მილიარდერმა მარკ ცუკერბერგმა სოცქსელში ფოტო გამოაქვეყნა და დაწერა, რომ ჯანმრთელობის გამო ოპერაცია დასჭირდა.
როგორც ირკვევა, ახლა იგი რეაბილიტაციის კურსს გადის და MMA-ს ჩხუბისთვის უკვე გამოჯანმრთელების შემდეგ გააგრძელებს ვარჯიშს.
ცნობილია რომ ცუკერბერგი სპორტულ ცხოვრებას მისდევს და პროფესიონალური ორთაბრძოლებშიც არის ჩართული. მან ბოლოს წინ ჯიუ-ჯიცუს ტურნირზე გაიმარჯვა.
„სპარინგის (საწვრთნელი ბრძოლის) დროს დავიზიანე მუხლის მყესი.
მისი გამოცვლა გახდა აუცილებელი, ოპერაციამ წარმატებით ჩაიარა და მადლობელი ვარ ექიმების გუნდის ჩემზე ზრუნვისთვის.
ვემზადებოდი MMA-ს ჩხუბისთვის, რომელიც წელს უკვე დაგვიანებულია, თუმცა კვლავ მოუთმენლად ველი მას შემდეგ, რაც გამოვჯანმრთელდები.
მადლობა ყველას სიყვარულისთვის და თანადგომისთვის“,- წერს ცუკერბერგი.
ცნობისთვის, ცუკერბერგი ММА-ში (შერეული ორთაბრძოლები) 2024 წელს ილონ მასკს უნდა დაჰპირისპირებოდა, ეს პაექრობა 2024 წლის პირველ ნახევარში უნდა გამართულიყო, ხოლო შემოსული თანხა ქველმოქმედებაზე უნდა დახარჯულიყო. ბრძოლის ტრანსლირება სოციალური ქსელებით იგეგმებოდა.
აგრეთვე დაგაინტერესებთ:
🔵 „რა მაგარია, ჩემი შვილი რომ ხარ“ - ინგა გრიგოლია ქალიშვილს დაბადების დღეს ულოცავს
🔵 „ფული არ გაქვს? იშოვი, ქმარი არ გყავს? გათხოვდები“ - რა საჩუქარი მიიღო ბაბი კირკიტაძემ
