ჟურნალისტი თაკო მელიქიშვილი, რომელიც ბოლო პერიოდში ასტროლოგიით აქტიურად დაინტერესდა და შესაბამისი განათლებაც მიიღო, სოციალურ ქსელში ასტროლოგიურ თემებზე პოსტებსა და ვიდეოებს პერიოდულად უზიარებს საზოგადოებას.
ამჯერად მელიქიშვილი მორიგ პოსტს აქვეყნებს, სადაც 14 ოქტომბრის ასტროლოგიურ ტენდენციებზე წერს:
„14 ოქტომბრის ჰოროსკოპი:
ვერძი
დროა უფრო დიპლომატიური გახდე — მშვიდი საუბარი და მოქნილი დამოკიდებულება დაგიცავს ზედმეტი დაძაბულობისგან. მოერიდე გადაღლას და სამუშაოზე გადატვირთვას. იზრუნე საკუთარ იმუნიტეტზე — მეტი დასვენება და სუფთა ჰაერი დღეს აუცილებელია.
კურო
დღეს წარმოსახვა ძლიერია, მაგრამ ვარსკვლავები გირჩევენ, იმოქმედო რაციონალურად. 14 ოქტომბერს გეგმების დასახვა ნაადრევია — მოვლენები სწრაფად იცვლება. იყავი მოქნილი და იმოქმედე სპონტანურად, როცა გარემო ამას მოითხოვს.
ტყუპები
გამოიყენე უფროსი კოლეგების გამოცდილება — მათი რჩევა დაგეხმარება მიზნების მიღწევაში. საუბარი პარტნიორთან საერთო გეგმებზე განამტკიცებს ურთიერთობას. საღამო გაატარე მშვიდად, სასიამოვნო ატმოსფეროში.
კირჩხიბი
მოკლე მგზავრობა ან გარემოს შეცვლა მოგიტანთ პოზიტიურ ემოციებს. ახალი ადგილები შთაგაგონებს, თუმცა ვინმემ შეიძლება იმედგაცრუება მოგიტანოს. კარგი დროა გეგმების გადახედვისა და განვითარების ახალი გზების ძიებისთვის.
ლომი
დღე მოითხოვს ყურადღებას წვრილმან საქმეებზე — დაასრულე ის, რაც დაგიგროვდა, რომ აღარ დაგაბრუნოს წარსულ საკითხებთან. დღეს დაფიქრდი ფინანსებზე — როგორ შეინარჩუნო და გაამრავლო შენი რესურსები.
ქალწული
აქტიური კომუნიკაცია წარმატებას მოგიტანს. პარტნიორებმა ან კოლეგებმა შეიძლება საინტერესო იდეა შემოგთავაზონ. საღამო მეგობრებთან ერთად გაგამხიარულებს. დარჩი დამკვირვებლის პოზიციაში — ნუ ჩაერევი უცხო ამბებში.
სასწორი
დღე სჯობს მარტო გაატარო — ზედმეტმა საუბრებმა შეიძლება კამათამდე მიგიყვანოს. საჭიროების შემთხვევაში კოლეგების დახმარება მიიღე. მათი მხარდაჭერა დაგეხმარება რთული საკითხების გადაჭრაში.
მორიელი
შეიძლება განიცადო მცირე შფოთვა და მოტივაციის ნაკლებობა, მაგრამ ვარსკვლავები გირჩევენ, თავი აიძულო იმოქმედო. ახლობელ ადამიანებთან ურთიერთობა გაგიუმჯობესებს განწყობას და დაგმუხტავს პოზიტიურად.
მშვილდოსანი
გახსნილი იყავი გრძნობებისთვის — ელაპარაკე საყვარელ ადამიანს გულწრფელად. სამუშაოში ყურადღება არ დაკარგო, რომ შეცდომები აირიდო. გააკეთე ის, რაც თავად გსურს — ეს დღე პოზიტიურად ჩაივლის, თუ საკუთარ სურვილებს მოუსმენ.
თხის რქა
შეიძლება ვინმემ ვერ შეასრულოს დანაპირები და იმედგაცრუება მოგიტანოს, მაგრამ ნუ იჩქარებ დასკვნების გამოტანას. ოცნებები თანდათან ახდება — მიჰყევი მიზნებს, რადგან იღბალი შენს მხარესაა.
მერწყული
დღეს ფრთხილად იყავი — ვინმემ შეიძლება შენი სიკეთით ისარგებლოს. მოერიდე ტყუილ კომპლიმენტებს და მანიპულაციებს. იზრუნე ჯანმრთელობაზე, მეტი სიარული და ვიტამინებით მდიდარი საკვები გამოგადგება.
თევზები
ნუ იტრაბახებ მიღწევებით — ზოგს შეიძლება შეშურდეს. თუ დახმარება გჭირდება, პირდაპირ თქვი. შესაძლებელია საიდუმლო გაიგო, მაგრამ ჯობია ეს ინფორმაცია შენში შეინახო“, - წერს თაკო მელიქიშვილი.
ასევე დაგაინტერესებთ:
⭕საქართველოს მართლმადიდებელი ეკლესია სვეტიცხოვლობას აღნიშნავს
