ზოგადი ფონი: ოქტომბრის მეორე დეკადა საკმაოდ საინტერესო, თუმცა წინააღმდეგობრივი ენერგიებით არის დატვირთული. სასწორში მოძრავი მზე კვლავ პარტნიორული და დიპლომატიური თემების განვითარებაზე მიუთითებს. თუმცა, ამ პერიოდში მორიელში მყოფი მერკური სვლას მკვეთრად ანელებს, ემზადება რა რეტროგრადულ ფაზაში გადასვლისთვის.
აქედან გამომდინარე, ბევრ საქმეში ჩნდება შეფერხებები და წინააღმდეგობები. ბევრი ადამიანი დაიწყებს ფიქრს საკუთარი ცხოვრების გადაწყობაზე, სამსახურის შეცვლაზე, ექიმთან ვიზიტსა თუ ცხოვრების წესის შეცვლაზე. გაჩნდება გადადებული საქმეების დასრულებისა და „კუდების მოცილების“ აუცილებლობა. ასეთი წინააღმდეგობრივი კვირის ფონზე ნათელი და ბედნიერი დღე შეიძლება აღმოჩნდეს 15 ოქტომბერი (მზე-იუპიტერის ჰარმონიული ასპექტის გამო), როდესაც მოიმატებს გამართლებისა და მოვლენების სასიკეთოდ შემოტრიალების ალბათობა.
კვირის მთავარი მოვლენები: ამ კვირის უმთავრესი ასტროლოგიური მოვლენა 16 ოქტომბერს მერწყულის ნიშანში პლუტონის დირექტიული სვლის დაწყებაა. ეს შეიძლება შევადაროთ უზარმაზარ გაჩერებულ სარკინიგზო ეშელონს, რომელიც ამოძრავდება. ის გლობალური საკითხები, რომლებიც თვეების განმავლობაში შეჩერებული იყო, დაიძვრება და მასშტაბურ ცვლილებებს მწვანე შუქი აენთება. ნელ-ნელა „შიგნიდან“ დავინახავთ მსოფლიო პოლიტიკის ბევრ ფარულ პროცესს. ბევრი ფარული ამბავი ღია გახდება, რაც ბუნებრივია, სერიოზულ სკანდალებს დაუკავშირდება. 16-ში მარსისა და სატურნის ტრინი მიზანმიმართული, მოთმინებაზე გათვლილი შრომისთვის იდეალურ საძირკველს ქმნის. ასე რომ, კვირის მეორე ნახევარი უფრო პროდუქტიულ პერიოდად უნდა ჩავთვალოთ.
გაფრთხილება: კვირის დასაწყისში (ორშაბათს) მთვარის, მარსისა და პლუტონის დაძაბული კონფიგურაციები ემოციურ ფონს უკიდურესად ამძიმებს. მორიელის ენერგია მკვეთრად ზრდის ეჭვიანობის, მესაკუთრეობისა და მანიპულაციების გამოვლენებს. შენელებული მერკურის ფონზე, მოერიდეთ ნაჩქარევი დასკვნების გამოტანას. ნებისმიერი აგრესია ახლა თქვენსავე წინააღმდეგ და საზიანოდ იმუშავებს.
აუცილებლად გაითვალისწინეთ „უკურსო მთვარის“ პერიოდები: ამ კვირაშიც გვაქვს შუალედები, როცა მთვარე სხვა პლანეტებთან ძირითად ასპექტებს არ ქმნის:
13 ოქტომბრის 12:45-დან - 14 ოქტომბრის 04:59-მდე;
16 ოქტომბრის 01:55-დან - 16:57-მდე (თითქმის მთელი დღე!);
18 ოქტომბრის 20:12-დან - 19 ოქტომბრის 05:40-მდე.
ამ პერიოდებში ნებისმიერი მნიშვნელოვანი საქმის წამოწყება, ხელშეკრულების გაფორმება ან მსხვილი შენაძენის გაკეთება სასურველ შედეგს არ მოგიტანთ.
სტრატეგია: გამოიყენეთ შენელებული მერკურის პერიოდი წარსულის გასაანალიზებლად და ძველი საქმეების მოსაწესრიგებლად. ენდეთ 15 ოქტომბრის პოზიტიურ ტალღას მნიშვნელოვანი სოციალური ნაბიჯებისთვის, ხოლო 16 ოქტომბრის სტრუქტურული ენერგია პრაქტიკული, გრძელვადიანი საქმეების ორგანიზებას მოახმარეთ.
12 ოქტომბერი, ორშაბათი: ვნებები და ტრანსფორმაცია მთვარე: მორიელში. კვირა საკმაოდ ინტენსიური და ემოციურად დატვირთული ენერგიით იწყება. მორიელში მყოფი მთვარე უერთდება რეტროგრადულ ვენერას და მერკურის, პარალელურად კი დაძაბულ ასპექტებს ქმნის (მარსთან და პლუტონთან). ეს კომბინაცია იწვევს ძლიერ ემოციურ რყევებს, ფარული წყენების ამოტივტივებას, შურისძიების სურვილს და კონფლიქტების ესკალაციის საფრთხეს. შესაძლოა მოგვიწიოს ძველი ვალების გადახდა ან ამოტივტივდეს წარსულში დაშვებული შეცდომები. ეს დღე მაქსიმალურ ყურადღებას ითხოვს.
✅ რეკომენდებულია: ფსიქოლოგიური მუშაობა საკუთარ თავზე, თვითრეფლექსია, ასკეზა, კვლევა, ძველი ნივთების გადარჩევა-გადაყრა, ფინანსური დოკუმენტაციის მოწესრიგება, ინტენსიური, მაგრამ არა აგრესიული ფიზიკური დატვირთვა. კარგია წყლის პროცედურები.
⛔️ თავი შეიკავეთ: პარტნიორთან ურთიერთობის გარკვევისგან, ულტიმატუმების წაყენებისგან, ეჭვიანობის სცენების მოწყობისგან, ასევე იმპულსური და საეჭვო ფინანსური ოპერაციებისგან. მაღალია ფინანსურ ან სექსუალურ დონეზე შეცდომის დაშვების ალბათობა. 13 ოქტომბერი, სამშაბათი: ამბიციები და იძულებითი პაუზა მთვარე: მორიელში.
⚠️ ყურადღება: მთვარე უკურსოა 12:45-დან დღის ბოლომდე. დღის პირველი ნახევარი საკმაოდ აქტიურია, თუმცა მთვარისა და იუპიტერის დაძაბული ასპექტი ამბიციების არაადეკვატურ ზრდას და შესაძლებლობების გადაფასებას იწვევს. 12:45 საათიდან კი მთვარე კურსს კარგავს, რაც ნიშნავს, რომ სიტუაცია შენელდება და ეფექტურობა დაეცემა. პრინციპში, გრძელდება წინა დღის დაძაბული გავლენა.
✅ რეკომენდებულია: 12:45-მდე მიმდინარე, უკვე დაწყებული საქმეების ენერგიულად გაგრძელება. შუადღის შემდეგ კი რუტინული სამუშაოს შესრულება, დასვენება და ემოციური განტვირთვა.
⛔️ თავი შეიკავეთ: შუადღის შემდეგ ნებისმიერი ახალი საქმის დაწყებისგან, დაპირებების გაცემისგან, ხელმძღვანელობასთან კამათისა და საკუთარი სიმართლის ჯიუტად მტკიცებისგან. ისევ მაღალია უნდობლობისა და ეჭვიანობის ალბათობა. 14 ოქტომბერი, ოთხშაბათი: ოპტიმიზმის დაბრუნება და დინამიკა მთვარე: მორიელიდან გადადის მშვილდოსანში (04:59). გამთენიისას მთვარე ცეცხლოვან მშვილდოსანში ინაცვლებს, რაც საგრძნობლად განმუხტავს წინა დღეების ემოციურ სიმძიმეს. იმატებს შინაგანი სინათლე, ჩნდება ოპტიმიზმი, სიახლეებისკენ სწრაფვა და იდეალისტური განწყობა. მიუხედავად ჰარმონიული ენერგიებისა, არ გამოირიცხება გეგმების მოულოდნელი ცვლილება, თუმცა საღამოს მთვარე-მარსის ტრინი ენერგიას და პრობლემების სწრაფად მოგვარების უნარს დაგვიბრუნებს.
✅ რეკომენდებულია: საგანმანათლებლო და იურიდიული საკითხების მოგვარება, უცხოელებთან კონტაქტი, მოგზაურობის დაგეგმვა, ვარჯიში, ლაშქრობა, იდეებისა თუ წიგნის პრეზენტაცია, ტრენინგები და სემინარები. ასევე კარგია აქტიური დასვენება.
⛔️ თავი შეიკავეთ: შუადღის საათებში ტექნიკასთან და ელექტრობასთან დაუდევარი მოპყრობისგან, სპონტანური და დაუფიქრებელი გადაწყვეტილებების მიღებისგან. ურთიერთობებში ნუ იქნებით უხეში და უტაქტო. 15 ოქტომბერი, ხუთშაბათი: კვირის ყველაზე იღბლიანი დღე მთვარე: მშვილდოსანში. ეს კვირისა და მთლიანად თვის ერთ-ერთი ყველაზე ნათელი და პოზიტიური დღეა. მზისა და იუპიტერის ზუსტი სექსტილი უდიდეს სოციალურ და შემოქმედებით პოტენციალს ხსნის. ადამიანები ხდებიან უფრო კეთილგანწყობილები, გულუხვები და კომპრომისზეც იოლად მიდიან. მშვილდოსნის მთვარე კი ამ ყველაფერს მასშტაბს და მომავლის რწმენას მატებს.
✅ რეკომენდებულია: მნიშვნელოვანი მოლაპარაკებების გამართვა, ხელშეკრულებების დადება (თუ მერკურის შენელებას სათანადოდ გააკონტროლებთ), სპონსორებთან ან გავლენიან პირებთან შეხვედრა, ძვირად ღირებული შენაძენი და ცოდნის გაღრმავება, ასევე გრძელვადიანი მიზნების დაგეგმვა და დროში გაწერა.
⛔️ თავი შეიკავეთ: გადაჭარბებული სიამაყისგან და საკუთარი შესაძლებლობების ზედმეტად იდეალიზებისგან. 16 ოქტომბერი, პარასკევი: ტრანსფორმაცია და სტრუქტურა მთვარე: მშვილდოსანში - გადადის თხის რქაში (16:56).
⚠️ ყურადღება: მთვარე უკურსოა 01:55-დან 16:57-მდე. ძალიან სპეციფიკური დღეა. ღამით პლუტონი დირექტიული ხდება, რაც დიდ შინაგან ენერგიას ათავისუფლებს, ხოლო მარსი სატურნთან ტრინს ქმნის - ეს დისციპლინის და სტრატეგიული მოქმედების საუკეთესო ასპექტია. თუმცა, თითქმის მთელი დღე მთვარე უკურსოა! ამიტომ, ეს ძლიერი ენერგია ძველი საქმეების მოწესრიგებას, სტრუქტურირებასა და ორგანიზებას მოახმარეთ. საღამოს მთვარე თხის რქაში გადადის და გარემოც უფრო საქმიანი და სერიოზული ხდება.
✅ რეკომენდებულია: დღის განმავლობაში ორგანიზაციული მუშაობა, არქივისა და საბუთების მოწესრიგება, დაწყებული პროექტების გამყარება. კონკრეტული და პრაგმატული ნაბიჯების გადადგმა. საღამოს საათებში მომავლის დაგეგმარება, ხელმძღვანელებთან ან უფროსი თაობის ადამიანებთან ურთიერთობა.
⛔️ თავი შეიკავეთ: 16:57-მდე ახალი პროექტების წამოწყებისგან, ახალ სამსახურში გასაუბრებისგან. საღამოს მოერიდეთ ემოციური სიცივის გამოვლენას. 17 ოქტომბერი, შაბათი: ვალდებულებები და დაბრკოლებები მთვარე: თხის რქაში. შაბათი დასვენების მაგივრად, საქმეზე ფიქრს და პასუხისმგებლობების გააზრებას მოითხოვს. თხის რქის მთვარე გრძნობებს აციებს. დღის მეორე ნახევარში სატურნთან დაძაბული კვადრატი ქმნის დაბრკოლებების, ენერგიის დაქვეითებისა და მარტოობის განცდას. შესაძლოა თავი იჩინოს ძველმა პრობლემებმა ან ვალდებულებებმა, რომლებიც მოწესრიგებას ითხოვენ. არ აჰყვეთ მელანქოლიურ განწყობასა და პესიმიზმს.
✅ რეკომენდებულია: შრომა, პროფესიულ უნარებზე მუშაობა, სახლის დალაგება, დისციპლინის დაცვა, განმარტოება. ნებისმიერი შეზღუდვა მშვიდად და წყენის გარეშე მიიღეთ.
⛔️ თავი შეიკავეთ: რომანტიკული პაემნებისგან, გართობისგან, უფროსებთან ან სახელმწიფო სტრუქტურებთან კონფლიქტში შესვლისგან და წუწუნისგან. გაუფრთხილდით ხერხემალს და ძვალსახსროვან სისტემას. 18 ოქტომბერი, კვირა: შინაგანი კონფლიქტი და პირველი მეოთხედი მთვარე: თხის რქაში.
⚠️ ყურადღება: მთვარე უკურსოა 20:12-დან. დღის პირველი ნახევარი შედარებით პროდუქტიულია, მერკურისთან ჰარმონიული კავშირი კარგ წინაპირობას ქმნის ინტელექტუალური საუბრებისთვის და საერთო პოზიციებზე შეჯერებისთვის. თუმცა, საღამოს 20:13 საათზე მზე-მთვარის კვადრატია (მთვარის პირველი მეოთხედი). ეს არის კრიზისული წერტილი ჩვენს ცნობიერ მიზნებსა და ქვეცნობიერ მოთხოვნილებებს შორის. კარგად უნდა გავერკვეთ, „რა გვინდა და რატომ?“ გვიან საღამოს მთვარე კურსს კარგავს, ამიტომ ახალი საქმეების წამოწყება სასურველი არ არის.
✅ რეკომენდებულია: დღის პირველ ნახევარში საქმიანი მიმოწერების მოგვარება, ინფორმაციის დამუშავება. საღამოს - მშვიდი დასვენება, მოვლენებზე დამკვირვებლის პოზიციიდან ყურება.
⛔️ თავი შეიკავეთ: 20:12 საათის შემდეგ მნიშვნელოვანი გადაწყვეტილებების მიღებისგან, საოჯახო კონფლიქტებისგან და საკუთარი ეგოს ზედმეტი დემონსტრირებისგან.
ასევე დაგაინტერესებთ:
⭕როგორი ამინდია მოსალოდნელი 12 ოქტომბერს საქართველოში
⭕თათია შარანგია შეყვარებულია - ვინ არის პიანისტის რჩეული, რომელიც ცნობილი ბიზნესმენია
⭕„ჩემი სიყვარული“ – თათია შარანგია რჩეულთან ერთად გადაღებულ ფოტოს გვიზიარებს
წყარო: www.patreon.com
