის რქა

ეცადე დატკბე კომუნიკაციით, მიიღო ახალი ცოდნა და დაამყარო სასარგებლო კონტაქტები. დღე არ არის შესაფერისი შოპინგისთვის — შეძენილმა ნივთებმა შესაძლოა არ გაგახაროს. სჯობს ფულის დაზოგვა. დღევანდელ შეთავაზებებს ყურადღებით მოეკიდე.

მერწყული

გაატარე ეს დღე ისე, როგორც დიდი ხანია გსურდა. შეგიძლია დაისვენო, ან დილიდან ბუნებაში გახვიდე. დრო დაუთმე საყვარელ საქმიანობას. დაფიქრდი, როგორ შეიძლება ჰობი შემოსავლის წყაროდ აქციო. კომუნიკაცია სასიამოვნო და სასარგებლო იქნება.

თევზები

ყურადღებით მოუსმინე საუბრებს და გაიცანი ახალი ადამიანები. შესაძლოა, აზრების მკაფიოდ გადმოცემა გაგიჭირდეს, თუმცა მიიღებ მნიშვნელოვან ინფორმაციას და საინტერესო იდეებს. ენდე შინაგან ხმას — პასუხები შენს შიგნით არის“, - წერს თაკო მელიქიშვილი.

ასევე დაგაინტერესებთ:

⭕„თუ ბავშვი ჯანმრთელია და სწორად არის ჩაცმული, თოვლი მისთვის საფრთხე კი არა, უდიდესი სარგებელი და სიხარულია!“ - ინგა მამუჩიშვილი მშობლებს მიმართავს

⭕„ძალიან დიდი ტკივილი მაქვს დღემდე, რომ მამა გარდაცვლილიც ვერ ვნახე“ - რას ამბობს თამუნა ამონაშვილი

⭕„როგორ უხმობს გვარი უნარების მქონე სულს, რათა გვარში დაიბადოს არაჩვეულებრივი ბავშვი...“ - რას წერს თამარ იოსელიანი