უკრაინის პრეზიდენტის ვოლოდიმირ ზელენსკის თქმით, სურდა, რომ მისი პარტნიორები უფრო უშუალოდ ყოფილიყვნენ ომში ჩართული, თუმცა ესმის, რომ ისინი რუსეთის ანტაგონიზებას სიფრთხილით ეკიდებოდნენ.
როგორც ზელენსკი Reuters-თან ინტერვიუში ამბობს, დასავლელ მოკავშირეებს ძალიან დიდი დრო სჭირდებათ უკრაინის სამხედრო მხარდაჭერის შესახებ მნიშვნელოვანი გადაწყვეტილებების მისაღებად.
„ყველა იმეორებს სიტყვას, რომელიც ნებისმიერ ენაზე ერთნაირად ჟღერს - ყველას ეშინია ესკალაციის. ყველა მიეჩვია, რომ უკრაინელები იხოცებიან“, - აცხადებს ზელენსკი.
როგორც უკრაინის პრეზიდენტი აღნიშნავს, ქვეყანა ელოდება F-16-ებს, რომლებიც ჯერ კიდევ გამოუყენებელია.
„რუსები უკრაინის ტერიტორიაზე 300 თვითმფრინავს იყენებენ. ჩვენ, როგორც მინიმუმ 120-130 თვითმფრინავი გვჭირდება, რომ ჰაერში წინააღმდეგობა გავუწიოთ“, - ამბობს ზელენსკი.
აგრეთვე დაგაინტერესებთ:
წყარო: newshub.ge
