ასტროლოგების თქმით, ის ადამიანები, რომლებიც დიდი ხნის განმავლობაში ემოციური და ფინანსური სირთულეების წინაშე იყვნენ, 2026 წელს საბოლოოდ იგრძნობენ, რომ ყველაფერი უკეთესობისაკენ იცვლება და არც გაწეულ შრომასა და ძალისხმევას ჩაუვლია უკვალოდ.
პლანეტა იუპიტერი კირჩხიბის ნიშანში იქნება, ნეპტუნი კი - თევზების. პლანეტების დადებით გავლენას განსაკუთრებით წყლის ნიშნები იგრძნობენ.
კირჩხიბებს აქვთ შანსი, ოჯახსა და სახლში დიდი ხნის ნანატრი ჰარმონია იპოვონ და სამსახურშიც დაწინაურდნენ.
მორიელები კარიერაში ახალ საფეხურს მიაღწევენ და თვითრეალიზაციას შეძლებენ.
თევზები კი მიიღებენ საჭირო მხარდაჭერას, რომლის დახმარებითაც, ცხოვრების რადიკალურად შეცვლას შეძლებენ.
ცეცხლის ნიშნები, ვერძი, ლომი და მშვილდოსანი, მრავალწლიანი შინაგანი ბრძოლისა და გარემოებებით გამოწვეული ზეწოლის შემდეგ შვებას საბოლოოდ იგრძნობენ. 2026 წელს ისინი კვლავ ყურადღების ცენტრში აღმოჩნდებიან, თუმცა, ამჯერად სასიხარულო ამბების შემთხვევაში. როგორც ასტროლოგები ამბობენ, მათ აღიარება და ახალი შესაძლებლობები ელის. წელი განსაკუთრებით გულუხვი იქნება მათთვის, ვინც 2025 წელს ცვლილებები გაბედა: მათი გამბედაობა დაჯილდოვდება.
მიწის ნიშნები, კურო, ქალწული და თხის რქა, აღდგენისა და სტაბილიზაციის ფაზაში შევლენ. 2026 წელი მათ ბალანსსა და ჰარმონიას მოუტანს. ყველაფერი, რაც ემოციურად განსაკუთრებით გამძიმებდათ, ნელ-ნელა მნიშვნელობას დაკარგავს. თავდაჯერებულობის მომატებას იგრძნობთ, რაც ყველაზე ამბიციური გეგმების განხორციელებაშიც კი დაგეხმარებათ.
ჰაერის ნიშნები, ტყუპები, სასწორი და მერწყული, ახალ შესაძლებლობებს აღმოაჩენენ. წლის განმავლობაში საინტერესო ადამიანებს შეხვდებიან და ექნებათ შანსი, როგორც პირად, ასევე საქმიან ურთიერთობებში მნიშვნელოვან პროგრესს მიაღწიონ.
ასევე დაგაინტერესებთ:
🎥 „მადლობა 2025 წელს❤️“ - თამო ვაშალომიძე მიმდინარე წელს აჯამებს
⭕„წლის „ბოლო აკორდს“ ვიღებთ... დაასრულე საქმეები წყნარად“ - 30 დეკემბრის ასტროლოგიური პროგნოზი
წყარო: www.beaumonde.ge
