„რუსეთის ლიდერს ვლადიმერ პუტინს გადაწყვეტილი აქვს დაიპყროს უკრაინა და დადებს ფსონს, რომ ის გაუძლებს დასავლეთის ზეწოლას და გაიმარჯვებს ბრძოლის ველზე, მაშინაც კი, თუ რუსული ძალები ნელი წინსვლით მიიწევენ წინ“,- ამის შესახებ უკრაინული მედია „ბლუმბერგ“-ზე დაყრდნობით წერს, „ბლუმბერგი“ კი კრემლის ოთხ წყაროზე დაყრდნობით.
გამოცემა წერს, რომ პუტინი ერთგულია თავისი სამხედრო მიზნების, მას შემდეგ რაც გასული წლის ბოლოს შეერთებულ შტატებთან ადრინდელი დიპლომატიური კონტაქტები უშედეგოდ დასრულდა.
ამავდროულად, აშშ-ის წარმომადგენლებმა განაცხადეს, რომ ისინი ვერ ხედავდნენ რაიმე ნიშნებს, რომ რუსეთის პრეზიდენტს სერიოზულად სურდა გასული წლის ბოლოს საომარი მოქმედებების დასრულება და უარყვეს ცეცხლის შეწყვეტის შესახებ მოლაპარაკებების იდეა უკრაინის მონაწილეობის გარეშე.
„პუტინი ახლა სავარაუდოდ ესკალაციას გამოიწვევს. მისი მიზანი გამარჯვებაა“, - განაცხადა ოლექსი მუხინმა, მოსკოვის პოლიტიკური ინფორმაციის ცენტრის ხელმძღვანელმა.
გამოცემის ავტორები აღნიშნავენ, რომ იმის გამო, რომ რუსეთს არ გააჩნია ადამიანური ძალა, რომელიც საჭიროა გადამწყვეტი გარღვევისთვის და უკრაინა იბრძვის თავისი ძალებისა და საბრძოლო მასალის მომარაგებისთვის, არ არსებობს ნიშნები იმისა, რომ რომელიმე მხარე შეძლებს საომარი მოქმედებების შეწყვეტას უახლოეს მომავალში.
„გასულ თვეში არჩევნებში გამარჯვების შემდეგ, პუტინმა გააძლიერა სარაკეტო თავდასხმები უკრაინის ქალაქებზე“, - წერს მედია.
გამოცემის ავტორები ვარაუდობენ, რომ კრემლი, შესაძლოა, ამზადებს ნიადაგს ომის ესკალაციისთვის. თუმცა რუსეთს უჭირს ახალი ძირითადი შეტევების წამოწყება ხარკოვის მსგავსი ქალაქების დასაპყრობად.
„მე არ მჯერა რუსეთი ხარკოვის აღებას შეძლებს. კრემლს არ ჰყავს საკმარისი ძალა ასეთი ამოცანის შესასრულებლად, ქალაქი კი ძალიან დიდია. ამ ომში რეალური გარღვევისთვის რუსეთს სჭირდება ბევრად უკეთესი საკომუნიკაციო შესაძლებლობები, ზუსტი იარაღი და ბევრად მეტი ადამიანი“, - განაცხადა მოსკოვის თავდაცვის ანალიტიკური ცენტრის სტრატეგიისა და ტექნოლოგიური ანალიზის ცენტრის ხელმძღვანელმა.
⭕ აგრეთვე დაგაინტერესებთ:
