ფსიქოლოგი, ასტროლოგი, ტრანსგენერაციული მიმართულების მკვლევარი, გენოსკოპიისა და ასტროფსიქოგენეტიკის პრაქტიკოსი ლამზირა ხაჭაპურიძე სოციალურ ქსელში ახალ პოსტს აქვეყნებს, სადაც აგვისტოს ასტროლოგიურ პროგნოზს გვიზიარებს:
„აგვისტო კარმული არჩევანის თვეა.
ასტროლოგიურ სიმბოლიკაში აგვისტო ხშირად იმ პერიოდს ემთხვევა, როდესაც ადამიანი ვეღარ იმალება საკუთარი ცხოვრების შედეგებისგან.
ლომის ენერგია სვამს მთავარ კითხვას:
„ვინ ხარ სინამდვილეში, როცა აღარ გჭირდება ნიღაბი?“.
თუ წლის პირველ ნახევარში დავთესეთ აზრები, სიტყვები და ქმედებები, აგვისტოში ხშირად ვიწყებთ მათი შედეგების დანახვას.
კარმის ენაზე ეს შეიძლება ნიშნავდეს:
დასრულდეს ურთიერთობები, რომლებმაც უკვე შეასრულეს თავისი მისია;
გამოაშკარავდეს სიმართლე, რომელიც დიდი ხნის განმავლობაში იმალებოდა;
დაბრუნდეს ძველი ადამიანები ან თემები საბოლოო დასრულებისთვის;
დაიწყოს ახალი ციკლი მათთვის, ვინც პასუხისმგებლობას იღებს საკუთარ არჩევანზე.
2026 წლის აგვისტოს ციური მოვლენების ფონზე (განსაკუთრებით ლომი–მერწყულის ღერძის გააქტიურების პერიოდში) ბევრი ადამიანი შეიძლება დადგეს არჩევანის წინაშე:
დავრჩე ძველ სცენარში, თუ გავბედო ახალი ცხოვრების შექმნა?
სწორედ ამიტომ აგვისტო შეიძლება იქცეს არა დასასრულის, არამედ კარმული განთავისუფლების თვედ.
როდესაც სიმართლეს ვიღებთ, კარმა იცვლება.
როდესაც პასუხისმგებლობას ვიღებთ, მომავალი იცვლება...
აგვისტოს თვე გვანიშნებს, თუ როგორი იქნება სექტემბერი, ოქტომბერი, ნოემბერი და დეკემბერი“, - წერს ლამზირა ხაჭაპურიძე.
ასევე დაგაინტერესებთ:
