მოულოდნელი სიახლეები, დამსახურებული წარმატება და ახალი შესაძლებლობები - როგორი იქნება მიმდინარე კვირა ზოდიაქოს ნიშნებისთვის

ვერძი

მიმდინარე კვირა ურთიერთობების დალაგების თვალსაზრისით, თქვენთვის განსაკუთრებით ხელსაყრელი იქნება. შესანიშნავი დროა იმისათვის, რომ საკუთარი გრძნობები გამოხატოთ და თქვათ ის, რისი თქმაც დიდი ხანია, გინდათ, მაგრამ აქამდე ვერ მოახერხეთ. გამარტივებული კომუნიკაცია სხვადასხვა ტიპის დავის მოგვარებასა და საკითხების გადაჭრაში დაგეხმარებათ.

კურო

მიმდინარე კვირის განმავლობაში იგრძნობთ, რომ ყურადღების ცენტრში ხართ. არ არის გამორიცხული, ამ კვირის განმავლობაში რაიმე ახალი როლი მოგანიჭონ ან წარსულის მიღწევები დაგიფასონ. მთავარია, პასუხისმგებლობების აღების არ შეგეშინდეთ და სიახლეებზე უარი არ თქვათ. ეს პერიოდი კარგ შანსს გაძლევთ, რომ დაწინაურდეთ და თქვენთვის ხელსაყრელ პოზიციაზე მოხვდეთ.

ტყუპები

ეს კვირა მოგცემთ შესაძლებლობას, რომ ჩაერთოთ იმ საქმეებში, რომლებიც აქამდე არასდროს გაგიკეთებიათ, ან კიდევ შესაძლოა, დაიწყეთ, თუმცა განვითარებას ვერ ხედავდით. ეს არის პერიოდი, როდესაც ახალი აღმოჩენები განვითარებაშიც დაგეხმარებათ და ამავდროულად, პრიორიტეტების სწორად განსაზღვრისთვისაც გამოგადგებათ. ის, რასაც ახლა დაიწყებთ, შეისწავლით, გაამრავალფეროვნებთ, მომავალში იმაზე მეტ წარმატებას მოგიტანთ, ვიდრე შეიძლება, იფიქროთ.

კირჩხიბი

ამ კვირის განმავლობაში ცვლილებების სურვილს განსაკუთრებით იგრძნობთ. თითქოს, უკვე ძალიან ბევრი გაკვეთილი, გამოცდილება დააგროვეთ და დრო მოვიდა, მოძველებულ ურთიერთობებს, კავშირებს, საქმეებს საბოლოოდ გადახედოთ და ახალი ეტაპი დაიწყოთ. ეს პერიოდი მოგცემთ შესაძლებლობას, საკუთარ ღირებულებებს გადახედოთ და რეალური სურვილებისა და მიზნების ამოცნობა დაიწყოთ.

ლომი

მიმდინარე კვირის განმავლობაში მომატებულ ენერგიასა და მოტივაციას იგრძნობთ, რაც მოგცემთ შესაძლებლობას, რომ ახალი საქმეების დაწყებასა და ცხოვრების წესის ცვლილებაზე იფიქროთ. თანდაყოლილი ინტელექტუალური ცნობისმოყვარეობითა და აქტიურობით, ამ კვირაში ბევრი ადამიანის ყურადღებას მიიპყრობთ, გექნებათ შანსი, რომ საკუთარი შესაძლებლობები გამოავლინოთ და პოზიტიური ცვლილებებიც მიიღოთ.

ქალწული

ეს ის დროა, როდესაც თქვენი სურვილი, დაეხმაროთ და მხარი დაუჭიროთ თქვენს ცხოვრებაში მნიშვნელოვან ადამიანებს, ძლიერდება. ყოველგვარი სარგებლის მიღების გარეშე, შეძლებთ, რომ თქვენი ემოციური მხარე გამოავლინოთ და საკუთარი გამოცდილება, რესურსები გააზიაროთ. ეს ორმხრივად სასარგებლო იქნება, რადგანაც დადებითი ენერგია თავადაც მოტივაციას გაგიზრდით და წარმატების მიღწევაში დაგეხმარებათ.

სასწორი

ეს არის პერიოდი, რომელიც გაჩვენებთ, რომ ძველი შიშებისგან, დამოკიდებულებებისგან, ჩვევებისგან, წინასწარ შექმნილი წარმოდგენებისგან საბოლოოდ უნდა გათავისუფლდეთ და გაბედოთ იმის გაკეთება, რაც დიდი ხანია, გინდათ. შესაძლოა, აქამდე ბევრ ოცნებაზე უარი იმიტომ თქვით, რომ საკუთარ თავს დააჯერეთ, რომ რაღაცის გაკეთება „არ შეგიძლიათ“. ხელოვნურად აშენებული ბარიერების მსხვრევისა და საკუთარი რეალური შესაძლებლობების აღმოჩენის დროა.

მორიელი

მიმდინარე კვირის განმავლობაში, ხელახლა გადახედავთ იმ გზას, რომელიც გაიარეთ და აუცილებლად მიხვდებით, რომ იმაზე მეტი იშრომეთ, ვიდრე შეიძლება, აღიარებთ. პირველ რიგში, ამისთვის საკუთარ თავს მადლობა გადაუხადეთ. ამავდროულად, ეს არის პერიოდი, რომელიც გაძლევთ შესაძლებლობას, ამჟამინდელ მიზნებსაც გადახედოთ, შეაფასოთ, რა ეტაპზე ხართ, რა გჭირდებათ განვითარებისთვის და როგორ უნდა მიაღწიოთ იმ ოცნებებს, რომლებზეც ბევრს ფიქრობთ.

მშვილდოსანი

ეს კვირა მოულოდნელ წარმატებასა და იღბალს გპირდებათ, რაც მოტივაციასაც გაგიზრდით და ძალიან დიდ ბედნიერებას მოგანიჭებთ. შესაძლოა, ის, რაზედაც დიდი ხანია, ფიქრობთ, მოულოდნელად ახდეს. ასტროლოგები გირჩევენ, რომ იყოთ აქტიური, ადამიანებთან კომუნიკაციას არ მოერიდოთ და ახალი შესაძლებლობები მაქსიმალურად გამოიყენოთ. გარდა ამისა, მიმდინარე კვირაში კომუნიკაცია გამარტივდება და პირად ურთიერთობებში დაბრკოლებების გადალახვასაც შეძლებთ.

თხის რქა

ამ კვირის განმავლობაში, სავარაუდოდ, შეხვდებით ისეთ რამეს, რაც განწყობას აგიმაღლებთ და მოტივაციასაც გაგიზრდით. შესაძლოა, დაგეგმოთ ისეთი ნივთის შეძენა, რომლის ყიდვაც დიდი ხანია გინდათ, ახალი საქმე წამოიწყოთ, თქვენთვის მნიშვნელოვან პროექტზე დაიწყოთ მუშაობა და მიზნებისკენ მიმავალ გზაზე მნიშვნელოვანი ნაბიჯები გადადგათ.

მერწყული

ეს არის პერიოდი, როდესაც შეგიძლიათ, იდეები, რომლებიც თავში მოგივათ, ყოყმანის გარეშე განახორციელოთ და არ იფიქროთ იმაზე, თუ რას იტყვიან სხვები, აქტიური მოქმედებისა და გამბედაობის გამოვლენის დროა. ეს წარმატების მიღწევაში ნამდვილად დაგეხმარებათ. ნუ დაელოდებით საუკეთესო დღეს იმისთვის, რომ მიზნების განხორციელებაზე იფიქროთ. დაიწყეთ დღეს და ეს კონკრეტული დღე გადააქციეთ საუკეთესოდ.

თევზები

მიმდინარე კვირის განმავლობაში, შესაძლოა, უენერგიობა იგრძნოთ და მომატებულმა ემოციურობამაც შეგაწუხოთ. თუმცა, ეს პერიოდი საკუთარ თავთან ჩაღრმავებასა და ემოციების გაანალიზებაში დაგეხმარებათ. შეეცადეთ, ხშირად განიტვირთოთ, სასიამოვნო საქმით დაკავდეთ და დაისვენოთ. ეს მოგცემთ შესაბამის მოტივაციას, რომ კიდევ ერთხელ სცადოთ ის, რაც არ გამოგივიდათ.

ასევე დაგაინტერესებთ:

⭕„დედამ მასწავლა, თუ არ გინდა დარდი და ტანჯვა, სხვის შეცდომებზე ისწავლე ცხოვრებაო...“ - გია ჯაჯანიძის ემოციური პოსტი

🎥 „რა დიდებული ადამიანია რომ იცოდეთ და რა სიყვარულის მატარებელი...“ - თიკა ფაცაციას მილოცვა იუბილარ მამას

⭕„ეკლესია - ეს არის ღმერთის საიდუმლო, საკრალური, მისტიკური სხეული, ანუ ორგანიზმი“ - დეკანოზი თეოდორე გიგნაძე

წყარო: www.beaumonde.ge