Digest Logo

რატომ რჩებიან მეგან მარკლი და პრინცი ჰარი შობას დიდ ბრიტანეთში - ყველა დეტალი სადღესასწაულო გეგმებსა და ოჯახურ ვითარებაზე

1795201656
მეგან მარკლი და პრინცი ჰარი

გამოცემა PEOPLE-ის ექსკლუზიური ინფორმაციით, კალიფორნიაში გატარებული ექვსი წლის შემდეგ დიდ ბრიტანეთში დაბრუნებული მეგან მარკლი და პრინცი ჰარი შვილებთან - არჩისა და ლილიბეთთან - ერთად პირველ სადღესასწაულო სეზონს ბრიტანეთში გაატარებენ.

წყაროს ცნობით, სიმშვიდისა და სტაბილურობის შენარჩუნების სურვილი განსაკუთრებით მწვავდება მეგანის მამის, თომას მარკლის გარშემო განვითარებული მძიმე მოვლენების ფონზე, რის გამოც ოჯახი კალიფორნიაში გამგზავრების ნაცვლად, მადლიერების დღესა და შობას ახალ ბრიტანულ სახლში შეხვდება.

რატომ თქვეს უარი კალიფორნიაში გამგზავრებაზე და რას ელიან დღესასწაულებზე:

მიუხედავად ვარაუდებისა, რომ ოჯახი შობისთვის კალიფორნიაში დაბრუნდებოდა, სასექსის ჰერცოგმა და ჰერცოგინიამ ბრიტანეთში დარჩენა გადაწყვიტეს. მათთან ერთად იქნება მეგანის დედა, დორია რაგლენდიც.

წყაროს ინფორმაციით, თომას მარკლის საქმე - რომელიც ნოემბრის დასაწყისში ფლორიდაში არასრულწლოვანთა სექსუალური ექსპლუატაციის მასალებთან დაკავშირებული ფედერალური ბრალდებით დააკავეს - მეგანზე კვლავ მძიმედ მოქმედებს.

ინსაიდერის თქმით: მეგანს სურს, დღესასწაულები მაქსიმალურად მშვიდი და სასიამოვნო იყოს ოჯახისთვის.
აქეთ-იქით მგზავრობა ყველასთვის ზედმეტი დატვირთვა და სტრესი იქნებოდა.

42 წლის ჰარი და 45 წლის მეგანი ახალ ბრიტანულ სახლში არსებული პირადი სივრცითა და სიმშვიდით კმაყოფილნი არიან - მათ შეუძლიათ სადილზე ან ვახშამზე გავიდნენ ისე, რომ გარშემომყოფებმა სივრცე მისცენ.
მას შემდეგ, რაც ბავშვები სკოლაში დაბრუნდნენ, წყვილი ერთმანეთისთვისაც პოულობს დროს.

სადღესასწაულო განწყობა ოჯახმა უკვე დაიწყო: ოთხშაბათს, 18 ნოემბერს, ისინი ლონდონში, ჰაიდ პარკის „ზამთრის საოცრებათა ქვეყნის“ (Winter Wonderland) გახსნის საღამოს ეწვივნენ. წყაროს ცნობით, არჩი და ჰარი მანქანებითაც გაერთნენ, ხოლო ეს გასვლა ბრიტანეთში დაბრუნების შემდეგ არჩისა და ლილიბეთის პირველი საჯარო გამოჩენა იყო. The Daily Mail-ის წყაროს თქმით, ჰარი და მეგანი იღიმოდნენ, იცინოდნენ და ჩვეულებრივ წყვილს ჰგავდნენ, რომელიც შვილებთან ერთად დროს ატარებს.

რა თქვა პრინცმა ჰარიმ This Morning-ის ეთერში და როგორია სამეფო კონტექსტი:

პარასკევს, 20 ნოემბერს, ბრიტანულ დილის გადაცემა This Morning-ში სტუმრობისას პრინცმა ჰარიმ საშობაო გეგმებზე რამდენიმე დეტალი გაამხილა:

სამზარეულო და მენიუ: ჰარის თქმით, საჭმელს, სავარაუდოდ, მეგანი და მისი დედა მოამზადებენ, რადგან ორივე კარგი მზარეულია. სადღესასწაულო სუფრაზე შესაძლოა იყოს როგორც ინდაური, ისე გუმბო („Maybe gumbo, yeah, maybe turkey, maybe gumbo“).

ბავშვების მოლოდინი: ჰარის თქმით, 7 წლის არჩი და 5 წლის ლილიბეთი ყველაზე მეტად თოვლს ელიან, თუმცა თავადაც აღიარა, რომ ბრიტანული ამინდი შესაძლოა ამ მოლოდინს ბოლომდე არ დაემთხვეს.

ეს იქნება პირველი შობა, რომელსაც ჰარი და მეგანი შვილებთან ერთად ბრიტანეთში გაატარებენ. 2019 წლის მაისში არჩის დაბადების შემდეგ წყვილმა იმ წლის შობა კანადაში გაატარა, რასაც მალევე სამეფო ოჯახის უფროსი წევრების სტატუსზე უარის თქმა და კალიფორნიაში გადასვლა მოჰყვა, სადაც 2021 წელს ლილიბეთი დაიბადა.

ბრიტანეთში ყოფნის მიუხედავად, ჰარისა და მეგანს სანდრინგემში ბრიტანეთის სამეფო ოჯახის ტრადიციულ საშობაო შეკრებასა და შობის დილის ღვთისმსახურებაზე არ ელოდებიან. მეგანი სანდრინგემში სამეფო ოჯახთან ერთად 2017 და 2018 წლებში იმყოფებოდა, ხოლო არჩი და ლილიბეთი იქ არასდროს ყოფილან.

რა ხდებოდა მეგან მარკლისა და მამამისის ურთიერთობაში:

მეგან მარკლი მამასთან, თომას მარკლთან, 2018 წლის მაისში პრინც ჰარიზე დაქორწინების შემდეგ მალევე გაუცხოვდა.

მეგანთან დაახლოებულმა წყარომ PEOPLE-ს განუცხადა, რომ მეგანი მამის გარშემო არსებული ბრალდებების გამო „განადგურებულია“ („devastated“), რადგან მასთან წლების განმავლობაში ახლო ურთიერთობა ჰქონდა და ენდობოდა, ამიტომ მომხდარი დიდ სევდას იწვევს.

23 ოქტომბერს გავრცელებულ განცხადებაში მეგანმა აღნიშნა, რომ ახალგაზრდა გოგონებთან დაკავშირებული ბრალდებების შესახებ წლების წინ შეიტყო და მამის შვილებთან კონტაქტის შეზღუდვის გადაწყვეტილება სწორედ ამით ახსნა:

„ნებისმიერი დისტანცია მამაჩემთან და ჩემი გადაწყვეტილება, არ მიმეცა მისთვის ჩვენს შვილებთან კონტაქტის უფლება, ერთ მიზეზს ემსახურებოდა: მათ დაცვას“

⭕ აგრეთვე დაგაინტერესებთ:

⭕მზე მშვილდოსანში გადადის: 22 ნოემბრიდან ზოდიაქოს 6 ნიშანს წარმატებული პერიოდი ეწყება – ვის მოუტანს მშვილდოსნის სეზონი იღბალს?

⭕„ვერ ვიჯერებ არიანა, რომ აღარ იკაშკაშებ კლასში…” - ფონიჭალის ტრაგედიის დროს გარდაცვლილ პატარას ემშვიდობებიან

⭕მოულოდნელი ამბები, მნიშვნელოვანი გადაწყვეტილებები და ახალი შანსები – რას გვიმზადებს 20 ნოემბერი?

წყარო: people.com

✕