„მიმდინარე კვირაში 4 გეომაგნიტური დღეა, ესენია: სამშაბათი, ოთხშაბათი, ხუთშაბათის პირველი ნახევარი და კვირა. თუმცა კვირა საერთო ჯამში კარგია, რადგანაც დედამიწა გადადის დადებით ენერგოველში“, - ამის შესახებ ასტროლოგი მიხეილ ცაგარელი საუბრობს.
მისი თქმით, ამ კვირაში 2 მნიშვნელოვანი მოვლენა გვაქვს.
პირველი ეს არის - ვენერა შედის მორიელის ზოდიაქოში და 29 დეკემბრამდე იქ იქნება, ამ პერიოდში კი მოიმატებს ეჭვიანობა და სარკასტულ გესლიანი გამოთქმები. ანუ ამ პერიოდში განსაკუთრებით მანდილოსნები ხდებიან ეჭვიანები.
ხოლო მეორე - ოთხშაბათს პლანეტა ნეპტუნი, რომელიც არის ინტუიციის მმართველი პლანეტა, აქამდე იყო უკუმავალი, ხდება სწორმავალი. ფანტაზიები იღებენ რეალურ ელფერს, ძლიერდება ხელოვნების სფეროში წარმატების შანსი.
ასევე, ასტროლოგის თქმით შაბათი დღე ითხოვს ყურადღებას - კუროსგან, სასწორისგან და მორიელისგან, რადგან გაღიზიანებადობა მატულობს და უნდა იყვნენ ფრთხილად.
🔵 აგრეთვე დაგაინტერესებთ:
🔵„გილოცავ დაბადების დღეს მამიკოს გამხარებელო!“ - გია ბაღაშვილი შვილს დაბადების დღეს ულოცავს
