ჯვრის ამაღლების სახელობის ტაძრის წინამძღვარი და თეოლოგიის დოქტორი დეკანოზი თეოდორე გიგნაძე განსაკუთრებული პოპულარობით სარგებლობს საზოგადოებაში.
მისი ქადაგებები ქრისტიანებმა მალევე შეიყვარა, სწორედ ამიტომ იგი პერიოდულად სოციალურ ქსელში ამონარიდებს აქვეყნებს ხოლმე.
გთავაზობთ მისი ქადაგებიდან მორიგ ამონარიდს:
„აქ იმიტომ მოხვედი, რომ ღმერთი იპოვო,
აქ იმიტომ კი არ მოხვედი, რომ ე, მანდ, რამე არ დაგემართოს;
შენში ცხოველი ღმერთს ვერ იპოვის,
შენში ეშმაკი ღმერთს ვერ იპოვის,
შენში მხოლოდ ის სული იპოვის ღმერთს, რომელ სულსაც აქვს უნარი ღმერთთან კავშირისა,
მაგრამ ის სული მკვდარია
და იწყება ბრძოლა...
შენ გწამს, რომ ღმერთის არის,
მოუხმობ,
მოუხმობ,
რეაგირებას არ ახდენს, არ ახდენს...
მაგრამ, ამავე დროს, იცი, რომ არის,
იმიტომ, რომ რამდენჯერმე შემოგაფხიზლა ღმერთმა,
განგაცდევინა საკუთარი თავი,
რომ შენი რწმენა გააცოცხლოს,
რომ შენი თავისუფლება რეალიზდეს იმით, რომ...
რა ვუყო ჩემს თავისუფლებას?
რა ვუყო,
რა ვუყო,
რა ვუყო...
რა მინდა მე?!
ჩემი თავისუფლების რეალიზება როგორ მოვახდინო?!
და მივხვდი - ღმერთო შენ მინდიხარ - ეს არის ჩემი თავისუფლება
და ამას რომ მიმახვედრა,
ახლა მიმიშვა, - აჰა, მიდი, დაიწყე,
და ადამიანი იწყებს,
და ეძებ და ვერ პოულობ,
განიცდი ამას, მგლოვარებ,
კი არ ტირი, მგლოვარებ,
მგლოვარებ როგორც საკუთარი ახლობლის გარდაცვალებას, რომელიც წინ გისვენია - აი, ასე მგლოვარებ საკუთარი მკვდარი სულის ხედვას,
მაგრამ ნუგეშინისცემა არ აყოვნებს და ის მოდის...“, - წერია გავრცელებულ ინფორმაციაში.
ასევე დაგაინტერესებთ:
⭕„ჩვენი ახალი შანსია... ბავშვს ვტოვებთ“ - რას ამბობს ლევან წვერავა
