რა გავლენას მოახდენს მზის რგოლისებრი დაბნელება ადამიანზე და რა უნდა გავაკეთოთ იმისათვის, რომ წარმატება მოვიზიდოთ

მზის რგოლისებრი დაბნელება იშვიათ ასტროლოგიურ მოვლენად ითვლება. ამ დროს მთვარე მზის ცენტრალურ ნაწილს ფარავს და მისი სინათლის ფონზე, დისკის ფორმის ილუზია იქმნება. სასწორის ნიშანი კომპრომისების, თანასწორობისა და ჰარმონიის სიმბოლოდ ითვლება. რაც იმას ნიშნავს, რომ აღნიშნულ ნიშანში მზის დაბნელება ჩვენს პირად და საქმიან ურთიერთობებზე როგორც დადებით, ასევე უარყოფით გავლენას მოახდენს.

14 ოქტომბრის მზის დაბნელება კარიერული თვალსაზრისით, შესაძლოა, თითოეული ჩვენგანისთვის მნიშვნელოვანი მოვლენა აღმოჩნდეს და გაგვიჩნდეს ახალი პერსპექტივები, საინტერესო შეთავაზებები და ინიციატივები.

მზის დაბნელება გავლენას მოახდენს ზოდიაქოს ყველა ნიშანზე, მაგრამ ვერძი, კირჩხიბი, სასწორი და თხის რქა ამას ყველაზე ძლიერად იგრძნობენ. მოემზადეთ, როგორც კარგი, ასევე არასასურველი შედეგებისთვის. შესაძლოა, სამსახურში მოულოდნელად ძალიან ხელსაყრელი საქმე შემოგთავაზონ, ფინანსურად წაგახალისონ, თქვენი შრომა დააფასონ, საერთო ენა გამონახოთ მათთან, ვისთანაც კონფლიქტი გქონდათ და ასე შემდეგ. თუმცა, ამავდროულად, შეიძლება არასასურველი შედეგი მიიღოთ მოლაპარაკებებსა და ახალ წამოწყებებში.

ითვლება, რომ 14 ოქტომბრის მზის დაბნელება ერთგვარი "წმენდა", ახლის დასაწყისია. ამიტომაც, ნუ გაგიკვირდებათ, თუ ამ პერიოდში პირისპირ აღმოჩნდებით წარსულში დატოვებულ ურთიერთობებთან და საქმეებთან. მოგიწევთ, კიდევ ერთხელ გადააფასოთ მოვლენები და სამუდამოდ დაემშვიდობოთ მათ, ვისაც თქვენთვის ბედნიერება აღარ მოაქვს. ახლა ყველა შანსი გაქვთ, რომ თქვენი ცხოვრების ახალი ციკლი დაიწყოთ და სხვადასხვა საკითხს განსხვავებული თვალით შეხედოთ. იქამდე კი აუცილებელია, ყველაფერი ძველი წარსულში დატოვოთ. ეს მხოლოდ ურთიერთობებს არ ეხება - საფუძვლიანად დაასუფთავეთ სახლი და ყველა მოძველებული, არასაჭირო ნივთი გაიტანეთ. ითვლება, რომ ამ გზით წარსულის უარყოფითი ემოციები სახლიდან გაგაქვთ.

14 ოქტომბრის მზის დაბნელებისთვის შეგიძლიათ, გაითვალისწინოთ:

არ ენდოთ იმ ადამიანებს, რომლებსაც კარგად არ იცნობთ და მათთან ერთად სარისკო სიტუაციებში ნუ აღმოჩნდებით.

შეეცადეთ, ეს დღე მშვიდად გაატაროთ და დიდ შეკრებებს მოერიდოთ.

დაისვენეთ, განიტვირთეთ და დრო საყვარელ აქტივობებს დაუთმეთ.

ნეგატიური ემოციების გამოხატვისაგან თავი შეიკავეთ. ნუ წამოიწყებთ კონფლიქტს, ნუ მიაყენებთ შეურაცხყოფას სხვა ადამიანებს.

შეეცადეთ, გამოიჩინოთ მზრუნველობა არა მხოლოდ ადამიანების, არამედ ცხოველების მიმართაც.

მოერიდეთ დიდ შესყიდვებსა და ფინანსურ ოპერაციებს.

გააკეთეთ რაიმე კარგი! ამ ენერგიამ შესაძლოა, თქვენზე დადებითად იმოქმედოს და სამომავლოდ კიდევ უფრო მეტი იღბალი და გამართლება ნახოთ.

აგრეთვე დაგაინტერესებთ: 

🎥 სექსმუშაკებთან თავი უნდა დავიცვათ? - რას ამბობს რეპროდუქტოლოგი

🎥 რომელი ვიტამინები სჭირდება ბავშვებს - გიორგი ღოღობერიძის რჩევები

„ძნელია, როდესაც მის ხმას ვეღარასოდეს გავიგებ, მასზე ვეღარ ვიზრუნებ ამ სამყაროში“ - დავით ბერიაშვილის დედის ემოციური პოსტი

წყარო: www.beaumonde.ge