ასტროლოგი და ფსიქოლოგი გიორგი ლობჯანიძე სოციალურ ქსელში პოსტს აქვეყნებს, სადაც ვერძში ნეპტუნის მოძრაობაზე წერს და რეკომენდაციებს გვიზიარებს:
„ნეპტუნი ვერძში - ბოლო გაბრძოლება“
როცა ამ სტატიას ვამზადებდი, ვცდილობდი კარგად და გასაგებად გადმომეცა თქვენთვის სათქმელი. სათაურიც შესაბამისია, ვფიქრობ პერიოდები ისეთი გველოდება ფიზიკურად ვერც მოვდუნდებით და არ მოვიწყენთ, გადაწყვეტილება კი ჩვენზეა. რაც შეეხება, ამ ტრანზიტს, ჩაიკითხეთ და მიიღეთ მომავლის დედამიწის შესახებ
მნიშვნელოვანი ინფორმაციები:
როგორც იცით, კოსმოსურ სამყაროში ამინდს უმაღლესი პლანეტების მოძრაობა ქმნის. პირადი პლანეტები, მზიდან დაწყებული მარსის ჩათვლით, უფრო სწრაფად მოძრაობენ და მათი გავლენა პერიოდულია, ხოლო სოციალური და უმაღლესი მნათობები, იუპიტერიდან დაწყებული - პლუტონით დამთავრებული, ჩვეულებრივ ეპოქალურ მოვლენებს აცხობენ.
ახლაც, ცის კაბადონზე 2025 წლის 30 მარტიდან, პლანეტა ნეპტუნი, რომელიც ასოცირდება ფსიქიკის ერთ-ერთ უმაღლეს ოქტავასთან, ესაა ილუზიების, რელიგიის, ფსიქოლოგიის, ფილოსოფიის, ასევე მედიცინის, იმუნური სისტემის და მედიკამენტების მმართველი პლანეტა, საბოლოოდ დაასრულებს თავის მოძრაობას თევზების ნიშანში და გადაინაცვლებს, დაახლოებით 14 წლით ვერძის ზოდიაქოში.
ნეპტუნი აქ 2038 წლის 22 მაისამდე გაჩერდება და მთელ ეპოქას შექმნის. ვერძი, ესაა გამოჩენა, განსხვავებით თევზებისგან. ამიტომ, სააშკარაოზე, ბევრ რამ გამოვა, აღარ იქნება დაფარული, მთავარია თქვენ მიხვდეთ და შეაფასოთ მოვლენები თუ რა ხდება და სად რა გადაწყვეტილება მიიღოთ.
კარგად რომ დაგანახვოთ როგორ იმუშავა ნეპტუნმა, მოდით გასულ 14 წელს გადავხედოთ: სამწუხაროდ, წინა 2010-2011 წლებიდან მოყოლებული, როცა ნეპტუნი თავისივე მართვის ნიშანს, ანუ თევზების ზოდიაქოს გადიოდა, ამ 14 წლის მანძილზე ჩვენ მივიღეთ მთელი რიგი პრობლემები თევზების თემაში, ანუ: პრობლემები, ტაძარში, + ეზოტერიკულ სამყაროში, ვინც კი ვინმე და რამე შავები იყვნენ (მკითხავები, მჩხიბავები, შავი მაგები, სხვადასხვა სახის დაავადებები, თევზები ინფექციური ნიშანია - კორონა ვირუსი, სრული იზოლაცია) ეს ყველაფერი წინა მოძრაობამ დახატა და შექმნა.
ბუნებრივია, გვქონდა სასიამოვნო წუთები და მიღწევებიც, მაგრამ, ამ შემთხვევაში, ნეგატივი მეტი მოიტანა ნეპტუნის თევზებში მოძრაობამ.
აი, რაც შეეხება ვერძში ინგრესიას: ვერძი, ეს არის მარსით მართვადი ნიშანი. ფიზიკურად, ლიდერი და გამძლეა. შესაშური მხედართმთავრული პოტენციალით, აქვს ძლიერი ხასიათი, ბრწყინვალე ადმინისტრატორი და მიზანზე კონცენტრირებული არსებაა. შეუძლია აწარმოოს ფართომასშტაბიანი ომები და იყოს დამანგრეველიც.
ნეპტუნი აქ შექმნის ინტუიციური ნაყოფის , „ზეშედევრებს“. ძალიან დიდი ალბათობით, მომდევნო 14 წლედში, ხელოვნური ინტელექტის ზეიმს და სხვადასხვა იმპლანტატების გამომზეურებას წავაწყდებით, ადამიანებიც კიდევ მეტად გახდებიან დამოკიდებულნი ტექნიკურ მოწყობილობებზე.
დადებით შემთხვევაში, ჩვენ გვექნება ბალანსი ტექნიკასა და კაცობრიობას შორის. შესაძლოა ისეთი დაავადებებიც კი, რომლებიც ამ წამს განუკურნებელია - განკურნებადი გახდეს. ძალიან დიდი მიღწევები ელოდება ხელოვნების და კულტურის სამყაროს, ასევე სამედიცინო სექტორს. რადგან, ვერძი მართავს ორგანოებიდან თავის არეს, სწორედ მაგ მიდამოზე წამოვა დაწოლა და იმავე ნეიროქირურგები სერიოზული აღმოჩენების წინაშე დადგებიან.
ვერძი, რადგან ომისა და გამარჯვების სიმბოლოა, არანაკლებ დიდი სიახლეები იქნება სამხედრო გენერალიტეტშიც.
რობოტი ჯარისკაცები ან ტექნიკური ომები, ამას „პლუტონის მერწყულში“ ვიზიტიც უწყობს ხელს, + ორიგინალური სამხედრო ფორმა-აღჭურვილობა, რაც მეტად მოდერნიზებულს გახდის თითოეულ ჯარისკაცს.
მედალს ვიცით, რომ აქვს მეორე მხარე.
რა შეიძლება იყოს უარყოფითი? სტატიის სათაურიც ასეთია: „ბოლო გაბრძოლება“, ამიტომ, თუ ამ ტრანზიტზე ადამიანები გონს არ მოეგებიან, ეს მართლაც ბოლო ომი იქნება და დამანგრეველი.
ნეპტუნი, როგორც ნეგატიური განვითარებით: ტყუილი, ილუზია, ცრუ მრწამსი და იდეოლოგია, ხოლო ვერძი, როგორც ლიდერი. ზუსტად ცრუ ლიდერს ან ლიდერთა გუნდს შეხვდებით დედამიწაზე გაბატონებულს, რომლებიც გადაემტერებიან კაცობრიობას და ამ ორ ბანაკს შორის წავა საბოლოო გენერალური ბრძოლა გადარჩენისთვის!
სამწუხაროდ, მაგრამ 21-ე საუკუნეში, კიდევ ბევრ ომს ნახავთ რელიგიურ ნიადაგზე და ახლო აღმოსავლეთში უკიდურესად დაიძაბება სიტუაცია, კონფლიქტმა ირანსა და ამერიკას შორის შესაძლოა სერიოზულად დიდი ესკალაცია შექმნას და ამის მოწმე ბევრი თქვენგანი გახდება.
ვიმეორებ: ეს არის ბოლო ფანჯარა, როცა კაცობრიობამ უნდა აირჩიოს გზა რეალური განვითარების, როგორც სულიერ, ისე მატერიალურ პლანზე ან წავიდეს სიშავისკენ, სადაც კარგს არაფერს უმზადებენ. თითოეული თქვენგანი შემოწმების გზებს გადის!
ნეპტუნის ვერძში ინგრესიის დროსაც, ძლიერ მოიმატებს სიხშირეები ენერგოვბრაციულ პლანზე, მაშასადამე, თუ სულიერად მომზადებული იქნება ადამიანი, ის ამ ფონს გაუძლებს, ვინც არაა მზად, ის მოექცევა წნეხის ქვეშ და მოუწევს გამოსავალზე ფიქრი. ეს იქნება სულიერი და ასევე, ფიზიკური ომის ტალღები, თუ ჩვენ ვერ ვიქნებით მოწოდების სიმაღლეზე!“, - წერს გიორგი ლობჯანიძე.
⭕ ასევე დაგაინტერესებთ:
