„რატომ ითვლება 30 აპრილის ღამე წელიწადში ყველაზე მისტიკურ დროდ?“, - აღნიშნულ თემაზე ვრცელ პოსტს სოციალურ ქსელში ეზოტერიკოსი თამუნა იოსელიანი აქვეყნებს:
„ვალპურგის ღამე - ეს არ არის მხოლოდ ლეგენდები კუდიანებზე. ეს არის დრო, როცა ენერგიები პიკს აღწევს. აი, რას გვირჩევდნენ ჩვენი წინაპრები, რომ ეს ღამე სურვილების ასრულებისთვის გაგვეტარებინა.
ვალპურგის ღამე (30 აპრილიდან 1 მაისამდე) ითვლება დროდ, როცა სამყაროსა და ადამიანს შორის ზღვარი თხელდება, ამიტომ სურვილების ჩაფიქრება ამ დროს განსაკუთრებულ რიტუალებთანაა დაკავშირებული.
აი, რამდენიმე გავრცელებული და მარტივი რიტუალი, რომლებსაც ამ ღამეს ატარებენ:
1. „ასი კვანძის“ რიტუალი (სურვილის ვიზუალიზაცია)
აიღეთ ნებისმიერი ფერის ბუნებრივი ძაფი (მატყლის ან ბამბის). დაჯექით სიმშვიდეში, წარმოიდგინეთ თქვენი სურვილი ისე, თითქოს ის უკვე შესრულდა და დაიწყეთ ძაფზე კვანძების გაკეთება. არ არის აუცილებელი ზუსტად ასი იყოს, მთავარია პროცესი. ყოველი კვანძის გაკეთებისას თქვით: „როგორც კვანძს ვკრავ, ისე ჩემს სურვილს ჩემს ცხოვრებაში ვაბამ“. ძაფი შეინახეთ ბალიშის ქვეშ 1 მაისის დილამდე, შემდეგ კი გადამალეთ.
2. წერილის დაწვა (ნეგატივისგან გათავისუფლება და ახლის მოზიდვა)
ეს რიტუალი ორ ნაწილიანია:
ნაწილი 1: ფურცელზე დაწერეთ ყველაფერი, რაც ხელს გიშლით (შიშები, ვალები, ძველი წყენა) და დაწვით (უსაფრთხოების წესების დაცვით!). ფერფლი გაატანეთ ქარს ან წყალს.
ნაწილი 2: სუფთა ფურცელზე დაწერეთ თქვენი მთავარი სურვილი აწმყო დროში (მაგალითად: „მე მაქვს ჩემი საოცნებო სამსახური“). ეს ფურცელი შეინახეთ ლამაზ ყუთში ან წიგნში.
3. „საგაზაფხულო ხე“ (სურვილების ხე)
თუ ეზო გაქვთ ან ბუნებაში გახვალთ, აირჩიეთ ხე, რომელიც მოგწონთ (უმჯობესია აყვავებული). აიღეთ ფერადი ნაჭრის ლენტები. თითოეულ ლენტს ჩაუთქვით კონკრეტული სურვილი და შებით ტოტზე. ითვლება, რომ როცა ქარი ამ ლენტებს ააფრიალებს, ის თქვენს ენერგიას სამყაროს გადასცემს.
4. მწვანე სანთლის რიტუალი (მატერიალური კეთილდღეობისთვის)
ვინაიდან ეს ნაყოფიერების დღესასწაულია, 30 აპრილის ღამეს აანთეთ მწვანე სანთელი (სიმდიდრის სიმბოლო). დადგით მის წინ ჭიქა წყალი და წარმოიდგინეთ თქვენი ფინანსური მიზნები. სანთელი ბოლომდე დაიწვას, წყალი კი დილით დალიეთ - წყალი „დაიმახსოვრებს“ თქვენს განზრახვას.
5. ბალიშის ქვეშ ჩადებული მცენარეები!
თუ გსურთ პასუხი მიიღოთ მნიშვნელოვან კითხვაზე ან სიზმარში ნახოთ გამოსავალი, ბალიშის ქვეშ დაიდეთ ნებისმიერი საგაზაფხულო ყვავილი ან მწვანე ფოთოლი. ძილის წინ ჩამოაყალიბეთ კითხვა და სთხოვეთ ღამეს, მოგცეთ ნიშანი.
მთავარი წესი: ნებისმიერი რიტუალის დროს უნდა იყოთ პოზიტიურ განწყობაზე. როგორც „გრძნობების მართვის ცენტრში“ შეთანხმდნენ - სიყვარული და რწმენა ყველაზე დიდი ძალაა“, - წერს თამუნა იოსელიანი.
⭕ ასევე დაგაინტერესებთ:
⭕ „შესაძლებელია „ყოფილი“ პარტნიორის გამოჩენა“ - 29 აპრილის ტაროლოგიური პროგნოზი
