მას შემდეგ, რაც ალა პუგაჩოვა და მაქსიმ გალკინი რუსეთიდან გაემგზავრნენ, მეუღლეების ახალი ადგილსამყოფლის შესახებ ბევრი ინფორმაცია გავრცელდა.
რუსული მედია წერს, რომ მაქსიმ გალკინისა და ალა პუგაჩოვას შვილებს სხვა ქვეყნის მოქალაქეობა აქვთ, ოფიციალურად გალკინი და პუგაჩოვა ამას არ ადასტურებენ, თუმცა მედიაში ირწმუნებიან, რომ ეს სიმართლეა. ცნობილია, რომ რამდენიმე წლის წინ მეუღლეებმა კვიპროსზე სახლი შეიძინეს და მოქალაქეობაც მიიღეს.
ცოტა ხნის წინ, მოკლე ვიდეომიმართვა გაავრცელა მაქსიმ გალკინმა და მისი “ინსტაგრამის” მიმდევრების თხოვნას გამოეხმაურა.
საქმე ისაა, რომ როგორც გალკინი აღნიშნავს, მისი გულშემატკივრები ითხოვენ, აქტიურად განაგრძოს მისმა ოჯახის წევრებმა მოქმედ სოციალურ ქსელებში აქტიურობა, რაზედაც გალკინი ასე პასუხობს:
“მე ვერ ვხედავ სულიერ და მორალურ საჭიროებას ეს გავაკეთო, ამიტომ არც „ინსტაგრამზე“ და არც ტელეგრამის არხზე არ იქნება ის, რაც იყო 24 თებერვლამდე”, – ამბობს ვიდეომიმართვაში გალკინი და ამასთან, მის გულშემატკივრებს თხოვნით მიმართავს:
“დიდი თხოვნა მექნება, ნუ წაიკითხავთ დილაობით რუსულ გაზეთებს, ეს ყველაფერი ისეთი აბსურდია, არც ღირს ამაზე რეაგირება”.
ასევე დაგაინტერესებთ👇
წყარო: fortuna.ge
