ზოდიაქოს 4 ნიშანი, რომლებსაც 2025 წლის ბოლომდე განსაკუთრებით მნიშვნელოვანი პერიოდი ელოდება

ვერძი

თითქოს, დიდი ხანია, მნიშვნელოვანი ცვლილებების ზღვარზე ხართ და გადამწყვეტ ნაბიჯს ვერ დგამთ, რაღაც გაბრკოლებთ, გაშინებთ, მოტივაციას გიკარგავთ. 2025 წლის ბოლო არის მომენტი, როდესაც თქვენი შინაგანი ენერგია თავიდან აქტიურდება. თქვენი მმართველი პლანეტა, მარსი, ძალიან დიდ შემართებას მოგცემთ და მნიშვნელოვანი გადაწყვეტილებების მიღებაში დაგეხმარებათ. თუმცა, ეს გაუაზრებელი, იმპულსური გადაწყვეტილება არ იქნება. ბევრ თქვენგან წლის ბოლომდე ზუსტად ეცოდინება, რა სურს და რა მიმართულებით უნდა გააგრძელოს განვითარება, რომ მიზნების მიღწევა შეძლოს.

კირჩხიბი

შესაძლოა, ბევრმა თქვენგანმა წლის მეორე ნახევარში საკუთარი თავის უკეთ გაცნობა შეძლო, წარსულს გადახედა, განვლილი ნაბიჯები შეაფასა, შეცდომები გააანალიზა... ახლა გამოცდილების გამოყენების დროა. 2025 წლის ბოლომდე გექნებათ შანსი, თქვენი გეგმები განახორციელოთ, ყველაზე ამბიციურ პროექტებსაც კი შეეჭიდოთ, დაიწყოთ იმ ცვლილებების გატარება, რომლებზეც დიდი ხანია, ფიქრობთ. ძალიან კარგი პერიოდია თვითგანვითარებისთვის, საკუთარი შესაძლებლობების სრულად გამოვლენისა და ახალი პასუხისმგებლობების აღებისთვის.

ლომი

შესაძლოა, მიმდინარე წლის განმავლობაში ბევრი გამოწვევა შეგხვდათ და დროდადრო იძულებული გახდით, შეჩერებულიყავით. შეიძლება, საკუთარ შესაძლებლობაში ეჭვი ბევრჯერ შეგეპარათ და იმედგაცრუება იგრძენით... 2025 წლის დასასრულს თქვენთვის ახალი ენერგია და შემართება მოაქვს. პლუტონი მერწყულში წარსულის ბოლო ძაფებს წყვეტს... ის, რაც დიდი ხანია, გაშინებთ, გაქრება და გექნებათ შესაძლებლობა, საკუთარი თავი, სურვილები თავდაჯერებულად გამოხატოთ და მიიღოთ ის, რასაც იმსახურებთ.

სასწორი

თქვენთვის ეს წელი შესაძლოა, წონასწორობის დაკარგვის წელი იყო. ადამიანებთან ურთიერთობები, თქვენი სურვილები, პრიორიტეტები გადააფასეთ, რეალობა დაინახეთ და ილუზიები დაამსხვრიეთ. წლის ბოლომდე გექნებათ შესაძლებლობა, ახალი გამოცდილებით მნიშვნელოვანი გადაწყვეტილებები მიიღოთ, ზუსტად განსაზღვროთ, რა გინდათ, მკაფიოდ თქვათ "არა" იქ, სადაც განვითარების შანსს ვეღარ ხედავთ და დაკავდეთ იმ საქმით, რომელიც რეალურად განიჭებთ ბედნიერებას.

ასევე დაგაინტერესებთ:

⭕როგორ აორმაგებს სარკე ოჯახის სიმდიდრეს და კვირის რომელ დღეებშია ფული ყველაზე ადვილად საშოვნელი

🎥 „სკოლაში მაბულინგებდნენ, ვაიმე, შენ რა დიდი ცხვირი გაქვსო... “ - რას ჰყვება ანასტასია ბენდუქიძე

🎥 „ეს არ არის მტერი... ჩვენი ტვინიც მასზეა დამოკიდებული, მაგრამ ყველაფერი არის ბალანსი“ - რა უნდა იცოდეთ ქოლესტერინის შესახებ

წყარო: www.beaumonde.ge