„საფრანგეთის ეროვნულმა ასამბლეამ მრავალწლიანი დებატების შემდეგ ევთანაზია დააკანონა“, - ამის შესახებ BBC იუწყება.
კანონპროექტი საფრანგეთის სრულწლოვან მოქალაქეებზე ვრცელდება, რომლებსაც განუკურნებელი, მძიმე სენი აქვთ. სავალდებულო პირობა იქნება მუდმივი ფიზიკური ან ფსიქოლოგიური ტანჯვა, რომლის შემსუბუქებაც მკურნალობით შეუძლებელია.
ადამიანმა, რომელსაც ევთანაზიის გამოყენება სურს, წინასწარ უნდა მიმართოს ექიმების კომისიას და თანხმობის შემთხვევაში, სასიკვდილო ინიექცია ორგანიზმში თავად უნდა შეიყვანოს.
ექიმს ან მედდას ინიექციის გაკეთება მხოლოდ იმ შემთხვევაში შეეძლებათ, თუ პაციენტს ამის დამოუკიდებლად გაკეთება ფიზიკურად არ შეუძლია.
პაციენტს გადაწყვეტილების მისაღებად 15 დღის ვადა აქვს.
საფრანგეთი მე-11 ქვეყანაა მსოფლიოში, სადაც ევთანაზია დაშვებულია.
⭕ ასევე დაგაინტერესებთ:
