იურისტი, კრიმინოლოგი, პარაფსიქოლოგ-ეზოტერიკოსი, ტაროლოგი და ნუმეროლოგი ქეთევან ჯანდიერი სოციალურ ქსელში ახალ პოსტს აქვეყნებს, სადაც მერწყულის დახასიათებას გვთავაზობს.
მისი თქმით, ეს ფილოსოფიურ–ფსიქოლოგიური პორტრეტი დაგვეხმარება კონკრეტული ზოდიაქოს ნიშნის წარმომადგენლების აღქმაში:
„ეს მერწყულია! დაუმორჩილებელი და უჰოროზონტო! დროს რომ უსწრებს ის ქარია!
მერწყული სულია, რომელიც დროსაც კი არ ემორჩილება! მერწყული არ იბადება ამ სამყაროს წესებით. ის იბადება მომავლის ალღოთი — მგრძნობელობით, რომელიც დარჩენილებს აფრთხობს და აქვს შინაგანი თავისუფლება, რომელიც არ ისწავლება და ბევრს შურსაც კი უღვივებს. მერწყული არის სული, რომელიც სამყაროში მოდის მისიით და ინფორმაციით: დაანახვოს ხალხს, რომ ჩარჩოები ილუზიაა. მისთვის აზროვნება ჰგავს ქარს - სწრაფი, მომხვევი, არაპროგნოზირებადი და ყოველთვის ერთი ნაბიჯით წინ.
ფსიქოლოგიურად ეს ნიშანი არის მეამბოხე ფილოსოფოსი. მერწყული განიცდის ყველაფერს გონებით,
მაგრამ ამავე დროს საოცრად ღრმა ჰუმანურობით გამოირჩევა. ის ხედავს იმას, რასაც სხვები ვერ ამჩნევენ: უხილავ კავშირებს, ენერგიას, სისტემის ნაკლს, იმ ადგილებს, სადაც სამყარო ჯერ ჩამოყალიბებული არ არის.
ის არის ადამიანი, რომელიც არ ზის ჩუმად, როცა რაღაც უსამართლოა. ის არ დათანხმდება იმას რაც “ასე საყოველთაოდ მიღებულია“ მერწყულისთვის ეს უბრალოდ ფრაზაა, რომელსაც ანგრევს,
რადგან მისი შინაგანი სიმართლე უფრო ძლიერია. და მაინც… მერწყული ხშირად იტვირთება მარტოობით. რადგან როცა წინ მიდიხარ, ხანდახან უკან მოტრიალებისას ვეღარავის ხედავ. მის გულს კი სჭირდება კავშირი — არა ზედაპირული, არამედ სულის დონეზე.
მერწყულის კარმა არის გათავისუფლება. წარსულ ცხოვრებებში ის იყო: რეფორმატორი, განმათავისუფლებელი, მეცნიერი, წინასწარმეტყველი.. ადამიანი, რომელიც სისტემებს ანგრევდა და ახალ წესს ქმნიდა. ამიტომაც ამ ცხოვრებაში მას ხშირად ხვედრში ერგება: უცნაურობა, რომელსაც ხალხი ვერ იგებს. განცალკევებულობა, თუნდაც ბევრთან ერთად. (ხალხშია, მაგრამ მარტოა) საზღვრების მუდმივი დაუჯერებლობა. ცხოვრება, რომელიც თითქოს სხვებზე უფრო რთული და უცნაური გზებით ვითარდება მისი კარმული ჩრდილია: ემოციური დისტანცია, გადაჭარბებული რაციონალურობა, თავის მართლება „მე არავინ მჭირდება“ მასშტაბურ ხედვაში საკუთარი გრძნობების დაკარგვა.. მერწყულის კარმა ასწავლის, რომ თავისუფლება არ ნიშნავს მარტოობას, რომ ცვლილება არ ნიშნავს განზრახულ ქაოსს. რომ დრო არ არის ბატონ-პატრონი — დრო არის ინსტრუმენტი, რომელსაც ის მართავს.
როცა მერწყული მიიღებს საკუთარ ემოციას ისე, როგორც იღებს ინფორმაციას: ღიად და სუფთად — ის ხდება საოცარი ძალა, რომელიც არა მხოლოდ აზროვნებას ცვლის, არამედ ენერგიასაც. მისი სულიერი ფრაზაა: „მე მომავლის ნაწილი ვარ — ამიტომ ამ სამყაროს მხოლოდ ვადევნებ თვალს” მერწყული გვასწავლის, რომ არ უნდა გვეშინოდეს განსხვავებულობის, რომ ცვლილება არის სულის ბუნებრივი სუნთქვა.. რომ როცა იდეა სწორია,
სამყარო ნელ–ნელა მიჰყვება მას.. ის გვაჩვენებს, რომ ადამიანურად ყოფნა მნიშვნელოვანია, მაგრამ თავისუფალი სული — შეუცვლელია. მისი ჭეშმარიტება მარტივია და ძალიან ძლიერი: „თუ გზა არ არსებობს, მე შევქმნი მას.“
ეს სტატია ასევე უხდება მათ, ვისაც ამ ნიშანში ჰყავს: მზე, მთვარე, ასცენდენტი, ასევე “ძლიერი იუპიტერის” მქონე ადამიანებსაც კი“, - წერს ქეთევან ჯანდიერი.
ასევე დაგაინტერესებთ:
⭕„აქ იმიტომ მოხვედი, რომ ღმერთი იპოვო...“ - დეკანოზ თეოდორე გიგნაძის ქადაგება
⭕„ჩვენი ახალი შანსია... ბავშვს ვტოვებთ“ - რას ამბობს ლევან წვერავა
