დუბაიში საცხოვრებელ კორპუსში გაჩენილი ხანძრის შედეგად თექვსმეტი ადამიანი დაიღუპა და ცხრა დაშავდა - ამის შესახებ BBC იუწყება.
ხანძარი დუბაის ერთ-ერთ უძველეს ნაწილში, ალ-რასის რაიონში მოხდა. აქ მრავალი მიგრანტი მუშა და მოვაჭრე ცხოვრობს.
ადგილობრივი მედიის ცნობით, ხანძარი ხუთსართულიანი კორპუსის მეოთხე სართულზე გაჩნდა.
დუბაის სამოქალაქო თავდაცვის განცხადებით, ხანძრის გაჩენის მიზეზი შენობაში უსაფრთხოების სტანდარტების დარღვევა გახდა.
ადგილობრივი მედიის ცნობით, დაღუპულთა შორის ოთხი ინდოელი და სამი პაკისტანის მოქალაქეა.
მომხდარის შესახებ გამოძიება დაწყებულია.
