„11 სექტემბერი | 07:27 საათი. ქალწულის მე 19 გრადუსი. ახალმთვარეობა ყოველთვის არის ახალი ციკლის დასაწყისი, თუმცა ამჯერად, ამ დღის ენერგია ჩვეულებრივი „სუფთა ფურცელი“ არ არის. ეს არის ილუზიებისგან განწმენდისა და რეალობის სტრატეგიული დალაგების წერტილი“, - აღნიშნულ საკითხზე ვრცელ პოსტს ასტროლოგი ქეთი ოდიშელი სოციალურ ქსელში გვიზიარებს:
ეს პერიოდი განსაკუთრებით აქტუალური და საყურადღებოა:
🎂 9 - 13 სექტემბრის შუალედში დაბადებული ადამიანებისთვის 🎯 მათთვის, ვისაც ასცენდენტი ან პირადი პლანეტები ქალწულის 17° - 21° ზონაში აქვს.
🗝️ რა მესიჯი აქვს ამ ახალმთვარეობას? ახალმთვარეობის მმართველი მერკური იმყოფება სასწორის ნიშანში, რაც პარტნიორულ, სასიყვარულო და ბალანსის თემებს წინა პლანზე აყენებს.
⚖️ თუმცა, მერკურის ასპექტაცია გასათვალისწინებელია:
🌊 მერკურის ოპოზიცია ნეპტუნთან: ილუზიების მსხვრევა, იმედგაცრუება და „ვარდისფერი სათვალის“ ჩამოხსნა. გამჟღავნდება დაფარული სიმართლე, ძველი დროში გაწელილი საკითხები და სასიყვარულო სამკუთხედების გამჟღავნება.
⚡ მერკურის ტრინი ურანთან და პლუტონთან: ეს არის დასაყრდენი! ნეპტუნის მიერ შექმნილ ბუნდოვანებას ურანი (მოულოდნელი, არასტანდარტული მიგნებები) და პლუტონი (ღრმა შინაგანი ტრანსფორმაცია და ძალა) საკმაოდ აბალანსებს. გონივრული, სტრატეგიული და დაკვირვებული ქმედებით ნებისმიერი რთული სიტუაცია თქვენს სასარგებლოდ შემობრუნდება.
🔥 ⚠️ უსაფრთხოება და პრაქტიკული გაფრთხილებები ნეპტუნისა და ქალწული-თევზების ღერძის გააქტიურების გამო, განსაკუთრებული ყურადღება მიაქციეთ:
🌊 წყლის სტიქიას: ფრთხილად ზღვასთან, ოკეანესთან, მდინარეებთან.
💊 მედიკამენტებსა და ნივთიერებებს: მოერიდეთ ალკოჰოლს, გადაამოწმეთ წამლების დოზირება (მაღალია ტოქსიკურობისა და ალერგიების რისკი).
🔥 საფრთხეებს: გამოიჩინეთ სიფრთხილე ცეცხლთან და ცეცხლსასროლ იარაღებთან.
💰 ფინანსებს: ნუ მოტყუვდებით მსუყე და დაპირებებით აღავსე პერსპექტივებით. ახლა არ არის ახალი ინვესტიციების ან კაპიტალდაბანდების დრო!
😴 ჯანმრთელობას: შესაძლოა იჩინოს თავი უძილობამ ან ქრონიკულმა დაავადებებმა.
💡 საუკეთესო გამოყენება: ძირითადი ენერგია მოახმარეთ უკვე არსებული საკითხების დალაგება-გადახალისებას.
მშვენიერი პერიოდია იოგასთვის, მსუბუქი ვარჯიშის, დიეტების, დეტოქსისა და გამაჯანსაღებელი პროცედურებისთვის.
🔮 რას მოიტანს 11 სექტემბრის ახალმთვარეობა ზოდიაქოს ნიშნებისთვის? (გაითვალისწინეთ, რომ ეს არის ზოგადი ტენდენცია. ინდივიდუალური სურათისთვის საჭიროა პირადი რუკის ანალიზი)
♈ ვერძი: მეტი დრო დაუთმეთ ჯანსაღი ცხოვრების წესს, ჯანმრთელობას. ნუ გადაამეტებთ ფიზიკურ დატვირთვას. დაალაგეთ თქვენი ფიზიკური და გონებრივი სივრცე.
♉ კურო: მშვენიერი პერიოდია შემოქმედებითი საქმიანობისთვის. მოსალოდნელია ახალი სასიყვარულო გატაცება. აქტუალური გახდება ბავშვებთან დაკავშირებული თემები.
♊ ტყუპები: მეტი დრო დაუთმეთ საოჯახო საკითხებს. ცვლილებები უძრავი ქონების, სახლის, ოჯახის წევრებისა და მშობლების თემაში.
♋ კირჩხიბი: კომუნიკაციები, ძველი პარტნიორული და საქმიანი კავშირების განახლება. ინფორმაციული ნაკადი დიდია — აუცილებლად გადაამოწმეთ წყაროები!
♌ ლომი: მატერიალური საკითხები წინა პლანზეა. შემოსავალ-გასავლის გადახედვა. შესაძლოა გაგიჩნდეთ დამატებითი შემოსავლის ახალი წყარო.
♍ ქალწული: პოზიტიური ცვლილებების ტალღა! შეიტანეთ სიახლე იმიჯში. მომგებიანი პერიოდია როგორც პირად-სასიყვარულო, ისე საქმიან სფეროში.
♎ სასწორი: სულ მალე თქვენი დრო დადგება. მანამდე კი დაუთმეთ დრო შინაგან მდგომარეობას. სასარგებლოა ლოცვა, მედიტაცია და ვიზუალიზაცია.
♏ მორიელი: სოციალური აქტივობა და სურვილების რეალიზაცია. ნებისმიერ რთულ სიტუციაში შეგიძლიათ მეგობრებისა და თანამოაზრეების იმედი გქონდეთ.
♐ მშვილდოსანი: კარიერული ტრანსფორმაცია, ცვლილებები სამსახურსა და სოციალურ სტატუსში (მათ შორის ქორწინება/განქორწინება).
♑ თხის რქა: კანონთან, დროში გაწელილ იურიდიულ პროცესებთან, უცხოეთთან ან განათლებასთან დაკავშირებული საკითხების გააქტიურება.
♒ მერწყული: ტრანსფორმაციული ციკლი. მემკვიდრეობასთან, დავებთან, საბანკო და საკრედიტო ვალდებულებებთან დაკავშირებული თემების განახლება.
♓ თევზები: ცვლილებები პარტნიორულ და სამსახურებრივ ურთიერთობებში. მომგები იქნება ძველი კავშირების გადახედვა. მეტად დაეყრდენით ცივ გონებას“, - წერს ქეთი ოდიშელი.
⭕ ასევე დაგაინტერესებთ:
⭕როგორი ამინდია მოსალოდნელი 11 სექტემბერს საქართველოში - პროგნოზი ქალაქების მიხედვით
