რას არ გაპატიებთ საყვარელი ადამიანი? - ზოდიაქოს თითოეული ნიშნის დახასიათება

ვერძი

ვერძი ვერ იტანს თავის მობეზრებას - „ნუ მირეკავ დღეში ასჯერ“ - ეს ვერძის საყვარელი ფრაზაა. ნუ დაჩაგრავთ სუსტებს ვერძის თანდასწრებით, თორემ ინანებთ. ნუ შეაწუხებთ რჩევებით. იგი ნებისმიერ სირთულეს თავად გაუმკლავდება.

კურო

ვერ იტანს მონოტონურ ლექციებს, უყვარს გონიერი, მოლაპარაკე ადამიანები. კუროების უმრავლესობას უყვარს ყურადღება, მაგრამ არა - ტრაფარეტული სიტყვები და გადამეტებული მზრუნველობის გამოხატვა. ნუ შეეფეთებით წარამარა.

ტყუპი

არ გაპატიებთ უპატივცემლობას. ტყუპი ყველასთვის ავტორიტეტი უნდა იყოს. სხვების ნაამბობს ურჩევნია, ყველაფერი საკუთარი თვალით ნახოს. ნუ შეზღუდავთ. მიეცით თავისუფლად მოქმედების საშუალება. თუ დაიწყეთ, ყველაფერი დაწვრილებით მოუყევით.

კირჩხიბი

მისი დევიზია: „ჩემი სახლი ჩემი ციხესიმაგრეა“. მისი სახლი მუდამ მოწესრიგებული უნდა იყოს. „თუ დამპირდი, კეთილი ინებე და შეასრულე, თორემ ნახავ, რაც მოგივა“. ნუ ეცდებით მისთვის თავის მოწონებას, მალევე გაგშიფრავთ. იყავით ის, ვინც სინამდვილეში ხართ.

ლომი

ლომი არ გაპატიებთ, თუ სულელად ჩათვლით და მის მოტყუებას ეცდებით. ნუ იწუწუნებთ, რომ არ შეგიძლიათ რაღაცის გაკეთება, შეცვლა. იმოქმედეთ. ლომი ხელგაშლილია და სხვებისგანაც იმავეს მოითხოვს. ასევე, არ გაპატიებთ ეჭვიანობას, უნდა ენდოთ.

ქალწული

არ გაპატიებთ ცუდ მასპინძლობას. ქალწულს უყვარს სტუმრების მიღებაც და სხვებთან სტუმრად სიარულიც. ასევე, აღიზიანებს არააკურატულობა. ფეთხუმ ადამიანთან ქალწულებს ვერ ექნებათ კარგი ურთიერთობა. არ სწყალობენ ცნობისმოყვარეებს - როცა საჭიროდ მიიჩნევს, ყველაფერს მოგიყვებათ და ნუ შეაწუხებთ კითხვებით.

სასწორი

ის არ გაპატიებთ უხეშობას. სასწორი მეგობრული და სათუთი არსებაა, უკულტურო და ბილწსიტყვიანი ადამიანის გვერდით ვერ გაჩერდება. ასევე, ვერ აიტანს გულგრილობას. ადამიანის გასაჭირის მიმართ ნუ იქნებით ბრმა. და კიდევ - ნუ ასწავლით მას, როგორ უნდა იცხოვრონ.

მორიელი

არავის აპატიებს ზედაპირულობას. საქმის არსში ბოლომდე ჩაწვდომა ყველა მორიელის თვისებაა. არ გაპატიებთ სიყალბეს - უთხარით ილაპარაკე ის, რასაც ფიქრობთ და გრძნოთ და ფანტაზიორობას - თუ მიზანი დაისახე, იმოქმედე მის შესასრულებლად. და კიდევ, ვერ იტანს შეცოდებას, მისი აზრია: „ნუ დაინდობ სხვას, იმიტომ, რომ შენც არავინ დაგინდობს“.

მშვილდოსანი

არ გაპატიებთ შეუსრულებელ დაპირებას - „თუ დამპირდი, შემისრულე“. არასდროს დაკარგავს დროს მოსაწყენ ხალხზე, საქმიანობაზე. მშვილდოსნებს უყვართ ცხოველები და მათი დაჩაგვრის უფლებას არავის მისცემენ. ვერ იტანს რჩევებს: „მე თვითონ ვიცი, როგორ ჯობია!“

თხის რქა

არ გაპატიებთ მიზნის არარსებობას. თხის რქას აინტერესებს ადამიანები, რომლებმაც იციან, რა უნდათ და იბრძვიან მის მისაღწევად. ვერ აიტანს გაუთვალისწინებელ მოვლენებს. მათთვის ყველაფერი გეგმაზომიერად უნდა მიმდინარეობდეს. არ უყვარს ბევრი ლაპარაკი - „მხოლოდ საქმეზე მელაპარაკე, საჭორაოდ არ მცალია“. არ გაპატიებთ სიზარმაცეს, თუმცა, თავადაც ზარმაცობენ ხოლმე.

მერწყული

არ გაპატიებთ ღალატს. ვერ აიტანს რუტინას - „ერთფეროვნება ჩემთვის არაა“. არ მოგითმენთ უარყოფით თვისებებზე მითითებას - „თავადაც კარგად ვიცი“. მისთვის მიუღებელია ვალის აღება - „ისე იცხოვრე, რომ ვალის აღება არ მოგიწიოს“.

თევზები

არ გაპატიებთ დავალდებულებას - „მე შენ გაგიკეთებ, შენ მე გამიკეთე“. უმნიშვნელო ტყუილმაც კი შეიძლება მასთან ურთიერთობა გაგიფუჭოთ. ვერ აიტანს უმადურობას. კეთილი საქმისთვის მილიონჯერ უნდა გადაუხადოთ მადლობა, რომ შემდეგშიც დაგეხმაროთ. 

 ასევე დაგაინტერესებთ:

🎥 „როგორ მოვიპოვეთ წყალი მეტეოზე...“ - ნინუცა ორჯონიკიძის საინტერესო თავგადასავალი მყინვარწვერზე

⭕„გემოვნებიანი და შარმიანი...“ - ანი ჯავახი ახალ ფოტოებს გვიზიარებს

🎥 როგორ დავიცვათ სასუნთქი გზები სეზონური ინფექციებისგან - ექიმის რჩევები