სოციალურ ქსელში დარეგისტრირებული გვერდი - „ასტროლოგია ეზოტერიკა“ მზის სისტემის სტრუქტურაზე წერს.
გავრცელებულ ინფორმაციაში ვკითხულობთ, რომ სული, რომელიც ფიზიკურ სხეულშია განხორციელებული, რეალური ნების მატარებელია. ნების მაქსიმალური დონე უკავშირდება მის გამოვლენას ფიზიკურ დონეზე. სული ფიზიკური განხორციელებისთვის დიდ მუშაობას ასრულებს — აგროვებს ენერგიას და აერთიანებს ბევრ ძალას ერთ მთლიან სხეულში. განხორციელება ძალიან რთული პროცესია, ამიტომ ნების ყველაზე მაღალი დონე ფიზიკურ სამყაროში გამოიხატება:
„მზის სისტემაში ბევრი სხვადასხვა სხეულია (პლანეტები, ასტეროიდები), მაგრამ ასტროლოგიაში მთავარი ყურადღება პლანეტებს ეთმობა. რატომ? მზის სისტემა მთლიანად ცოცხალი ორგანიზმია და მისი მთავარი ორგანოები — პლანეტებია.
სული, რომელიც ფიზიკურ სხეულშია განხორციელებული, რეალური ნების მატარებელია. ნების მაქსიმალური დონე უკავშირდება მის გამოვლენას ფიზიკურ დონეზე. სული ფიზიკური განხორციელებისთვის დიდ მუშაობას ასრულებს — აგროვებს ენერგიას და აერთიანებს ბევრ ძალას ერთ მთლიან სხეულში. განხორციელება ძალიან რთული პროცესია, ამიტომ ნების ყველაზე მაღალი დონე ფიზიკურ სამყაროში გამოიხატება.
პლანეტები — ეს არის არსებები, რომლებიც განხორციელდნენ, მათ აქვთ ფიზიკური სხეულები. მათი ნების და მოქმედების დონე ვრცელდება ფიზიკურ სამყაროზე. ასტროლოგიაში გათვალისწინებულია სხვა წერტილების, კვანძების და მისტიკური პლანეტების გავლენაც, რომლებიც ფიზიკურ სხეულებს არ ფლობენ. თუმცა, ყველაზე ძლიერ და აქტიურ გავლენას სწორედ ფიზიკური არსებები ახდენენ. ამიტომ ასტროლოგიური დრამის მთავარ გმირებად და კოსმოსური წარმოდგენის მთავარ მოქმედ პირებად პლანეტები გვევლინებიან.
ასტრონომია სწავლობს ცხრა პლანეტას: მერკური, ვენერა, დედამიწა, მარსი, იუპიტერი, სატურნი, ურანი, ნეპტუნი და პლუტონი. თუმცა, არსებობს ვარაუდი, რომ არსებობს კიდევ ერთი პლანეტა — პროზერპინა, რომელიც ჯერ ოფიციალურად არ არის აღმოჩენილი. ასევე ცნობილია უამრავი პატარა პლანეტის, ანუ ასტეროიდების არსებობა.
ასტროლოგები, ასტრონომებისგან განსხვავებით, ათ პლანეტასთან მუშაობენ. ძველ დროში პლანეტებად იმ ციური სხეულები იწოდებოდა, რომლებიც ცაზე მოძრაობდნენ, განსხვავებით უძრავი ვარსკვლავებისგან (ბერძნული სიტყვა „პლანეტოს“-იდან).
ამ „მოძრავ" ობიექტებს მიეკუთვნებიან მზეც და მთვარეც — რადგან ისინი ასევე მოძრაობენ უძრავი ვარსკვლავების მიმართ. ასტროლოგები ტრადიციულად მზესა და მთვარეს პლანეტებად მიიჩნევენ, მიუხედავად იმისა, რომ მზე ვარსკვლავია, ხოლო მთვარე — დედამიწის თანამგზავრი. ასტროლოგები დედამიწას პლანეტად არ განიხილავენ (გეოცენტრულ და ჰელიოცენტრულ შეხედულებებზე ვისაუბრებთ შემდეგ ჯერზე).
ასე რომ, ასტროლოგები მუშაობენ ათი პლანეტით, აქედან შვიდი ხილულია: მზე, მთვარე, მერკური, ვენერა (ყველაზე ნათელი და ლამაზი ვარსკვლავი ჰორიზონტზე), მარსი, იუპიტერი (მზის სისტემის ყველაზე დიდი პლანეტა) და სატურნი (ზოგი ფიქრობს, რომ სატურნი სატანაა).
სატურნის კონცეფცია არასწორად არის გაგებული. ის ითვლება კარმის მატარებლად, რომელიც ადამიანებს შეზღუდვებს, სირთულეებს და დაბრკოლებებს უქმნის. ეს შვიდი პლანეტა ტელესკოპის გარეშე ჩანს და კატეგორიებად იყოფა.
პირველი კატეგორიაა შიდა პლანეტები — ისინი, რომლებიც დედამიწის ორბიტის შიგნით მდებარეობენ (კოპერნიკის სისტემის მიხედვით): მზე, მერკური და ვენერა. მეორე კატეგორიაა გარე პლანეტები — ისინი, რომლებიც დედამიწის ორბიტის გარეთ არიან: მარსი, იუპიტერი და სატურნი. მთვარე ისე მოძრაობს, რომ ნაწილობრივ დედამიწის ორბიტის შიგნით და ნაწილობრივ მის გარეთაა. ის თითქოს შიდა და გარე სამყაროს შორის კავშირია.
ეს პლანეტები იყოფა მდედრობით და მამრობით სქესის პლანეტებად. მდედრობითი პლანეტებია მთვარე და ვენერა, მამრობითი — მზე, მარსი, იუპიტერი და სატურნი. მერკური "ჰერმაფროდიტად" ითვლება, რადგან ის ზოგჯერ ქალის პლანეტას, ზოგჯერ კი კაცის პლანეტას ჰგავს, მისი მდებარეობისა და სხვა პლანეტების გავლენის მიხედვით.
გარდა ამისა, არსებობს ინი და იან პლანეტები. ინი პლანეტებად ითვლება მთვარე, ვენერა და სატურნი, ხოლო იან პლანეტებად — მზე, მარსი და იუპიტერი. მერკური აქაც ორივე ფუნქციას ითავსებს. სატურნი არის მამაკაცური პლანეტა, მაგრამ ინი, რადგან სტატიკური და პასიურია.
1766 წელს ჰერშელმა ტელესკოპის დახმარებით ურანი აღმოაჩინა. ურანს მისცეს სიმბოლო, რომელშიც გამოსახულია ჯვარი, ორი მთვარე, მზე და ისარი.
ნეპტუნი ურანის ციკლის გასვლის შემდეგ (84 წელი) აღმოაჩინეს, პირველად მისი ადგილმდებარეობა გამოითვალეს და შემდეგ იპოვეს პლანეტა. ნეპტუნის სიმბოლო არის სამკაპი და ჯვარი.
1930 წელს ხუთწლიანი ძიების შემდეგ პლუტონი აღმოაჩინეს. ამ პლანეტას სხვადასხვანაირად აღნიშნავენ. სიმბოლოში არის ნახევარ წრე, წრე და ჯვარი.
ამჟამად ბევრს საუბრობენ პროზერპინაზე, თუმცა მისი ორბიტის ზუსტი გამოთვლა ჯერ ვერ მოხერხდა. მისი სიმბოლო მოიცავს ორ ნახევარწრეს და წრეს შუაში“, - წერია გავრცელებულ ინფორმაციაში.
ასევე დაგაინტერესებთ:
⭕რომელ ადამიანთან ურთიერთობა იწვევს აურის დარღვევას და რა გავლენას ახდენს საშიშ აურაში მოხვედრა
