ზოდიაქოს 3 ნიშანი, რომლებსაც აგვისტოში პირადი ურთიერთობების თვალსაზრისით სირთულეები ელოდებათ

ქალწული (23 აგვისტო - 22 სექტემბერი)

ქალწული ზოდიაქოს ერთ-ერთი ყველაზე მოწესრიგებული ნიშანია, რომელსაც სტაბილურობა და ყველაფრის გეგმის მიხედვით წარმართვა განსაკუთრებით უყვარს. თუმცა, როგორ ასტროლოგები ამბობენ, რეტროგრადული მერკური თქვენს გეგმებს თვის განმავლობაში ბევრჯერ შეცვლის. თუ რომანტიკული შაბათ-კვირის მოწყობაზე ფიქრობთ, გსურთ საყვარელ ადამიანს გრძნობებში გამოუტყდეთ, შესაძლოა, ეს არც თუ ისე ხელსაყრელი პერიოდი აღმოჩნდეს. კომუნიკაცია გაგირთულდეთ და საბოლოოდ, არა ჰარმონიულ, არამედ კონფლიქტურ სიტუაციაში აღმოჩნდეთ. თუ უკვე ურთიერთობაში ხართ, ამ შემთხვევაშიც, აგვისტოს განმავლობაში შესაძლოა, სხვადასხვა საკითხზე ვერ შეთანხმდეთ და ხშირად იკამათოთ, ძველი წყენები გაიხსენოთ. ასტროლოგების მთავარი რჩევაა, რომ საყვარელ ადამიანთან საკუთარ ემოციებზე, გრძნობებზე, წყენაზე გულწრფელად ისაუბროთ. წინააღმდეგ შემთხვევაში, დაგროვილი ბრაზი ბევრად უარეს შედეგს მოგიტანთ. 

ლომი (23 ივლისი - 22 აგვისტო)

როგორც ასტროლოგები ამბობენ, რეტროგრადული მერკურის გავლენით, თვის მეორე ნახევარში მომატებული შფოთვა და ემოციურობა შეგაწუხებთ და შეეცდებით, თქვენი პარტნიორი ხშირად გააკრიტიკოთ, შენიშვნები მისცეთ, ბრაზი გამოხატოთ, რაც, რა თქმა უნდა, კონფლიქტის რისკს სერიოზულად ზრდის. ამიტომაც, საკუთარ საქციელზე კარგად დაფიქრდით და შეეცადეთ, ობიექტურობა გამოიჩინოთ. ვიდრე პრეტენზიას გამოხატავთ, ჯერ კარგად გაარკვიეთ, ნამდვილად ღირს თუ არა ეს ჩხუბად. წინააღმდეგ შემთხვევაში, შესაძლოა, ყველაზე მყარი და ძლიერი ურთიერთობაც კი დაიშალოს და მარტო დარჩეთ. ასევე, თუ ახალი ურთიერთობის დაწყებას გეგმავთ, ასტროლოგები გირჩევენ, რომ ეს სექტემბრისათვის გადადოთ. ვინაიდან, აგვისტოში, როგორც წესი, ადამიანებს სრულიად არაობიექტურად შეაფასებთ და მცდარ გადაწყვეტილებას მიიღებთ.

ტყუპები (22 მაისი - 21 ივნისი)

ტყუპები თავისუფლებისმოყვარე ნიშანია, რომელიც ჩარჩოებს, რაიმე ფორმით შეზღუდვას და იძულებას ვერ იტანს. სამწუხაროდ, როგორც ასტროლოგები ამბობენ, 2024 წლის აგვისტოში ეს მდგომარეობა კიდევ უფრო გაუარესდება. ბევრს ადრეც არაფერს გეგმავდით, მაგრამ ახლა არის რისკი, რომ დიდ ქაოსში აღმოჩნდეთ და ამან გავლენა თქვენს ემოციურ მდგომარეობაზეც იქონიოს. პარტნიორის მიმართ გრძნობების გამოხატვა გაგიჭირდებათ. ამავდროულად, შესაძლოა, მომატებული ემოციური ფონის გამო, ბრაზიც ხშირად გამოხატოთ, რაც კონფლიქტებამდე მიგიყვანთ. ასტროლოგების მთავარი რჩევაა, აგვისტოში რადიკალური გადაწყვეტილებები არ მიიღოთ. წინააღმდეგ შემთხვევაში, შედეგით იმაზე უკმაყოფილო იქნებით, ვიდრე შეიძლება, წარმოიდგინოთ.

ასევე დაგაინტერესებთ:

⭕ქართველი, ნახევრად ქრისტიანი ჯიჰადისტის, „წითური გენერლის“ გაუხმაურებელი ისტორიები

⭕„მინდა, ჩემი გამარჯვება ჩვენს გმირებს, შინდისში დაცემულ ვაჟკაცებს მივუძღვნა“ - გენო პეტრიაშვილი

⭕ქეთა თოფურია საქართველოში ისვენებს - კადრები ყაზბეგიდან

წყარო: www.beaumonde.ge