„თუ იცით სად ჰყავს თქვენს საყვარელ ადამიანს მთვარე, შეძლებთ მის გაბედნიერებას საკვებით“ - რას წერს ასტროლოგი

ისე, მარტო კაცების გზა კი არ გადის კუჭიდან გულზე, ქალებისაც. 

მთვარე ვერძში ან მორიელში:

მონადირეა კვებაშიც და ცხოვრებაში. მისთვის ხორცეული პირველ ადგილზეა. მოსწონს ცხარე, ცხელი, ცეცხლზე მომზადებული კერძები.

მთვარე კუროში ან სასწორში:

უყვარს ტკბილეული, დახვეწილი ვიზუალის; კენკრა, ხილი. კერძები აუცილებლად ლამაზად უნდა იყოს გაფორმებული. ხომ გაგიგონიათ, თვალი ჭამს და თვალი სვამს...

მთვარე ტყუპში:

მრავალფეროვნება უყვარს, მაგრამ მძიმე საკვები არა, ჭამამ გადაადგილებაში ხელი არ უნდა შეუშალოს. მოუმარაგეთ თხილი, ხილი, ხემსი.

მთვარე კირჩხიბში:

უყვარს ყველაფერი სახლში მომზადებული, საკუთარი ხელითაც. ყველაფერი, რასაც მისი წინაპრები ამზადებდნენ და მიირთმევდნენ. ცოლსაც სთხოვს, რომ დედა როგორც უკეთებდა, ისეთი მოუმზადოს.

მთვარე ლომში:

უყვარს დელიკატესები, ყველაფერი პრესტიჟული და მდიდრული, საჭმელი რესტორნიდან, ყველაფერი ლამაზად გაფორმებული.

მთვარე ქალწულში:

უპირატესობას ანიჭებს ყველაფერ სასარგებლოს: სწორი კვება, დიეტა, ასკეტიზმი. მნიშვნელოვანია, რომ ზედმეტი არ ჭამოს და რასაც შეჭამს იყოს ჯანსაღი.

მთვარე მშვილდოსანში ან თევზებში:

მოსწონს ყველაფერი ეგზოტიკური, ახალი და განსხვავებული. მათთვის კარგია ვეგეტარიანელობა, მცენარეული საკვები. ზღვის პროდუქტები.

მთვარე თხის რქაში:

ჭამს ერთხელ და საფუძვლიანად, არ უყვარს წახემსება. უნდა მიირთვას ცხელი, მსუყე საკვები. მისთვის განსაკუთრებული კერძები უნდა მოამზადოთ, ტრადიციული.

მთვარე მერწყულში:

მრავალფეროვანი და უჩვეულო კერძები მოსწონს. ახასიათებს პროდუქტების უცნაური კომბინაცია, მაგალითად: ნამცხვარი და ტყემალი. ჭამს ხშირად, მაგრამ მცირე ულუფებით. უნდა მოერიდოს სიმძიმე საკვებს.

ასევე დაგაინტერესეთ:

⭕„ხელსაყრელია დაგეგმვა, პაემანი, შეხვედრები...“ - 7 ივლისის პროგნოზი ფენშუის მიხედვით

🎥 „მე ყველაფერი გავეცი, რითაც ბედნიერი ვარ...“ - კრიშტიანუ რონალდუმ სანაკრებო კარიერა დაასრულა

⭕„თუ ჩემი და ღვთის ნება ერთმანეთს ასცდა, დამთავრებულია ჩემი საქმე...“ - დეკანოზი თეოდორე გიგნაძე