„ძალიან ხშირად, როდესაც მოვლენები არ ვითარდება ისე, როგორც გვინდოდა, როდესაც გული გვტკივა, იმედი გვიცრუვდება და გეგმები გვეცვლება, ჩვენ ვბრაზობთ, გამოვხატავთ უკმაყოფილებას და ვწუხვართ - და ეს აბსოლუტურად ნორმალურია! ზოგჯერ ამ გზის გავლაც არის საჭირო...“, - ამის შესახებ სოციალურ ქსელში ეზოტერიკოსი „svart“ წერს და სამოტივაციო პოსტს აქვეყნებს.
მისი თქმით, სამყარო უმიზეზოდ არასდროს შეგიშლის ხელს:
„სამყარომ უკეთ იცის რა რისთვის არის საჭირო და როდის უნდა მოხდეს.
ძალიან ხშირად, როდესაც მოვლენები არ ვითარდება ისე, როგორც გვინდოდა, როდესაც გული გვტკივა, იმედი გვიცრუვდება და გეგმები გვეცვლება, ჩვენ ვბრაზობთ, გამოვხატავთ უკმაყოფილებას და ვწუხვართ - და ეს აბსოლუტურად ნორმალურია!
იცით რა მასწავლა ცხოვრებამ და ჩემმა პროფესიამ? არაუშავს თუ კი გწყინს, გაბრაზებული ხარ ან უკმაყოფილო ხარ რაღაცით. ეს ემოციები შენია, ისინი რაღაც მიზეზით დაიბადა შენს გონებასა და გულში და აქვთ უფლება, რომ იარსებონ და შეასრულონ თავისი ფუნქცია, ხოლო შენ გაქვს იმის უფლება, რომ ისინი დროებით განიცადო, მაგრამ ის, რისი უფლებაც არ გაქვს - არის ფარ-ხმლის დაყრა და დანებება.
ზოგჯერ ამ გზის გავლაც არის საჭირო. ხანდახან იმისთვის, რომ ენერგია დავხარჯოთ, რომელიც სჭირდება მიზნის ან მისიის მანიფესტაციასა და შესრულებას, ზოგჯერ წარსული შეცდომების გამოსასწორებლად, ზოგჯერაც სამყარო უბრალოდ გვცდის - რამდენად ძლიერ გვსურს ის, რაც განვიზრახეთ და გავჩერდებით თუ არა.
გავიხსენებ ერთ შემთხვევას:
ჯერ კიდევ შარშან განვიზრახე რაღაც ( არ დავკონკრეტდები რა იყო, მაგრამ პირობითად ჩავთვალოთ, რომ რაღაცის შეძენას ეხებოდა), წელს გამოჩნდა ამის მიღწევის შანსი და დღევანდელივით ნათლად მახსოვს როგორ გავშალე ტარო აღნიშნულ საკითხზე, უფრო სწორად კი პიროვემბაზე ვისგანაც უნდა მიმეღო ეს რაღაც და დავინახე, რომ ეს საქმე დასრულდებოდა ტყუილითა და იმედგაცრუებით, მაგრამ მაინც გამოვიდოდა და ვიქნებოდი კმაყოფილი. “ ეს როგორ?!” ვფიქრობდი.
როგორ შეიძლება, რომ თან იმედი გაგიცრუვდეს და მოგატყუონ, მაგრამ მაინც კმაყოფილი დარჩე?!
ჩემი და X პიროვნების შეთანხმება დღესავით ნათელი იყო, ყოველ შემთხვევაში ასე მეგონა. საბედნიეროდ როდესაც მივედი ადგილზე პროგნოზი გამართლდა. ვერ ვხვდებოდი როგორ მოხდა ეს, მაგრამ როგორც კი შევატყვე რომ მატყუებდნენ საქმეზე უარი ვთქვი და მიზანიც „ჩაფლავდა”.
იმ დღეს გულიც მეტკინა ( ის უფრო იყო გულსატკენი ზოგჯერ როგორ იქცევა ადამიანი, ვიდრე ის, რომ ვერ შედგა გეგმა), მაგრამ კმაყოფილიც დავრჩი - მადლობელი ვიყავი და დღესაც ვარ, რომ არაფერი გამოვიდა, რადგან ის X შენაძენი უეჭველად საშარო გახდებოდა.
სამყარომ ამარიდა პრობლემა და მე მას მადლობა ვუთხარი ამისათვის, მიუხედავად იმედგაცრუებისა.
რატომ დავწერე ზემოთ “საბედნიეროდ”?
რადგან ამ ამბიდან რამდენიმე თვეში მიზანს მაინც მივაღწიე - ოღონდ ცოტა განსხვავებულად და საბოლოოდ ეს უკანასკნელი უკეთესიც გამოდგა. გარდა იმისა, რომ წინა გეგმის ჩაფლავებით სამყარომ ამარიდა არაკეთილსინდისიერი ადამიანი და პრობლემური “პროექტი”, მან შემძინა წინაზე უკეთესი შესაძლებლობა ბევრად უკეთესი და მარტივი პირობებით.
ასე რომ მიიღე ზოგი გამოწვევა და შეფერხება არა სასოწარკვეთითა და მრისხანებით, არამედ მადლიერებით. დაფიქრდი - იქნებ ეს არაა საშენო გზა? იქნებ არასწორ ნაბიჯს დგამ? იქნებ საჭიროა კიდევ რამდენჯერმე ცდა და გამოწვევასთან უფრო თამამად და ვაჟკაცურად შერკინება? იქნებ ჯერ არ ხარ მზად?
გახსოვდეს, სამყარო უმიზეზოდ არასდროს შეგიშლის ხელს.
როდესაც შესაბამისობაში ხარ შენს გულთან, შენს სულთან და სამყაროსთან - ის ყოველთვის გეხმარება.
და თუ კი ასე არ ხდება, ესე იგი ამ სამიდან ერთ-ერთთან მაინც გაქვს არეული ურთიერთობა“, - წერია გავრცელებულ ინფორმაციაში. 
ასევე დაგაინტერესებთ:
⭕„აქ იმიტომ მოხვედი, რომ ღმერთი იპოვო...“ - დეკანოზ თეოდორე გიგნაძის ქადაგება
⭕„ჩვენი ახალი შანსია... ბავშვს ვტოვებთ“ - რას ამბობს ლევან წვერავა
