პირველი აზიური „ევროვიზია“ ნოემბერში ბანგკოკში გაიმართება. ინფორმაციას ევროპის მაუწყებელთა კავშირი ადასტურებს, რომელიც ამ კონკურსის ორგანიზატორია.
მათი მონაცემებით, მონაწილეობაზე განაცხადი უკვე 10-მა ქვეყანამ შეიტანა: სამხრეთ კორეამ, ტაილანდმა, ფილიპინებმა, ვიეტნამმა, მალაიზიამ, კამბოჯამ, ლაოსმა, ბანგლადეშმა, ნეპალმა და ბუტანმა. აზიური „ევროვიზიის“ პოტენციური აუდიტორია 600 მილიონ ადამიანად არის შეფასებული.
ევროპული კონკურსის მსგავსად, თითოეული ქვეყნის წარმომადგენელს უახლოეს თვეებში ეროვნული შესარჩევი ეტაპების შედეგად გამოავლენენ. ფინალი 14 ნოემბერს, ტაილანდის დედაქალაქში ჩატარდება.
რაც შეეხება ევროპულ „ევროვიზიას“, 2026 წლის კონკურსი ვენაში, 12-დან 16 მაისამდე გაიმართება. საქართველოს მასზე ჯგუფი „ბზიკები“ წარადგენს, სიმღერით On Replay.
⭕ ასევე დაგაინტერესებთ:
⭕ ფინანსური სუვერენიტეტი და მატერიალური გრავიტაცია: რა იცვლება 30 მარტიდან? - რას წერს რამაზ გიგაური
⭕„ღვთის სასუფეველი მებრძოლი ეკლესიით იწყება...“ - რას ამბობს დეკანოზი თეოდორე გიგნაძე
წყარო: imedinews.ge
