მაიას კალენდრის მიხედვით, იწყება ახალი, 13-დღიანი ტალღური მოდული, რომლის მთავარი მამოძრავებელი ენერგიაც „ყვითელი მაგნიტური მზე“ {კინ 40} ხდება. დროის მკვლევარი მიხეილ ღვამბერია განმარტავს, თუ რას უკავშირდება ეს პერიოდი და როგორ უნდა გამოვიყენოთ კოსმიური ენერგიები სწორად.
ღვამბერიას თქმით, კინ 40 წარმოადგენს უნივერსალური ცეცხლის, განმანათლებლობის, სიცოცხლისა და უპირობო სინათლის ენერგიას. პირველი {მაგნიტური} ტონი ახალი ციკლის დასაწყისს აღნიშნავს, რაც თითოეულ ადამიანს შინაგან სინათლესთან გაერთიანებისკენ, უმაღლესი ცნობიერების გაღვიძებისა და მიზნების მკაფიოდ დასახვისკენ მოუწოდებს.
„კინ 40 არის უნივერსალური ცეცხლის, განმანათლებლობის, სიცოცხლისა და უპირობო სინათლის ენერგია. ეს არის ახალი, ყვითელი მზის 13-დღიანი ტალღური მოდულის დასაწყისი, როდესაც მოგვეწოდება, გავერთიანდეთ ჩვენს შინაგან სინათლესთან, გავაღვიძოთ უმაღლესი ცნობიერება, გავასუფთაოთ ყოველგვარი ჩრდილი და მოვახდინოთ მიზნების ფოკუსირება.
ეს კინი მდებარეობს ყვითელი მზის {განმანათლებლობის/უნივერსალური ცეცხლის} ტალღურ მოდულში, სადაც იკავებს პირველ {მაგნიტურ} პოზიციას. ეს ნიშნავს, რომ დღეს ვიწყებთ ახალ 13-დღიან ციკლს, სადაც განმანათლებლობა, შინაგანი სითბო და უპირობო სიყვარული ხდება ის მთავარი მამოძრავებელი ძალა, რომელიც გაუძღვება მთელ ტალღას.
მზის ბეჭედი: ყვითელი მზე {აჰაუ}
ყვითელი მზე არის უნივერსალური ცეცხლის, განმანათლებლობის, სიცოცხლისა და კოსმიური ცნობიერების ენერგია.
ძირითადი თვისებები: უნივერსალური ცეცხლი, განმანათლებლობა, სიცოცხლე, ამაღლება.
მისი მისიაა: შეგვახსენოს, რომ თითოეულ ჩვენგანში ანთია უსასრულო სინათლის წყარო. მისი დანიშნულებაა დაგვეხმაროს საკუთარი ჭეშმარიტი ბუნების გაცნობიერებაში, სიბნელის განათებასა და უმაღლესი სულიერი ერთიანობის მიღწევაში.
ტონი: პირველი - მიზნის მაგნიტური ტონი {ჰუნ}
პირველი ტონი პასუხისმგებელია მიზნის დასახვაზე, ერთიანობასა და ახალი ციკლის წამოწყებაზე.
ძირითადი თვისებები: მიზანი, ერთიანობა, მიზიდულობა, ახალი დასაწყისი.
მისი მისიაა: გვიპასუხოს კითხვაზე: „რა არის ჩემი უმაღლესი მიზანი?“ პირველი ტონი გვეხმარება ენერგიის კონცენტრაციასა და ახალი 13-დღიანი მოგზაურობის სწორად დაგეგმვაში.
დღის აფირმაცია:
„მე ვახდენ მიზნის ფოკუსირებას უნივერსალური ცეცხლის მეშვეობით.
მე ვახდენ განმანათლებლობის გაღვიძებას, ვენდობი სიცოცხლის ძალას და ვაკავშირებ მაგნიტურ ერთიანობას.
მე ვენდობი წმინდა სინათლეს და მაგნიტურ ჰარმონიას.
მე ვარ ყვითელი მაგნიტური მზე!“
დღის მთავარი დევიზი:
დასახე ახალი 13-დღიანი ციკლის მიზანი და გაანათე შენი გზა. აღმოაჩინე შენი შინაგანი მზე, გაუზიარე სითბო სამყაროს და იმოქმედე უმაღლესი ცნობიერებითა და უპირობო სიყვარულით.
