2025 წლის 24 ივლისს კირჩხიბის ნიშანში ახალი მთვარეა. ეს დღე თითოეულ ადამიანს შესაძლებლობას აძლევს, მოძველებულ საქმეებსა და ურთიერთობებზე საბოლოოდ თქვან უარი და ცხოვრების ახალი ეტაპი დაიწყონ.
24 ივლისის ახალი მთვარე განსაკუთრებულ გავლენას ზოდიაქოს 3 ნიშანზე მოახდენს და თითოეულ მათგანს მნიშვნელოვანი ცვლილებებისკენ უბიძგებს:
კირჩხიბი (22 ივნისი – 22 ივლისი)
დროა, წარსულს საბოლოოდ დაემშვიდობოთ და ახალი ეტაპი დაიწყოთ. შესაძლოა, ბოლო თვეების განმავლობაში, ცვლილებების სურვილი მუდმივად გახსენებთ თავს. ეს სურვილი ახალი მთვარის დროს კიდევ მეტად გაძლიერდება, რაც გაიძულებთ, ქმედით ნაბიჯებზე იფიქროთ.
ახალი მთვარე თქვენს ნიშანშია. ეს დღე მოგცემთ მოტივაციას, რომ საბოლოოდ აჯობოთ საკუთარ შიშებს და გაბედოთ ის, რაც ძალიან გინდათ, მაგრამ აქამდე სწორედ შიში, არათავდაჯერებულობა ხელს გიშლიდათ.
ეს პერიოდი ურთიერთობებში მეტ სიცხადეს შემოიტანს და გაჩვენებთ, რა უნდა გააგრძელოთ და რაზე უნდა თქვათ უარი. შესაძლოა, აღნიშნულ დღეს მომატებული შფოთვა და ემოციურობა იგრძნოთ, ძველმა ტრავმებმა თავი შეგახსენოთ... მაგრამ, გაქვთ შანსი, წარსულის ნეგატიური გამოცდილებები თქვენს ძალად გადააქციოთ, ბოლომდე გააანალიზოთ ის, რაც უკვე მოხდა და უფრო გააზრებულად დაგეგმოთ მომავალი.
ლომი (23 ივლისი – 22 აგვისტო)
თვითდამკვიდრებიდან თვითგამოხატვამდე ერთი ნაბიჯია. ლომებისთვის ახალი მთვარე ახალი შესაძლებლობების კარს ხსნის. თუ ადრე შთაგონებას სხვების აღიარება გაძლევდათ, ახლა ძალასა და მოტივაციას საკუთარ თავში აღმოაჩენთ და ეს იმდენად კომფორტული და მოგებიანი იქნება, რომ დიდი წარმატების მიღწევაშიც დაგეხმარებათ.
თვითშეფასება ტრანსფორმირდება. ის ახლა აპლოდისმენტებზე კი არ არის დამოკიდებული, არამედ საკუთარი ღირებულებების ცოდნაზეა აგებული. შესანიშნავი დროა იმისათვის, რომ საკუთარ გეგმებს გადახედოთ და საბოლოოდ ჩამოყალიბდეთ, რისი გაკეთება გსურთ და რა აღარ არის აქტუალური.
შესაძლოა, თვითგამოხატვის უფრო მეტი შესაძლებლობა მოგეცეთ, დაწინაურდეთ, საქმიანობის სფერო შეიცვალოთ, დამატებითი საქმე შეითავსოთ და საკუთარი თავის განვითარებაზე იზრუნოთ.
მერწყული (20 იანვარი – 18 თებერვალი)
მერწყულს 2025 წლის 24 ივლისის ახალი მთვარე ნამდვილ ინტელექტუალურ გარღვევას ჰპირდება. მოძველებული იდეები და შაბლონები საბოლოოდ დაიმსხვრევა და ადგილს ახალ შეხედულებებსა და მიდგომებს დაუთმობთ.
ეს ცვლილება განსაკუთრებით შესამჩნევი მეგობრების, ახლობლების, კოლეგების წრეში იქნება. მიხვდებით, რომ დროა, ახალი თანამოაზრეები იპოვოთ და იმუშაოთ იმ გეგმების განხორციელებაზე, რომლებიც მართლა გსურთ.
გაძლიერდება ინტუიცია, რაც რთული პრობლემების გადაჭრასა და გამოსავლის პოვნაში დაგეხმარებათ. უნიკალური პოტენციალის გამოვლენის შესაძლებლობა გექნებათ. ამავდროულად, გუნდში საკუთარი ინდივიდუალიზმის შენარჩუნება მთავარი გამოწვევა გახდება. 24 ივლისის ახალი მთვარე ახალი შესაძლებლობების კარს გაგიხსნით და მოგცემთ შანსს, თქვენი რეალური გეგმები კიდევ უფრო ცხადი გახადოთ.
ასევე დაგაინტერესებთ:
⭕„რა ლამაზი სანახავი ხარ“ - ნუკი კოშკელიშვილი პიკანტურ ფოტოს აქვეყნებს
წყარო: www.beaumonde.ge
